حضن متاح

[Manar a7med]

ح - عاوزة أفرح بيك
- لما أفرح بيكي انتي اﻷ‌ول
- اتلم ياواد بتكلم جد
انا عاوزه اتطمن ليك وعليك
- والنبي فكّك
- والله عبيط
انا يابني هاروح مش هاقعدلك
محتاجة اشوفك ساكن بيت
- هو انا يعني بنام ف الشارع ؟
- ياحمار اديني عقاد نافع
- مش هتجوز انا كده مرتاح
أنا أمي كمنجة وحضن متاح
ومشاعر معرفش احكيها
أنا متجوز أمي أساساً
متطمن وانا عايش بيها
أنا كل ما بهرب منها واغيب
بكتشف إن انا بهرب فيها
الست دي حالة ماتتكررش
نتغير ..... هي ماتتغيرش
الدنيا تشيلها وتهبدها
تطلع تنزل
تكسرها تقوم
أنا أمي أنوثة بـ100 راجل
ورجولة بدرجة ناي مكتوم
ساعة ماتوفى أبويا وراح
شوفت ف نظرتها كﻼ‌م وجراح
من يومها وهي عمود البيت
واﻵ‌مر دايماً / والناهي
الدوا جيبته ؟
فاكراني نسيت ؟؟
انا عارفه ان الدنيا تﻼ‌هي
احضنها تقوللي امشي يانصاب
بتغيب أيام زي اﻻ‌غراب
وتقولي مشاغل وأبصر ايه
انا أصلي بقيت شاعر معروف
قالك معروف .. بأمارة إيه
كوافيلك تشهد يامهزأ
ف رضاكي يامزة أنا بتلزق
واخرج على أوضتي شوية وانام
واسمعها تصلي وتدعيلي :
الواد تلفان ، انما طيب
وانت قريب
ارزقه رزق بحجم السماوات
وارزقه بالخلفة وﻻ‌د وبنات
وتنام وتقوم تﻼ‌قيني مشيت
فتقوم تبدأ ترويق ف البيت
أنا اسف جداً ياحبيبتي
علي سفري الدايم واﻻ‌شغال
علي كل كﻼ‌م ضايقك واتقال
انا مهما بدور وباعيش ف الدور
باطلع وانزل واجي عليكي
أنا راجل جداً
ورجولتي تلخيصها ف بوسة علي ايديكي
والدنيا ان ضاقت ف انتي براح
وانا جنبك باتطمن وارتاح
وخناقنا ساعات بيكون راحة
وخصامنا كتير بيكون تلكيك
اﻷ‌م مكان لسكون الروح
وخضار من قلبك طارح فيك
- أيوة ياماما ؟
- عاوزة أفرح بيك .

#عمرو حسن
تحياتي

[العاشق الذى لم يتب]

رائع الإختيار والإنتقاء
مفيد المضمون والهدف
سلمت الأيادى
ودام النشاط والتميز
ورودى وودى

[همسه دموع]

جميله كتير مافيش احسن من الام
تسلمى
واهلا بحضرتك

[Manar a7med]

اقتباس المشاركة الأصلية كتبت بواسطة العاشق الذى لم يتب رائع الإختيار والإنتقاء مفيد المضمون والهدف سلمت الأيادى ودام النشاط والتميز ورودى وودى

تسلميلي ، ربنايسعدک

[Manar a7med]

اقتباس المشاركة الأصلية كتبت بواسطة همسه دموع جميله كتير مافيش احسن من الام تسلمى واهلا بحضرتك

تسلميلي ، مش أجمل من مرورک

[احساسى صحيح]

هههههههههههه
جميله اوى
تسلمى على الاختيار الراقى
ونورتى المنتدى منار

[انا جيجي]

جميل يا قمر منورى المنتدى

[Manar a7med]

اقتباس المشاركة الأصلية كتبت بواسطة احساسى صحيح هههههههههههه جميله اوى تسلمى على الاختيار الراقى ونورتى المنتدى منار

تسلم ، ربنا يسعدک ، منور بوجودک

[Manar a7med]

اقتباس المشاركة الأصلية كتبت بواسطة انا جيجي جميل يا قمر منورى المنتدى

مش أجمل من مرورک ، منور بوجودک ياجميله <3

[.Lamar]

الام دايما شغلها الشاغل تطمن ان اصبح لاولادهم بيت و حياة مستقرة

كل الشكر لموضوعك

تحياتى و تقديرى