انا مجرد عابر سبيل فى الدنيا

[طارق طروق]

واحده خرجت من غرفه العمليات
اول ما فاقت من البنج سألت اخوها
فين جوزى؟
قالها انتى عارفه مين اللى اتبرع ليكى بالقلب؟
فصرخت بأعلى صوت لاااااااااااااااااااااااا
قالها اخوها اتنيلى على عينك جوزك قاعد بره بيشرب سيجاره
ثم انتى اصلا ايدك كانت مكسوره ايه اللى دخل القلب فى الموضوع

[طارق طروق]

الطفل فى اليابان لما يكون عمره سنتين
بيعلموه يفك الكمبيوتر والساعات
لكن عندنا الطفل لما يكون عمره سنتين
يقولوله تف على عمو
ولو الطفل تف يعنى بصق
يقولوا ما شاء الله طفل ذكى ونبيه

[طارق طروق]

البنات ما شاء الله عليهم
كانوا هارين نفسهم احتفالات بعيد الام على النت
فى الوقت اللى سايبين امهم تغسل المواعين فى المطبخ

[طارق طروق]

شم النسيم جاى بقى وخلاص قرب
تلاقى البنات قبل شم النسيم واثناء شم النسيم
وبعد شم النسيم ياكلوا البصل الاخضر
ولما البت تتجوز تطلب من جوزها يجبلها شيكولاته جالاكسى

[طارق طروق]

شوفت حديث متسجل مع نزار قبانى الشاعر الكبير الله يرحمه
بيقول فيه احتاج الى امرأه تجعلنى احزن

كنت عايز اقوله تعالى عندنا فى مصر
هتخليك تصلى الجمعه يوم الاتنين

[طارق طروق]

ونظرا لأرتفاع اسعار الدواء
انا بطالب الحكومه بأحضار
هيفاء وهبى عشان تبوس الواوا
لكل الشعوب الفقيره

[طارق طروق]

وكفايه كدا النهارده
مع السلامه بقى

[طارق طروق]

boba0o (هبه)
منوره المدونه بتاعتى
وبشكرك جدا جدا على متابعتى
لمدونتى المتواضعه
واهلا وسهلا بيكى

[طارق طروق]

هل تعلموا ان النحل الذكر مش هو اللى بيلسع
لكن الاناث هى اللى بتلسع
يعنى حتى وهما حشرات بيبقوا مشاكل

[طارق طروق]

ومافيش حد دلوقتى بيعترف بالغلط بتاعه
دا حتى لو واحد سايق عربيه ودخل فى شجره
ينزل من العربيه ويقول
من الغبى اللى زرع الشجره دى هنا