فى ضيافه الخيمه الرمضانيه معنااااااا......

[الأميرة رودي]

السلام عليكم في ضيافة الخيمة الرمضانية نسعد بكم حبايبنا تسعدونا بحضوركم الجميل ونسعد بضيف من ضيوف منتدانا ....نبحث معه ف ذكرياته الاول اتفضـــلو طبق البسبوسه الشهى ده بس مش تكترو عشان الدايت واصلا البسبوسه حرام انا رفيعه ي رودى مش بعمل دايت هو معمول لوحده عنك انتى هههههههه لا ده مش ليكي بطلو طفاسه انتى وجبتك اهى فنجان شاي بحليب عشان تجاوبي بدماغ لو عندكو كحك هاتى مع الشاى هههههه لا معندناش النهارده ضيقتي صديقتى الصدوقه انسانه مميزه جداا قلبها طيوب ونشيطه وانا بحبها جدااااا ♥ حبيبتى والله مافى احلى منك ولا اطيب من قلبك اهلا بيكي ف الخيمه الرمضانيه اشكرك لقبولك الدعوره هو انا اقدر ماقبلش بردو لا طبعا ماتقدريش قوليلنا الاول اخبارك ايه فى رمضان السنه دي ايه الجديد اللى حصل فى حياتك ؟ وايه اللى اتغيـــر عن السنه اللى فاتت؟ الحمد لله رمضان السنه دى احلى كتير حاسه انى بحافظ اكتر ع الحاجات الحلوة قران وتراويح وفرحانه بكده - طيب تحبي رمضان أكثر. الماضي ام الحاضر؟ الماضى علشان الناس ال خسرناها كان رمضان بيهم احلى - تحبي رمضان في الصيف أو رمضان في الشتا ؟ والله الاتنين ليهم عيوب ومميزات بس مش فارق معايا كتير - في رمضان تحبي النوم المبكر أم السهر ؟ حاليا بسهر - في رمضان تحب الإجتماع مع الأهل والأصحاب أم الجلوس لوحدك ؟ اكيد الاجتماع واللمه - وجه دعوه لــ خمسه من أعضاء منتدانا على الإفطار ؟ مين تختاري ؟ انتى وهبه ستوب انا التوب وراقيه باخلاقى ولمار وحافظة القران برنامجك في رمضان كيف بيكون ؟ قران بعد الفجر وبنام واصحى اساعد ماما شويه وبعدين صلاه التراويح وبعدين ممكن شويه نت واحضر السحور وهكذا - ايه الأكله او الطبق اللي لازم يكون أمامك في رمضان ؟ سلطه طحينه - هل تحرصى على السحور ؟ اكيد لانى انا ال بعمله ف هو اجبارى - شخص تفتقديه بشده في رمضان هذا العام ؟ جدى وجدتى الله يرحمهم - مين بيجي على بالك اول ما تسمعي بحلول الشهر الكريم بعد الوالدين الله يحفظ الموجودين ويرحم من انتقل الى جوار ربه ؟ مفيش حد معين - مالذي تتمنى أن تراة في المنتدى خلال هذا الشهر الكريم؟؟ المنتدى اصلا مش بيكون حلو كده غير ف الشهر ده بتمنى كمان الناس الغايبه ترجع وتشاركنا اللمه دى - مشهد يسعدك أن تراه في رمضان ؟؟ صلاة التراويح والزينه - ما هي الرسالة التي تحمليها للمنتدى .. و رسالة أخرى متجدده؟؟ كل سنه وانتو طيبين وبخر وكل سنه واللى بحبهم معايا ^^ - * ماهو أهم قرار أتخذتيه في حياتك ..؟ ابعد عن ناس مش مقدرة موجودى - * رسالة تشعر انك قد تأخرتي في إرسالها لمن ترسليها وما محتواها ..؟ ريحى دماغك .. لنفسى ههههههههههه موشي - * كرسي تتمني الجلوس عليه في المستقبل ؟ الكرسى الهزاز ال بيبقى ف البيت ده علشان كل ماروح عند اختى بقعد عليه لا بجد بقا اكون عميده الكليه مثلا ف الاحلام يعنى - * هل فكرتي فى يوم في تصميم موقع خاص بك؟ اه بس عيش فلوس تعالي اشاركك ونضاربهم فى السوق هنهرب منيهم - * من هو اقرب عضو لك هنا والذي تحكي له اسرارك ..؟ ومن اهى اقرب عضـوه عضو مفيش عضوة اقرب حد حاليا هى ستوب ان التوب - * سؤال في خاطرك انا لم اطرحه _ولك حرية الاختيار تجيب ام تتحتفظ في الاجابه لنفسك ؟ هترسمى نفسك امتى ؟ مش هرسمنى ارتاحتى وجه هذه العبارة لأحد أعضاء منتدى بنات مصر 1- أحترمك وأقدرك فوق حدود الاحترام دمعه حائرة 2- والله اشتقنالك هى بردو ورانسى واسراء سامى وتيتشر نفشه وحلم عمرى بس بشوفهم ع الفيس ف مش وحشونى 3- أنا وراك وراك و الزمن طويل ستوب انا التوب حدش 5- أنا أسفه اى حد زعل منى او قصرت معاه 6- بتنرفزني مورشو هههههههههه مورشو ده معصب البشريه كلها 7- المنتدى من غيرك ينقصه الكثير دمعه حائرة 8- لمن تقول شكـــــرا كل حد ساهم ف المنتدى اختر سؤال من الاسئله اللى فوق دي ووجه لعضــو انت تختاره هسالك انتى .. 4- أنسى الماضي و خلينا في الحاضر هو ليه كل حد يجي هنا يقوم موجهلى انا السؤال عموما الاجابه شخصيه بحته في الختام :: اترك هدية منك هنـــــــــــــــــــــا بمناسبة هذا الشهر الكريم ولك الحرية في الهدية ,, خدوا البسبوسه ال فوق علشان ماليش ف الحلو اووى ههههههه طول عمرك كريمه وقلبك كبير أتمنى نكون ماتقلنا عليكي فى الاسئله كل عام وانت وأسرتك بكل خير وانتى بخير ي قلبى ^^ كان معانا النهارده الغاليه انتظرونا غدا وضيف جديد تحياتنا ♥♥♥♥♥♥♥♥♥♥♥♥

