مشكلة تبحث عن حل ( الاسبوع الثاني)

[™Amiliya]

مسائكم عطر بذكر الرحمن زي ماوعدناكم ان كل اسبوع هيكون معانا حل نختاره يفوز بجايزة تقدرية من القسم من ضمن الردود الرائعة اخترنا رد واحد فقط وفاز بـ 25 مشاركة هدية من الفضفضة وكانت من نصيب بحر ولكن http://forums.banatmisr.com/msryat484909/ الف شكر بحر و الف شكر للجميع ع ردودهم المميزة / مشكلتنا النهاردة من الاخت ليلة / انا ليلة 25 سنة اتولدت في بلد غير عربي من ام اجنبية واب عربي انفصلو بعد ولادتي بسنتين انا عشت مع والدتي فترة لا تقل عن 11 سنة وقررت والدتي الزواج برجل اخر فطلبت مني اعيش مع والدي الي مكنتش اعرفو كتير الا عن طريق اتصالات او زيارة سريعة لبلد امي قررت امي انها تنقل اقامتي كاملة عند والدي في بلده العربي وبالفعل انتقلت والدي متزوج من امراة اخرى وعندو منها بنتين وولد اول مرة اشوفهم ويشوفوني اتعرفت عليهم في بداية الامر كانت الامور كويسة وكل شيء مستقر وبدات اتقلم ع الوضع في البلد واتعرف ع الناس والتحقت بالمدرسة واكملت حياتي وكان والدي مبسوط بيا جدا واخواتي كمان وزوجته ست طيبة جدا احتوتني التحقت بالكلية مع اختي الفترة دي اتقدم لاختي خطيب وكلهم وافقو وكنا مبسوطين ليها جدا قررو انهم يتجوزو بعد التخرج ، حصلت بينهم مشكلة وحاولت اتدخل لحلها ومع الاسف عجزت وحصل فسخ خطوبة واتالمت اختي جدا وتعبت لانه كان حبها فخسرته من 5 شهور اتصل بيا خطيب اختي السابق وعايز يشوفني ضروري لامر يهم اختي وقلي متقوليش لحد انك هتقبليني وفعلا نزلت قابلته كل نيتي اني لو قدرت هرجعهم لبعض لما قابلني قلي كلام غريب انو بيحبني من اول مرة شافني وانو مبطلش يفكر فيا واني سبب انو فسخ خطوبته من اختي لانه مش قادر يحسها وانه شايف فيا فتاة احلامو ووراني صور ليا عندو ع الموبايل مصورها ع غير علمي واحنا بنخرج كنا سوا واحنا في البيت لما بيكون معزوم عندنا ومحتفظ بيهم انا استغربت جدا ورفضت اكمل كلامي معاه ومشيت فضل يطاردني شهرين مكالمات ووقوف تحت البيت ومش راضي يسيبني في حالي وقلي ياتكلمنيني يااما اقتل نفسي قدام باباكم انا خفت فكلمته وكل مرة يكون عايز يكلمني يهدد انو يقتل نفسه وفي مرة قلت خليني اشوف يهقتل نفسه ولا وبالفعل قطع شرايين ايدو وراح المستشفى والغريب ان الكل فاكر انو عمل كدا عشان ساب اختي رحت زرتو في المستشفى قابلتني ممتو قالتلي لو ضاع ابني انتي السبب اقعدت افهمها انا مينفعش انا وابنك باي حال من الاحوال نكون سوا انا مقدرش اجرح اختي قالتلي دا قسمة ونصيب ومعرفش ايه وانها مستعدة تروح تخطبني من والدي اتكلمت معاه الوضع دا مينفعش وانت بتسببلي مشكلة وهخسر اختي فيها مفيش فايدة كل مرة يقولي هموت نفسي لو متكلمتيش معايا لو مقبلتنيش ومش عارفة اهرب منه وخايفة لو قلت لاختي تفتكر اني انا السبب في فسخ خطوبتها اني علقتو بيا واخسر اختي واهلي الي وثقو فيا وانا تعبت منه ومن تصرفاته وكل يوم الموضوع بيزيد ضغط عليا واختي صعبة اوي ومش هتفهمني وممتها ذات الشيء / ارجوكم عايزة حل مسخرش فيه حد من اهلي انا تعبانة مبنمش من كتر منا خايفة حد فيهم يسمعني في مرة او يشوفني وانا معاه يفتكر بينا علاقة شكرا ليكم / في انتظار ارائكم اصدقائنا

[ساحر الأحزان]

الخطيب دة غير أمين عليها لانة ما أحترم أهل البيت والبيت ألى دخلو لانة ما أحترم حب أختها وثقة أهلها فية يخش يخطب واحد يبص لواحدة تانية وهى مين أختها ؟

الحل المناسب هى قطع الصلة بالشاب دة لأنها لو حبتة وأتقدم يخطبها أولا طلبة حيقابل بالرفض من أهل البيت دة حاجة ؟

تانى حاجة ألى حيحصل حيقال أنها السبب فى فسخ خطبة أختها وجرحها

ووجودها فى مكان واحد مع أخوتها من الأب وزوجة الأب حيكون غير مرغوب فيها وحتعامل بقسوة

الأفضل مش تبنى سعادتك على جرح وحزن أختك

أشترى أهلك فهم لا يقدرون بتمن وأنظرى لحياتك وربنا يوفقك بواحد يستحقك ويقدرك

فتح مساحة جميلة أيمليا

وربنا يوفقها

[كريم عاصم]

رأيي من رأى أمجد فهو جاب من الآخر وكلامة منطقي وكنت هرد بنفس الرد مساحة رائعه منك إيمى في حل مشكلة والإفادة من آراء الأعضاء دوما سباقة بالخير

[SaMa.]

