فضفضه مكلكعه :d

[Safira]

اول مرة اكتب ف الفضفضه
انا اصلا مش بحب اتكلم كتير او افضفض .. كتومه شويه
بس حاسه اني في حيرة كبيرة وكل الـ حواليا مش قادرين بجد يفيدوني
كله بيبص لموضوعي من وجهه نظرة .. وتفكيره هو واي ال هو عايزه
محدش بيبص للـ انا عايزاه وحاباه او الـ يكون افضل ليا
قولت اتكلم هنا واخد رأيكو يمكن اطلع من الحيرة الـ انا فيها دي لانها بجد خنقاني
انا حاليا لسه خارجه من ثانوية عامه .. كنتي ادبي فرنسي
بمجموع مش هقول عليه قليل اوي الحمدلله احسن من غيري كتير
بس هو فوق 80%
قبل مااخلص الثانوية تقريبا بـ 3 شهور
كنت حاطه ف دماغي كليه تربيه انجليزي
لاني بمووووووووت ف الانجليزي وكمان المستر الـ كنت عنده
كان بيشجعني دايما اني ادخلها والحمدلله نقصتش غير درجه ونص
قرب الامتحانات عرفت ان كليه الفنون فتحت عندنا من سنه تقريبا
وانا بحب الرسم جدا وقولت خلاص اخلي فنون الهدف الاول وبعديها تربيه ..
المشكلة بقا ان اهلي مش موافقين عليها خالص
وبيبصوا لفنون نظرة سطحيه اووووي
( هتتخرجي تعملي اي يعني طب هيبقا اسمك معاكي اي طب شهادتك دي هتشغلك اي .. الخ )
لدرجه انهم مساندونيش عشان اروح اقدم ع اختبار القدرات
وفترة التقديم راحت عليا بحجه
( استني بعد النتيجه يمكن متجيبيش مجموعها )
خلال الفترة ال قالوا هيعلنوا النتيجه كنت في حاله بشعه
مابين اني زعلانه لان التقديم راح عليا
وكمان خايقه م النتيجه وفترة التوتر ال فاتت ربنا مايعودها
كانت فترة زباله بجد
بعد النتيجه .. اجي اتكلم واقول خلاص تربيه انجليزي يقولولي لا صعبه
طب اداب عنجليزي .. لا صعبه طب ادخل اي ياجدعان
خشي تجارة .. بس انا حمارة ف الرياضه
اخويا بقا استلمني :
تجارة حلوة (بصوت الشرقاوي في فول الصين العظيم )
سهله وخفيفه وهتجيبي تقديرات ومش محتاجه تحضري كتير
ولا بيخدو غياب
وتصحيحها الكتروني يعني تاخدي بالظبط الـ تحليه ..
ومحدش يقدر ياكل حقك او يشيلك ماده بمزاجو
ومن حيث التعيين
تعملي كورس لغه وكورس كمبيوتر وتتعيني ف احسن مكان

تربيه صعبه 11 ماده ودش وكلام وحفظ والدكاترة مش بيصححوا
وبيشيلوكي مواد والمحاضرات طويله وممله
وتلاقي ناس بتنونو
ومبيعرفوش يتكلموا اللغه ويتريقوا ع لهجتك
وتتخرجي بدعا الوالدين بتقدير مقبول
وفي الاخر مش هتتعيني واداب نفس الكلام ..
بأختصار عقدني وخوفني جدااا من الكليتين
انا لاخر لحظه خلاص اقتنعت حتى ع الفيس كتبت
عدخل كليه الشعب
بس قريت خبر ان هيعيدوا فتح باب التقديم تاني لاختبارات القدرات
انا اتفائلت
قولت اديني هخلص من كل العك ال فات دا بلا تربيه بلا تجارة بلا وكسيه
وفنون عرفت انها كلها عملي لا حفظ ولا دش تاني (لا دش بعد اليوم )
انا داخله ادبي ومش بعرف احفظ والمصحف
المهز
عارفه اني لو رحت لاهلي وقولتلهم عايزه ادخل الاختبار
هيقولوا عليا بعاندهم عشان مدخلش تجارة لاني كنت معترضه عليها
واني مش عايزه اسمع كلامهم وخلاص ..
انا عارفه ان في الـ بيقرأ وبيتتاوب .. شفتك فتحت بوئك
وحاسه ان مش دا القسم المناسب لكل الرغي دا بس انا بجد يأسه
خايفه اختار حاجه او اعمل حاجه اندم عليها وارجع اقول يارتني
سواء يارتني كنت مشيت ورا تفكيري
ودخلت الكليه الـ حباها والـ هي فنون
او يارتني كنت سمعت كلامهم
فا الـ يدخل والنبي يحاول يفيدني ومش يتريق
انا عارفه هتسيبوا الموضوع كلو وتسألو يعني جبتي كام يعني
فوق الـ 80% بكام درجه
والـ مش هيعرف يفيدني ياريت يعمل لايك ويسبلي دعوة يمكن تكون ساعه استجابه ولا حاجه

