انا مجرد عابر سبيل فى الدنيا

[طارق طروق]

رغم حبى للضحك والهزار

لكن احيانا ما اشعر

بألم ممزوج بارهاق يتبعه خمول

لا اعلم ما سبب ذلك ولكن انا ع يقين بان سببه

خوفاً من كل شىء يحدث الان

[طارق طروق]

كثير من الناس بيظنوا انه كلما كبر الانسان فى العمر كلما زاد وعيه
وكلما كان عمره صغيرا قل وعيه

بصراحه انا ضد هذا لأن

الوعي في العقول وليس في الأعمار فالأعمار مجرد عداد لأيامنا أما العقول فهى حصاد فهمنا وقناعتنا فى الحياه

[طارق طروق]

البت الكذابه حبيبها اتصل بيها وقالها انتى بتعملى ايه دلوقتى
ردت وقالت مغمضه عيونى حبيبى وبسرح بخيالى فيك أنادي النور في عينيك

واضح واضح يا بنت من الصوره

[طارق طروق]

كثيراً ما اتسائل

لماذا نكتب مدوناتنا؟

هل ندونها للذكرى ام للتنفيس؟

[طارق طروق]

اعتدت أن اتظاهر بالقوه


رغم ان كلمه واحده قد تسبب لي الما يسكننى لشهور

[طارق طروق]

بيقولك و معرفش مين اللى بيقول

اذا كانت المرأه درست و حبت وتزوجت واخلصت وحملت وانجبت وارضعت

وربت وعملت وتحملت قلق وخوف وطلعت فى الاخر بنصف عقل

فكيف لو كان عقلها كامل؟
هل من اجابه؟

[طارق طروق]

بحبك يا لمياء انتى وامك
بس بحبك انتى اكتر
معقول يا طارق تحب البنت وامها؟
وايه المانع فى كدا؟
تقصد انك بتحب امها كحماتك صح؟
لا مش صح امها ولا حماتى ولا بتبقى حماتى
يبقى كدا مش نيتك تتزوج لمياء مستقبلا
ولا فى نيتى اتزوج لمياء كلامك صح الصح
ومع هذا باخدها فى حضنى وببوسها
بنات الناس لعبه فى ايدك؟
مينفعش اتزوج لمياء مستحيل
وليه مستحيل؟
لأن لمياء لسه طفله صغيره
ولمياء بنت اختى يا اهبل

[طارق طروق]

اتفضلو معايا يا جماعه شاى بالنعناع
وده مشروبى المفضل

[طارق طروق]

اسمع ناس كتير لما يكون مزاجها رايق تقول
انا مزاجى اليوم عنب
طيب اشمعنى العنب بالذات؟
بجد مش عارف

[طارق طروق]

عجيب امر بعض البنات الطالبات
تلاقى واحده كاتبه
ياريت يا جماعاه تيدعولى عاشان عاندى ايمتحان لوغه
عاربياه كمن سعتين وماذاكيرتيش حاجاه

بتقصد تقول
ياريت يا جماعه تدعولى عشان عندى امتحان لغه عربيه كمان ساعتين ومذكرتش حاجه

بالله عليكم كيف تدخل امتحان اللغه العربيه بالشكل ده؟

بقولك ايه من غير ما ادعى لك ان شاء الله بترسبى