[واد حبيب]

حلوه يا رودي الحلقه الجميله
واجابه ايه حكايه جميله
منوره يا اية
تسلمي يا رودي

[واد حبيب]

اه نسيت غيري لون الخط يا رودي
اللي هيدخل هيجيلو شلل وهوه بيشوف

[الأميرة رودي]

هههههههه بعد الشر
حاضر هعدله

نورتنا يا أبو اياد

[جنون قلب]

حلقه فى منتهى الروعه
آلآسئله جميله فعلا .. وإجـآبــآت الضيفه كـآنت
هـآديه وجميله
مشكوره اختى .. على الحلقه
والشكر موصول ايضــآ ل الرســآمه


دُمتم فى امــآن الله

[ParoOo]

واو بجد الاستضافه رووعه وكمان ايووش معانا ^_^

[۩۩ elMagic ۩۩]

لا حوار جميل
وبعدين كلى بسبوسه كتير
الرفيع استحاله هيتخن والعكس صحيح عن تجربه
كل عام وانتم بخير
تسلمى رودى لمجهودك المميز
دمتما بافضل حال ..

[حلم عمري]

عرفتك والله يا يويا قبل ما اوصل لاخر الحلقة
طول عمرك مميزة وطول عمري لماحة
الحلقة جميلة بجد واجابات اية عسل زيها طبعا
وهي وحشتني اكتر والله رغم اني بشوفها فعلا ع الفيس بس وحشتني هنا بردو^^
تسلمي ع الحلقة الجميلة دي رودي
كل سنة وانتم طيبين دايما
وانا هاخد حتة بسبوسة وانا خارجة

[Sea Pearl]

حلقة حلوة رودى
وعرفت ايه من الحوار قبل ما اوصل لنهايته
طلعت كريمة ايوية
فى انتظار الحلقة القادمة
دمتم بخير

[Dr. AnOosHo]

ايووووش حبيبتيييييييي
تسلم ايدك يرودي على الجلقه الحلوة دي
وعلى فكرة انا مش عارفه ليه لازم اتلخبط بينكم انتي وايه
ههههههههههه في الاول كنت بسمع لنفسي رودي اللي معايا في مسابقه الموسوعه الفقهيه
ايه اللي على كرسي الاعتراف
لحد معرفت اخيرا افرق بينكم هههههههههه