فى ضيافه رودي وطبق اليوم

[الأميرة رودي]

السلام عليكم ورحمه الله مسائكم معطر بالورد والياسمين اعضاء بنات مصر الكرام النهــارده هنكون فى رحله مطبيخيه سريعه وطبق اليـوم مع [ ♥ ήóūя ♥ ] مع طبقها المفضل برمضان هتحكيلنا عن طبقها المفضل مع مكوناته والمقادير وطريقه التحضير عشان الكل يستفاد منه واللى مش بيعرف يتعلم النهارده هنشوف القمر نور أكلتها المفضله ايه وبالصور والخطوات من مطبخهــا فى انتظـــارك نــور

[Magic Dreams]

فى انتظارك يا نور
+توبيك جميل يا رودى

[رآقيہ بأخلاقـى]

اممممم
احنا فينا من كدة ارودى
ماشى يا جميل
بس انا مش هعرف اصور الاكله اللى بحبها
لان الريدر ناو فيه مشاكل
ومفيش غيره علشان استخدمه
،،،،،
ثانياً بقى وده المهم ان انا بحب كل الاكل
الحمد لله مش بقول لا على حاجة وبعدين انا اصلا نفسى حلو فى الاكل
يعنى لو عدس هيبقى جميل
دى حقيقة وبشهادة شهود مش بشكر فى نفسى
وبما انى مش هعرف اصور حاجة من مطبخى
مضطرة بقى اجيب الاكلة من ع النت اوك ولا مش اوك ؟؟

[الأميرة رودي]

أوكي ياعم
احنا نقدر نقول حاجه هههههه

[رآقيہ بأخلاقـى]

تمام يا قمر متحرمش منك
اوك هجبلك الاكله وطريقتها

[رآقيہ بأخلاقـى]

بما انى بحب جميع انواع الاكل

انا النهاردة جيبالكم اكلتين حلوين اوى وبحبهم
السمبوسه بالفراخ وبفتيك اللحمه
اول حاجة هقدمها هى السمبوسه

صدور دجاج مقطعة قطع صغيرة جداا

بصلة مبشورة ناعم

جزر مبشور

صويا صوص

كارى

بابريكا

ريحان

بهارات دجاج

ملح _فلفل اسود

نشوح البصل والجزر فى ملعقة زبدة مع زيت

و لما يدبل البصل والجزر نضيف الدجاج

ثم ملعقة كبيرة صويا صوص + ربع ملعقة ريحان
و بابريكا وبهارات و ملح و فلفل حسب الذوق

ونقالب ع نار متوسطة

و لما الدجاج يستوى نضيف معلقة صغيرة هوت صوص (اختيارى)

لما الحشوة تبرد نكوم مجهزين السمبوسة

و نبدأ نحشى

و هنا خلصصت الكمية

نقليها فى زيت ساخن

و تقدم

طبعاً دى كانت عايزة تتحرق
بس انتوا بقى بلاش تنسوها لحد ما يبقى شكلها كدة
خلوا لونها دهبى افضل
وبألف هنا وشفا

ندخل بقى على بفتيك اللحمه
طبعاًً الطريقة جبتها من على النت
ولحسن الحظ اللى عاملة الطريقة اسمها نور
يلا نشوف

طريقة عمل بفتيك اللحمه المقلى steak
المقادير :ـ

1ـ لحم بفتيك يطلب بهذا الاسم من الجزار
ويطلب من الجزار أن يدقه حتى يصبح رقيق
مش جدا حتى لاينشف عند القلى
2ـ ماء بصل (ابشرى البصل ثم ضعى عليه ملح
وفلفل اسود واتركيه دقيقاتين ثم اعصريه بيدك وخدى الماء)
3ـ ملح
4ـ فلفل اسود
5ـ عصير 2طماطم حمراء وطريه
6ـ دقيق ذره(افضل دقيق للتحمير حتى للفراخ)
7ـ بقسماط
8ـ بيض

الطريقه:ـ
ـــــــــــــــــ

يتبل اللحم بماء البصل وعصير الطماطم والملح والفلفل
( راعى انك وضعتى ملح وفلفل لماء البصل)

يخلط البقسماط مع دقيق الذره

نخفق البيض مع ملح وفلفل
ونضيف عليه ملعقة صغيره زيت زيتون
وده السر في تماسك الطبقه الخارجيه

ــــــــــــــــــــــــ

نطلع اللحمه من الثلاجه ونعصرها من التتبيله بأيدينا جدا
ثم نضعها فى البيض

ونتركه عشر دقائق
ثم نضعه فى خليط الذره والبقسماط

ونضغط عليه كويس جدا حتى يمسك الخليط به
نرصه فى طبق ونغطيه ونضعه فى الثلاجه نصف ساعه
(ممكن يتحمرمباشرة)

نحضر زيت غزير ويفضل زيت الذره وسخن جدا ونضع فيه البفتيك
و ترفع على النار حتى يظهر أثار الدم على سطحها
ثم تقلب الى الجهه الاخرى يسوى علي نار هادئة حتى يستوي من جوه ومن بره
ينشل البفتيك من الزيت ويوضع علي ورق مطبخ حتى نتخلص من الزيت

وبعد كده نقدمه ولو حبينا نعملة اى جرنشه مفيش مشكلة
الطرق دى اسهل طرق وخفيفه
جربوها هتعجبكم اوووووى
وبألف هنا

[انا دنيته وهو حياتى]

تيب ليه كدا اللى بتعملوه فيا
تجوعونى والفجر لسه مأذن
طب لييييه
اللهم انى صايمه

احلى اكلتين والله

تسلمى ع الاستضافه يا ساره
وتسلمى ع الاكلات يا نور

منورين يا قمرات

[توحد ارواح]

ايه الحاجات الحلوه دى يا نور
بجد استفدت منها والسراللى ف خلطة البفتيك
تسلم ايدك نور
تسلمى رودى ويدوم التميز

[PrinCesS Gege]

حلو اوووى التوبيك ارودى
تسلم ايدك يانور ع الاكله الحلوه دى
جوعتينى :d

[الأميرة رودي]

نورتوني جميعــا
شكرا لمروركم الجميــل
تسلمي نور البوفتيك ده اصلا حبيب الملايين
شكرا لاضافتك حبيبتي كنت سعيده بوجودك
مانحرمش منك♥♥