سر محمود والتركي (خزعبلايه)

[جبل عالي]

السلام عليكم ورحمة الله وبركاته

كل سنة وانتوا طيبين ومعيدين وكمان مبسوطين
جايين النهاردة نغلس عليكم ونقولكم خزعبلاية كده ع الماشي

هي بصراحة كشف صحفي خطييييييييييير وبه مفاجآت

الحكايه هي ان طبعا زي مانتوا عارفين جبل ورخامتها المعهودة


امبارح وإذ فجأة كده أي والله لقيتلكم خناقة ع الشريط فووووق

وصويت وزعيييق وضرب نار ورصاص .... وطيييييخ طوووخ طااااااخ

ايه ياولاد في إيه ؟؟ ملقتش سريخ ابن يومين يرد علياااااا

قلت اما اطلع فوق كده واشوف الحكاية

ألاقيلكم الأستاذ رضا التركي واقف ع السطوح فوووق لوحده خااااااالص
وعمال يزعق وينادي على محمود ساد لاف ويقوله
إطلع لي يامحمووووووود انت
فييييييين ابو حنفي؟؟؟

بابص يمين وشمال لا لقيت محمود ولا لقيت ابو حنفي ....
فانا عملت كده

قلت بالراحة :: ايه يا استاذ رضا مالك ؟؟

لققيته اتخض واتنفض من مكانه لما سمع صوتي
وقالي ابعدي من هنا ياجبل أحسنلك بدل ما يجي عيار
يطخك انا مش مسؤوول
فانا ضحكت ف سري وانا شايفاه مش لابس نضارته وطبعا مش شايف حد
وقلتله :: اانا معاك يا تركي متخافش بس فهمني ايه الحوكايه

الا ولقيته انهار وقاااال :: الحقيني اجبل الله يخليكي
الواد الرخم ابو مرخير اللي اسمه حوده ده ولا ساد لاف ...
بيهددني ليكشفني قدام الامم المتحدة


بيني وبينكم انا اتخضيت من كلامه بصراحة
وقلت : اهدى بس كده وعرفني في ايه وانا مش هحكي لحد
وهتصرف ان شالله اقتلك محمود ده ولا يهمك

قالي : اصل الواد ده جرجرني بالكلام ع الياهو وعرف اني مش تركي واني مصري ابن مصري
وقالي والله لأقول لكل اعضاء المنتدى وأخليك عبرة لكل تركي
وانا بصراحة خايف من الادارة لتحظرني ولا تلبسني قضيه تزوير


وانا من موقعي هذا باطمن استاذ رضا اللي مش تركي يووووه
قصدي الاستاذ رضا التركي ان محدش هيعرف السررر ده بتاااااااااتا

وان محمود ساد لاف كان غايب عن المنتدى امبارح
كان بيعمل عمليه تجميل في مرخيره
والحمدلله بقا أخنف يا رضا ومش هيعرف يتكلم كلام مفهوووم

ولو فكر يروح يقول لحد محدش هيفهم هو بيقول ايه




لكم أن تتخيلوا بقاااا

ساد لاف لما يبقا أخنففففف




حمدالله ع السلامة ياتركي ومتقلقشششششش
سرك ف بييييييييييييييييير





مع السلام عليكوووو
ونشوفكو ف خزعبلاية قادمه
عن الخروووف
متمشوووووش

[αЛαstoOorα]

هههههه
ساد لاف آخنف يعني مينفعش يكون آسمه محمود

ممكن يتغير للوشا ^^

وبعدين انتي فضحتي الراجل وتقولي محدش هيعرف ؟


خزعبلايه برفيكو آجبلوزة ^_*
بوناسيرآآآ

[جبل عالي]

بكره تشوفوا محمود سادلاف لما يكتبلكم حاجة
هتعرفوا بقا أخنف ولا لا


انا مش هضحك عليكووووو




بس اول مايوصل القسم قولولي
عشان ورايا مشوار بعييييييييييييييييييييييييييييييد

[جبل عالي]

اوبااااااااااااااااا الأستاذ رضا هنااااااااااااا





مش انا


مش انا






مين اللي عمل التوبيك ده ؟؟؟








إجري ياااااااجبل

[طبيب الهوى]

كده بنده اجبن

عشان قونتنك ان محمود عمن عمنية النحمية

والدكتون قنه مش هتكن نخمة

تفضحي انواد كده بنده

مش هقونك على سن تاني اجبن

والواد نضا تنكي بنده

وحكاية انه مصني دي اشاعه

يا جبل لو حسيتي بغدر من العيال دي

متخافيش انا سبقتك ورحت مشوارك قبلك

[رضا التركى]

هههههههههههههههههههههه

حلوة لقيته مش لابس نضارته دى ومش شايف حاجة كمان

هههههههههههههههههههههههههههههههههههههه

ومحمود هيبقى اخنف يا دى الفضيحة ام جلاجل

يعنى الاقيه يقولى يا نضا بدل رضا وانتى كمان هيقولك جبن عانى

وانا من هنا اعلن انى مصرى ابن مصرى ابن مصرى بس فى سركم فى الاخر تركى

ده اسمى هتجرد منه يعنى ولا ايه

خزعبلاية جميلة أختى الكريمة

ربنا يحفظك من كل سوء ومكروه

دمتِ بكل الخير وراحة البال

تحياتى لشخصك الكريم

[رضا التركى]

	المشاركة الأصلية كتبت بواسطة جبل عالي

	اوبااااااااااااااااا الأستاذ رضا هنااااااااااااا مش انا مش انا مين اللي عمل التوبيك ده ؟؟؟ إجري ياااااااجبل

هتجرى تروحى فين والنبى مانا سايبك

[ايمان طلعت]

كل دي اخبار اجبلوه
التركي مطلعش تركي
ومناخير محمود باظت
لا حول ولا قوة الا بالله
يعني علي كدة هيعمل برنامج
الناقد والفينسوف ازاي
ههههههههه
والله انتي عسل
لازم تنورينا هنا كتير بقي
ومحدش عرف حاجه سرك
فبير فاتح عالمنتدي كله

[الفيل الأزرق]

السر ما انفضح ولا عرف بيه حد هههههههه هلكتنى ضحك ع اخوى محمود
رح يقول كلام محتاج قاموس تفسير
يسلموا وتدوم الضحكه ياجبل عالى
تقبلوا مرور وتحيه واجبه

[إيلاانا]

هههلة
اف طلع رضا مصري انا افتكرته تركي ويقرب لحنان ترك من جهة جد عمت خالة بنت جارة عنايات
بنت بنوية زوجة سيدهم الحﻻق . رضا ابن المعلم زناتي طلع مصري يارجاله
ياعني ومحمود صار اخنف شيلوا منه اﻻشراف ماينفع في عيب خلقي
واشوف مادخل مكسوف وطيب الهوى باينه عمل عمليه في منخاره كمان
جدعه ياجبل حفظت السر
رضا مش تركي ياجدعان مش تركي طول السبعين سنة فاكرينه تركي
تسليم ياجبل ضحكت من قلبي على دمك العسل
ربي يحفظك ويسعدك