هابقى اقولكوا عليه بعدين

[ARAGON]

السلام عليكم يا شباب

كيف الحال اليوم حبيت اقدم حاجة مختلفة شوية

بس محتار دي مكانها الطبيعي فين هنا في قلم الأعضاء ولا في اي قسم


حكايتنا النهارده فيها فانتازيا شوية بس هي قريبة من الواقع حبتيين.....

نجم الحلقة هو ...... هابقى اقولكوا عليه بعدين

نبتدي الحكاية من الأول

الحاج عبده راجل كبير في السن عنده 50 سنة راجل ميسور الحال وعنده بيت وكل ملذات الحياة وللأسف معندوش أولاد بعد كام مرة راح فيها ولف على كل الحكماء والمداويين وكل حاجة ممكن تتخيلها
وبعد فترة ربنا كرم الحاج عبده بولد ومن كتر ما هو خايف ان ابنه يجراله حاجة حرص انه يسميه اسم مش موجود في اي مكان وسما ابنه بعدين.. عشان يبعد عنه الحسد وكل حاجة في نظره سيئة ممكن تأذي ابنه بعدين..

ولما كبر بعدين في السن... الحاج عبده صمم ان يجوز ابنه بعدين لأنه كبر خلاص في السن وعايز يشيل حفيده قبل ما يجراله اي حاجه ....

واتجوز بعدين الست فردوس وعاشوا في تبات ونبات وخلفوا بنتين وقعدوا على كدا 6 سنين يستنوا الولد لغاية لما ربنا كرمهم وجالهم ولد قالوا نسميه ايه نسميه ايه..... قالوا نسميه عليه __ اسم بنت عليه - واسم ولد انه جه على البنتين.... وبكده بقى اسم الولد عليه... وبعد سنة من ولادة عليه مات جده الحاج عبده وبكده امنيته اتحققت انه شاف حفيده عليه.....

ولما كبر عليه في السن حب ابوه بعدين يفرح بيه وعشان يشيل الأحفاد اللي يملوا عليهم البيت ويجروا من هنا وهناك ويملوا عليهم الدار بالبهجه والسرور...

وفعلا اتجوز عليه .... بنت الحلال اللي اختارها اهله ليه... وبعد سنة من الجواز ربنا كرمهم بولد هو في نظرهم أول حفيد يجي لأبوهم عليه....... وصمموا ان جده بعدين هو اللي يسميه ....

قالوا لجده تسميه ايه الولد شكله زين واحنا في الاسم منتظرين تحب تسميه ايه

قال ليهم الجد نسميه ايه ::: قالهم الاسم " هابقى اقولكوا عليه بعدين" وبعدها بلحظات مات الجد من غير ما يعرفوا هايسمي الحفيد ايه

والد الطفل قالهم قالكوا ايه قالوا الاسم " هابقى اقولكوا عليه بعدين"

وبكده صمم ابو الولد الصغير انه يسمي ابنه الاسم " هابقى اقولكوا عليه بعدين" ...

وهنا تنتهي القصة بتاعتنا

انا كتبت القصة دي ليه ..

عشان فيه ناس كتير ما بتختارش اسامي كويسه لأبنائها واسامي شهره ليهم

وشوفنا هنا الصدف بتختار اسامي الناس قد ايه وتصور الناس زمان في اختيار اسما ءابنائهم بيبقى اساسه ايه

اتمنى ان تستمعوا معي بقراءتها

تحياتي لكم

[لوليتا المصريه]

اقتباس:
" هابقى اقولكوا عليه بعدين"


هههههههههههههههههه

لا حول ولا قوة الا بالله


يعنى هيعرفوه كمان شويه مش دلوقتى يعنى

دة ايه الاسم دة ههههه


لا موضوع دمه خفيف وواقعى


لان الناس بتسمى دلوقتى الاسماء مش على اساس


لا بيسموا عشان موضه اليومين دول الاسم الفلانى


انما المفروض اننا اما بنسمى اسم


بنسميه على اساس معناه


لانى انا اعرف اننا هنتحاسب على اسماء اولادنا


بجد موضوع دمه خفيف اووى وجديد


وبجد خلتنى اضحك من قلبى


وانا اعرف اسم تحفه جديد طحن بس هقولو عليه بعدين ههههه


تحياتى لك ولما كتبت


اختك فى الله

[nooody]

ههههههههههههه

موضوع الاسماء دى مشكله

دا الاسم ممكن يربى عقدة للطفل

طيب تعرف أختى كان ليها واحدة زميلتها فى الفصل

اسمها موزة

وواحد تانيه اسمها أم السيد

بالله عليك دى اسماء

بجد حرام

شكرا على موضوعك الطريف

فيه كتير من الواقع

[ܢღ..مسـ{ج}ـله خـ{طـ}ـر..ღܢ]

شكرن ليك يا ميدو
بجد عندك حق
والقصه جامده موووووووووووت

واكيد لازم ننقي اسامي اطفالنا اسامي كويسه
لانه دي من الحجات الي هنتسأل عليها يوم القيامه

الف شكر يا ميدو

[قاصره الطرف]