[حـيـــــآة ❤]

بدايةة مبروك حبيبةة قلبي
نخش ف الموضوع..
هو ع العموم نتايج الثانويه السنادي مش كلها عاليه
وفي 25% ساقطين بملاحق
فالتنسيق هببئا تمام وهينزل ان شاء الله..
وهيكون من نصيبك كليات كتير ان شاء الله...
وعاليه ان شاء الله حبيبتي..
.........
المهمانتي تدخلي ال انتي عايزاه وال شايفاه محدش هيتعلم عنك
انتي ال بتذاكري وبتتعبي ..
وداخله ادبي ومبتحبيش الدش ازاي افهمها دي
من ناحية تجاره منصحكيش عشان في بيشتكوا منها كتير
وانا عن نفسي فالحه رياضه برده عشان كده داخله ادبي
وبالنسبه لتربيه انتي ممكن متجيبيهاش تقريبا بس انا معرفش
مجموعك بالتفصيل ممكن ربنا يسهل يعني..
وفنون جميله انا برده ناويه عليها ان شاء الله
فبصي ي عمري شوفي ال هتنفعي وتمشي فيه
ومتاخديش بكلام حد
وع العموم حطي كله ف الرغبات كل ال انتي عاوزاه متشيليش حاجه
حتى لو حاسه ان مجموعك مش هيجيبه
او حتى اقاليم.. مش فارقه..
ربنا يوفقك ي قلبي يارب ويسعدك وتبئي حاجه كده ف البلد ان شاء الله
موفقه ف حياتك ياقلبي
دعواتك لينا بئا احنا لسه داخلين
اعملي ال عليكي بئا وتوكلي ع الله
يارب يكونكلامي افادك

[Aya 7ekaya]

ي بنتى مين ضحك عليكى وقالك فنون كلها عملى بس العملى اولا هيطلع عينك ثانيا احنا بناخد انجليزى وبناخد تاريخ ومواد عايزة حفظ عادى جدا اه الاغلب عملى بس فى نظرى اكيد
المهم يعنى ادخلى اللى انتى حباه مش اللى عايزينك تدخليه .. هم نظرتهم دى لان فى ناس كتير بتفكر ان طلبه الادبى دول مابيفهموش وبيختارولهم اكتر كليه سهله علشان بتوع ادبى مش بيذاكروا وبتوع ادبى فشله وبلا بلا بلا بلا انا كنت ادبى وعارفه

بس حاولى تختارى اللى انتى حباه علشان ماتندميش

[Safira]