تبعد عنو وتغير رقمها دة موش طبيعى وهاتخسر اهلها

[*قمر*]

المفروض تقول لابوها عشان دة بني ادم مش كويس انه يبقي خاطب او بيحب واحده ويبص لحد تاني ومين اقرب واحده لخطيبته يعني خيانه للبنت ولاهلها اللي وثقو فيه وفتحوا له بيتهم واعتبروه واحد منهم عموما بعد ماحصل واعترف لها المفروض كانت تكلم باباها علي طول عشان كان لازم حد يبقي عارف قبل ماالموضوع يوصل لكده واظن انه هيتفهم الموضوع لان الاتنين بناته وكمان لازم تقطع صلتها بيه وامه بتقولها هروح اخطبك ازاي يعني اي اهل اللي يوافقوا يعملوا كده وهي ملهاش ذنب ولا راحت قالتله حبني كل غلطها انها وافقت تكلمه بس كفايه كده لازم توضع حد للموضوع دة كل ما الوقت بيعدي هي هتخسر

[العاشق الذى لم يتب]

حلوة المسابقة
اول مرة اعرفها
وشكرا لمجهودك ايمى
وكذا سما
ومبروك لفايز
وان شاءالله لى رجعة
اشوف ايه الحلي
مودتى

[Stop Ana Eltop]

اول حاجه دا مش راجل اصلا لانه ضحى بدينه عشان واحده
الاختلاط بردك كان غلط من البدايه

وعشان كدا مفيش مانع نضحى بواحد من اجل البقيه
اسمك ليلة اسم جمييل بصى انتى غلطتى من البدايه لما رحتى كلمتيه لاول مره من ورا اهلك كان المفروض انك تبعدى عنه طالما انه كسر قلب اختك احتراما لاختك ليس الا

انتى دلوقتى هتغيرى رقمك فعلا وتبعدى عنه ومش هتكلميه تانى ولو حتى قتل نفسه هو حر وامه لو مهياش مسمحاكى عادى هى حره انتى ما اذنبتيش عشان قلة مسامحتها ليكى يبقى فيها حاجه هى الى غلطانه ومعرفتش تربى راجل

عيشى حياتك سعيده مع اخواتك ووالدك ووالدتك واعتبرى الموضوع دا سلمه وانتى اجتزتيها

بلاش تقدمى تنازلات عشان التنازل هيجر التنازل لحد ماتلاقى نفسك ضيعتى وخسرتى كل الى حوالييكى

[™Amiliya]

تسلمو اصدقائي ع تواجدكم وردودكم وتفاعلكم الي بجد يفرح

في انتظار البقية من الردود

[دفاتر القمر]

تعرف اهلها الحكايه كلها
وتفهمهم هو بيعمل ايه وياها
وتقنع اهلها انه اتفاجات بكل ده
وانها بترفضه ومش عوزا
وتكلم بابها انه يكلمه انه يبعد عنها
وكمان تفهم اختها انها عندها بالدنيا كلها
ومش هتسمح لحد يفرق بينهم مهما كان مين
وانها استحاله توافق بيه

[(طائر الشرق)]

السلام عليكم ورحمة الله

طابت أوقاتكم جميعآ بكل خير

فى بادى الامر دائمآ ما يولد الخوف مشاكل لا حسر لها

والاخت ليلى شريك رسمى فى المشكلة لانها انحرفت

عن الطريق الصحيح وكل شئ فى النور جميل بمعنى أن

فيه أب وفيه مرات أب وأكيد هم أدرى بأمور الحياة وعندهم

تجارب فى الحياة تساعدهم فى حل المشكلة الاخ الغير

فاضل غدرت بأختك ومحترمش لا عرف ولا اصول ولا شرع

يبقى اللى زى ده مش ممكن يحترم أى شئ أخر واكبر

دليل كلام الست والوالده ودى المدرسة اللى اتعلم فيها

الاخ من الطبيعى لو ليلى مش مياله لكده كانت تطرح الموضوع

على الوالد وهو صاحب القرار والقاضى ومستحيل انه يتصرف

غير الصح وفيها أيه لما يهدد بالانتحار ده دليل تانى على انه

لا يعرف شئ عن دينه يعنى بالبلدى كده فى ستين داهيه

من البداية ليلى حبت تقوم بدور بطلولى انها ترجع المياه الى

مجراها الطبيعى لكن الظاهر ان الاخلاط والترابط الاسرى كان

قوى وكمان كان فيه قبول من ليلى لان لو مفيش قبول نهائى

من المستحيل انه يفكر يدخل من الباب ده

لو هى صحيح بتدور على حل فى الحال تصارح والدها بكل شئ

ويا روح مبعدك روح وأكيد اللى من دمها أولى لها من أى شئ

وربنا يسترها على بنات المسلمين أجمعين