هبة بتدبح خروف

[.Lamar]

صحيت على صوت الايباد بيمأمأ المهم فتحت اشوف مين لقيت هبة بتقولى يلى هندبح خروف البسى و خدى اى مستعجلة و تعالى قولت لها لا يا ستى بخاف اقع وانا ركباها قالت لى على ضمانتى بس عشان تيجى بدرى التاكسى هيأخرك لبست واخدت بعضى و نزلت اديت العنوان للسواق بصلى و قعد يفكر شوية و قالى المشوار بعيد و المستعجلة دى بكرسيين وربع يا عم اخلص و هو ابدا مصمم ياخد الاجرة و الربع قبل النفرين قولت له طير و هحاسبك و بدعى عليه فى سرى حار ونار فى جتته وصلت لقيت هبة واقفة جنب خروف شكله عجيب له ضفاير وملوناه احمر و الخروف عمال يتلوى ايه دة يا بنتى قالت تعب شوية و جبت له دكتور و اداه دوا من ساعتها و هو كدة ومفيش وقت اجيب واحد تانى شوية و لقيت اية بتقولها الجزار مش جاى عشان معجبوش الفلوس قالت لها هو انا هقطع نفسى مفيش غيرهم دة كفاية هعزمكم مش مهم سما وصلت اهيه و هشوف لو تدبحه هى تعالى يا سما قولت لك هاتى معاكى ساطور و سكاكين فين هما سما بصتلها باستغراب وقالت لها انا مقدرش اشيل الحاجات دى و طلعت من شنطتها مبرد ظوافر و قالت لها ملقتش غير دة اتصرفى فى جية ايمان قالت استنوا انا عاملة حسابى و دبحت قبل كدة بس علقوا لى الخروف من قرونه يا بنتى بيتعلق من رجليه قالت انتوا هتعلمونى شغلى و لا ايه لقينا حوراء جاية تجرى و معها ارنوبتها استنوا استنوا الارنوبة تسلم علي الخروف لسة بتقرب منه الخروف فتح بوقه و كان هياكل الارنوبة حوراء صرخت و طلعت تجرى شيلنا الخروف و علقناه و هبة ماسكة فيه مش عايزة حد ياخده يا بنتى خلينا نخلص و هى ابدا عشرة يا لمار دول عشر ساعات يا ناس وبقولكوا ايه الخروف دة حامل حامل ازاى يعنى يا بنتى مينفعش تقولنا الله رزق و جاى لى هتبصوا لى فيه كمان تفتحوا بطنه الاول تطلعوا الخروف الصغير و بعدها تدبحوه وقعدت جانبه تعيط كانت نوشة واقفة بتصقف و تتنطط اول مرة تشوف خروف و ايه بيولد و يتدبح مع بعض المهم اول ما طلعوا الخروف الصغير اخدته اية و قالت ايه دة وزنه ناقص انا هدور له على حضانة عشان كدة خطر على صحته و سما شافت الخروف و هو كدة اغمن عليها جبنا لها الفروة تشمها لها عشان تفوق اميرة اتعصبت وقالت لنا حاسبوا عليها دى بتاعتى شعرى باظ من الصبغة و هاخدها اعمل منها باروكة نوشة سمعت كدة شبطت و قالت لها ماليش دعوة انا كمان عايزة منها و اعملها فوشية هبة بأة فضلت واقفة على ايد ايمان لحد ما خلصت اخدت اللحمة كلها شالتها وعملت لنا الكبدة و الكلاوى يا بنتى مش بناكلها دى اللى عندى مش عاجبكم تعزمونى انتوا بقن رسيت على فول وطعمية اول يوم العيد و دى اخرة اللى يسمع كلام هبة طبعا انا ماليش فى الخزعبلات خالص بس كل سنة و الجميع بصحة و خير وسعادة

[Aya 7ekaya]

فول و طعميه ايه لا فيناش من كده مش لاعب

بس دى اخرة اللى يسمع كلام هبه

[العندليب الاسـمر]

يا عم بطلوا شغل البسكويتات دة

ادبح يا معلم يعني ادبح يا معلم ولو كان اسد مش خروف

تسلمي لمار

حلوة الخزعبلاية ولو ان صعبتوا علية وانتوا محتارين قدام الخروف

وكويس انها رسيت علي فول

تحياتي

[αЛαstoOorα]

ههههههه

ومبتعرفيش؟؟؟

دا آنتي يابنتي جبارة

آنتي بآمانة مفتكسة حوارات من الدرجة الآولي ^^

والمفروض تاخدي جايزة آحسن مفتكسه ههههه
جامد اوي الموضوع وعجبني آنا شخصياً ^^

[ايمان طلعت]

ههههههههههههه
اشمعني انا اللي ادبح
وكمان دبحت قبل كدة
طب ماليش نصيب في اللحمه دي
ولا بعد الولادة والدبح اكل فول
خزعبلايه تحفه لمار
انتي تيجي هنا علي طول بقي
ال متعرفش ال
موفقه

[SaMa.]

ههههههه ع فكرة مبرد الضوافر هينفع
موش جيبتوا منغير لازمة انا
لازم خروف يبقا شيك ونضيف
خوزعبلايه حلوووة اوي لمورة

[Stop Ana Eltop]

اموت واعرف ايه المستعجله دى
احلى حاجه انه ايمى هى الى دبحت
خوزعبلايه حلوه بقن يالماار

بالتوفيق بقاا

[.Lamar]

اسعدنى تواجدكم و ردودكم المشجعة

نورتونى

تحياتى للجميع

[۩۩ elMagic ۩۩]

توبيك دمه خفيف
تعيشي وتتخزعبلى بقآ
كل عام وانتم بخير

[فداااااااااااء]

هى رسيت على فول وطعمية

لمار علقوا هبة بدل الخروف عقاب ليها هههههههه

خزعبلاية حلوة لمار

موفقة غلاتى