اقتباس المشاركة الأصلية كتبت بواسطة ♥حيآة آلروح♥ بدايةة مبروك حبيبةة قلبي نخش ف الموضوع.. هو ع العموم نتايج الثانويه السنادي مش كلها عاليه وفي 25% ساقطين بملاحق فالتنسيق هببئا تمام وهينزل ان شاء الله.. وهيكون من نصيبك كليات كتير ان شاء الله... وعاليه ان شاء الله حبيبتي.. ......... المهمانتي تدخلي ال انتي عايزاه وال شايفاه محدش هيتعلم عنك انتي ال بتذاكري وبتتعبي .. وداخله ادبي ومبتحبيش الدش ازاي افهمها دي من ناحية تجاره منصحكيش عشان في بيشتكوا منها كتير وانا عن نفسي فالحه رياضه برده عشان كده داخله ادبي وبالنسبه لتربيه انتي ممكن متجيبيهاش تقريبا بس انا معرفش مجموعك بالتفصيل ممكن ربنا يسهل يعني.. وفنون جميله انا برده ناويه عليها ان شاء الله فبصي ي عمري شوفي ال هتنفعي وتمشي فيه ومتاخديش بكلام حد وع العموم حطي كله ف الرغبات كل ال انتي عاوزاه متشيليش حاجه حتى لو حاسه ان مجموعك مش هيجيبه او حتى اقاليم.. مش فارقه.. ربنا يوفقك ي قلبي يارب ويسعدك وتبئي حاجه كده ف البلد ان شاء الله موفقه ف حياتك ياقلبي دعواتك لينا بئا احنا لسه داخلين اعملي ال عليكي بئا وتوكلي ع الله يارب يكونكلامي افادك

الله يبارك فيكي
هو التنسيق مش عندي مشكلة
تربيه ممكن اجبها في بلد تانيه واحول عادي
المشكلة مش اني اتقبل او لا المشكلة انهي الاحسن
وخايفه اختار الكليه ال انا صممت وقولت حباها افشل فيها ويلوموني ويغلطوني
وخايفه ادخل بردو الـ مش حباها وافشل فيها

[Safira]

اقتباس المشاركة الأصلية كتبت بواسطة aya 7ekaya ي بنتى مين ضحك عليكى وقالك فنون كلها عملى بس العملى اولا هيطلع عينك ثانيا احنا بناخد انجليزى وبناخد تاريخ ومواد عايزة حفظ عادى جدا اه الاغلب عملى بس فى نظرى اكيد المهم يعنى ادخلى اللى انتى حباه مش اللى عايزينك تدخليه .. هم نظرتهم دى لان فى ناس كتير بتفكر ان طلبه الادبى دول مابيفهموش وبيختارولهم اكتر كليه سهله علشان بتوع ادبى مش بيذاكروا وبتوع ادبى فشله وبلا بلا بلا بلا انا كنت ادبى وعارفه بس حاولى تختارى اللى انتى حباه علشان ماتندميش

انتي بتتكلمي عن اكتر مادتين بحبهم ع فكرة
التاريخ انا بموت فيه وعارفه انه ف فنون بيجيب تاريخ ولغه بس مش زي حفظ الثانوية ياايه في فرق طبعا
وهم مش حكاية ادبي فشله هم بيمارسوا نوع من الديكتاتورية
فرض احنا عايزين كذا لان كذا هو ال هينفعنا وينفعك
فاانا لسه اصلا مش متأكده من موضوع التقديم للقدرات
والادمن الحيوانات بتوع صفحه الكليه ع الفيس مش راضيين يردو ع اي حد ويطمنونا

[ŌиĹч.Ḿё]

مبروك على النجاح الاول
تانى حاجه انتى اللى قررى عايزة ايه وخدى خبره الناس اللى ف فنون واللى فى تجارة والخ
وانتى شوفى نفسك هيمشى معاكى ايه وادخليه بس هقولك انا اختى فنون كان بيطلع عينها وعينا معاهاا على فكرة على الشغل اللى عندهم وهيا دلوقتى بقت مدرسة كمان
وان شاء خير تدخل اللى نفسك فيه بالتوفيق

[ياسمينااا]

أولاً مبرووووك النجاح
ثانيا ودا المهم إنتي تدخلي الكلية اللي إنتي حباها لإنك إنتي اللي هتذاكري مش هما
لو دخلتي الكلية اللي هما عوزنها ولا قدر الله شيلتي مواد أو مش عرفتي تمشي فيها
إنتي هتحمليهم مسئولية دا وهيبقو هما في نظرك السبب لإنك مدخلتيش اللي إنتي عوزاه
ومين قالك إن فنون مش ليها مستقبل كل المدارس فيها مدرسين رسم يعني مطلوبين وبيشتغلو
المهم إنك تدخلي الكلية اللي تقدري تمشي فيها وحباها عشان بعد كدا مش تندمي
وربنا يوفقك ويختار الأنسب لكي
وإبقي طمنينا بقي عملتي إيه
ربنا معاكي ي قمراية ويوفقك إن شاء الله