هههههههههههه
جميله فعلا

[SiLver Spectra]

طب و الله إسم جامد يا أحمد

كدا باقيت مخير بين إسمين لإبني ( هبقى أقولكم عليه بعدين ) أو ( جاك)


المشكلة مش في الاسماء الغريبه يا أحمد

حتى الإسم الغريب بيبقى مميز و هو بننده للشخص بيه بإعتبار إن دا إسم عيلته

الإسم أصلا معمول عشان تتميز بيه و تبقى معروف

طبعا مش يبقى إسم مستفز زي (عبده نتانه) مثلا

بس أنا مش شايف مشكلة إننا نبتكر أسماء جديده مقبولة

بدل ما الناس كلها بقى إسمها محمد و أحمد و محمود

طبعا أغلب الناس تقولك و حد يطول مثلا!!

طيب و ايه علاقته دا بالرسول....دا إسم مش أكثر و لا أقل

المهم أعمالك...و لا هو الإسم دا واسطه مثلا و هيدخلك الجنة بسرعة!!!!!

يعني بتلاقي واحد إسمه محمود و حرامي مثلا

فهو في الآخر إسم....

كل واحد حر طبعا و يسمي الإسم إلي يحبه

مش بعترض على إسم أحمد أو محمد ...بس كل الناس باقيت أحمد و محمد

لما تنده في الشارع و تقول يا أحمد ..هتلاقي كل الناس بصت عليك
و أكيد إنت عارف
هههههههه

متهيقلي لما تسمع إسم أحمد مش بتنتبه ...لازم ينده بإسم شهرتك


و برضو هقولك ما يبقاش الإسم مستفز و بالتالي نظلم المولود بيه

بس أنا حابب يكون في اسماء جديده أكثر

يعني فين و فين لما نطلع بإسمين جداد مثلا ( هيثم و لا تامر) تامر دا طالع في أواخر السبعينات تقريبا و حاليا شبه إنقرض...بس تامر حسني زبط الإسم شوية ههههههههه


شكراا على الموضوع يا أحمد

موضوع خفيف و عرضه سلسل لكن بيحمل الكثير

تحياتي

[lolla]

ههههههههههههههههه

حلوووووووو الموضوع يا ميدو

فكرته جديده و مختلفة

وفعلاااااا فى ناس كتير بتظلم ولادها بالاسماء دى

لأن الاسم بيفضل مع الانسان طول عمره

تخيل كل ماحد يتريق على اسمه او يضايقه

يفضل يدعى على باباه او جدو بعدين

وانا اعرف واحد كان اسمه غريب شوية وغيره فعلا

وفى ناس بتسمى ولادها اسماء قديمة اوى وخلاص راحت عليها

يقولك اسميه على اسم جدى او جدتى

شكرااااا يا ميدو

تسلم اييييييدك

فى انتظار جديدك

[غزال الحب]

حلوه بجد شكرا ليك

[wessa]

اولا فكرة الموضوع جامده

واسلوبك وطريقة توصيل الفكره بقصه بسيطه واسم معرفش ((جه على بالك ازاى))

تفتكر الجمله اللى فاتت تنفع اسم

ابقى استعين بيها فى القصه الجايه

نرجع لمرجوعنا والله بزعل قوووووووى لما بلاقى ناس بتسمى اولادها اسماء غريبه

وفى ناس بتسمى على اسماء ناس مهمه فى العيله زى الجد او اجده

ومن كام يوم كده شفت بنوته عندها 3 سنين اسمها ((بهيجه)) وصعبت عليا قووووووى

يا جماعه الرسول عليه الصلاة والسلام وصانا نسمى ابنائنا اسماء كويسه

بس الحمد لله نادرا دلوقتى لما تلاقى الاسماء الغريبه دى يا ميدو

تسلم على الموضوع الجديد

تحياتى اختك

[ARAGON]

اقتباس:
المشاركة الأصلية كتبت بواسطة لوليتا المصريه

اقتباس:

" هابقى اقولكوا عليه بعدين"

هههههههههههههههههه

لا حول ولا قوة الا بالله

يعنى هيعرفوه كمان شويه مش دلوقتى يعنى

دة ايه الاسم دة ههههه

لا موضوع دمه خفيف وواقعى

شكرا لكي اختي الغالية لوليتا

لان الناس بتسمى دلوقتى الاسماء مش على اساس

طبعا وده كتير
وبنشوفه للأسف

لا بيسموا عشان موضه اليومين دول الاسم الفلانى

انما المفروض اننا اما بنسمى اسم

بنسميه على اساس معناه

هههههههه ويمكن على اساس الحسد

لانى انا اعرف اننا هنتحاسب على اسماء اولادنا

بجد موضوع دمه خفيف اووى وجديد

شكرا ليكي

وبجد خلتنى اضحك من قلبى

وانا اعرف اسم تحفه جديد طحن بس هقولو عليه بعدين ههههه

هههههههه

تحياتى لك ولما كتبت

اختك فى الله

شكرا مرة اخرى على المرور الجميل اختي لوليتا المصرية