[Dr. AnOosHo]

الف مبروك النجاح يحبيبتي

رايي يمكن يبقى قديم شويه زي اهلك

انا رايي تدخلي كليه تقدرتي تستفادي منها في المجال العملي وفرصها اكتر للشغل خاصه ان حال البلد منيل

وفي نفس الوقت خدي دورات اللي انتي عايزاها يا مع الكليه يا بعدها

اقصد ان الرسم يعتبر هوايه ودليل على كده لازم اللي يدخله يكون عنده القدرة وعنده الموهبه دي

والموهبه سهل تتنمى بدورات ومعاهد مش شرط يبقى ده تخصصك اللي حتطلعي تشتغلي بيه

الموضوع مش محير ولا حاجه انا بعشق الموسيقى وبعزف حلو جدا جدا على كذا آله موسيقيه مش أله واحده واخدت دورات وكورسات واتعلمت ونميت موهبتي وفي نفس الوقت شهادتي الاساسيه هي صيدله
تنفعني في الدنيا والشغل

ودلوقت بتعلم قواعد التلحين

يعني ان الهوايه سهل جدا تتنمى من غير كليه

وربنا معاكي يارب

[Safira]

اقتباس المشاركة الأصلية كتبت بواسطة ŌиĹч.Ḿё مبروك على النجاح الاول تانى حاجه انتى اللى قررى عايزة ايه وخدى خبره الناس اللى ف فنون واللى فى تجارة والخ وانتى شوفى نفسك هيمشى معاكى ايه وادخليه بس هقولك انا اختى فنون كان بيطلع عينها وعينا معاهاا على فكرة على الشغل اللى عندهم وهيا دلوقتى بقت مدرسة كمان وان شاء خير تدخل اللى نفسك فيه بالتوفيق

بيطلع عينها دا مش مشكلة عندي
اذا انا حابه المجال خلاص لكن المشكلة اني مش لاقيه قبول حواليه من الـ انا عايزاه
ومش مشكلتي الشغل انا اهم حاجه عندي اني ادرس حاجه حباها ولو لـ مرة
معظم الحجات الـ كنا بندرسها احنا كارهنها اصلا
عمتا هو التقديم ع القدرات بردو معرفش عنو حاجه
واديني ف الرغبات كتب تربيه الاول وبعديها فنون وبعديها تجارة
لو ليا نصيب في اي كليه فيهم هنالها .. سبتها ع ربنا زي ماتيجي تيجي بقا
شكرا ليك

[Safira]

اقتباس المشاركة الأصلية كتبت بواسطة ياسمينااا أولاً مبرووووك النجاح ثانيا ودا المهم إنتي تدخلي الكلية اللي إنتي حباها لإنك إنتي اللي هتذاكري مش هما لو دخلتي الكلية اللي هما عوزنها ولا قدر الله شيلتي مواد أو مش عرفتي تمشي فيها إنتي هتحمليهم مسئولية دا وهيبقو هما في نظرك السبب لإنك مدخلتيش اللي إنتي عوزاه ومين قالك إن فنون مش ليها مستقبل كل المدارس فيها مدرسين رسم يعني مطلوبين وبيشتغلو المهم إنك تدخلي الكلية اللي تقدري تمشي فيها وحباها عشان بعد كدا مش تندمي وربنا يوفقك ويختار الأنسب لكي وإبقي طمنينا بقي عملتي إيه ربنا معاكي ي قمراية ويوفقك إن شاء الله

الله يبارك فيكي
لا هم مش عندهم كدا مش قابلين حتى اني اتكلم
ولو اتكلمت وعارضت يبقا انا مبفهمش او بعاند وخلاص
مش شايفين ان انا الـ هشيل الموضوع مش هم
وجربت معاهم وقولت ادخل ال انا حباه وانجح فيه احسن م ادخل الـ انتوا عايزينو واشيل فيه
وبردو مش نافع
اديني سيباها ع ربنا وفي انتظار نتيجه التنسيق بقا ربنا يستر
تسلمي ياقمر