يوميات زوجه مفروسه 4( درس لايُنسى )

[شاعرة الرومانسيه]

يوميات زوجه مفروسه 4 طبعا الزوجه المسكينه عايشه قصه حب مع زوجها على الفيس زى ماعرفنا سألتها ايه اخر غرامياتك مع زوجك المصون ضحكت وقالت اسكتى دانا هاعطيه درس يطلع من عينه ضحكت وقلت لها داحنا قلبنا جمد قوى هههههه ضحكت ضحكه كلها حزن وقالت قلب ايه بس ياحنين انا قلبى انكسر من يوم ماعرفت الى بيعمله على النت وبرغم انى ماقصرت معاه بشىء ولا مع أولاده ولا مع أهله انا ما أستاهل الى عمله فيه ده قلت لها ايه يابنتى انتى قلبتيها غم ليه اضحكى بقا واحكيلى ناويه تعملى فيه إيه هه قالت بعد بكره عيد جوازنا هاشوف لو افتكره وقال كل سنه واحنا بخير وسعاده والله يا حنين هاسامحه وهانسى كل الى عمله وهاعرف ساعتها انه فاكرنى ومش ناسينى وانا الى بيعمله لمجرد تسليه على الفيس وخلاص جت بالليل جهزت العشا للأولاد وذاكرت معاهم وبعد مانامو دخلت المطبخ شطبت المطبخ وعملت فنجان قهوه لزوجها وهو كالعاده قاعد على الفيس قاعد ينتظرها وهى قافله الأكونت وهو قاعد هاينتحر وعمال يحرق سجاير بتقوله مالك ياحبيبى قال لها واحد صحبى كان المفروض يفتح من ساعتين مافتح كنت عايز اخد رأيه فى موضوع مهم فى الشغل هههههه ضحكت الزوجه ضحكه صفراء وهى بتغلى من جواها ال واحد صحبى ال طيب استنى عليه وشوف هاعمل فيك ايه قالت له طيب انا هالعب شويه على التاب وانام عايز حاجه حبيبى قاال لها لاء روحى نامى قالت تانى يعنى اروح انام راح متنرفز ايوه روحى نامى راحت تانى اروح انام انام راح متعفرت عليها ياستى روحى اتزفتى وارحمينى بقا خرجت من الغرفه وهى عفاريت الدنيا على وشها دخلت فتحت الأكونت راح داخل بسرعه على الرسايل الخاصه حبيبتى كنتى فين حرام عليكى قلقتينى عليكى والله هموت من شوقى ليكى قالت يااه للدرجه دى وحشتك قال اه وأكتر أصل انتى متعرفيش أنا بحبك قد ايه اتغاظت من لهفته الى هى عمرها ما حستها منه وقالت دانا كنت بغضب بالشهر عند اهلى ماشوفت اللهفه والشوق ده فى عنيك راحت سألنه ايه انت سهران لوحدك ولا مراتك جمبك قال لها مراتى مين دى مراتى بتنام من المغرب ولا سألت عنى ان كنت اتعشى ولا عايز حاجه أنا عايش عيشه سواد قمة الاهمال منها متجوز ومش متجوز تقدرى تقولى كدا الزوج العازب هى سمعت الكلمتين دول بكت بكاء رهيب لدرجه انها كانت عايزه تصرخ وتقوله يا كذاب يالى متعرفش ربنا راحت من غيظها قافله الأكونت وراحت تاخد شور يهديها من الغيظ الى هى فيه ودخلت تنام وهى حزينه على صدمتها فى جوزها قام الصبح وجهزت الفطار الاولاد فطرت وجهزت شنطهم وسندوتشاتهم وتستنى يقول لها كل سنه وانتى طيبه وهو ولا هنا والخلقه العابسه على الصبح حاجه تحزن والله قالت له انا رايحه بعد الضهر أزور ماما قبل ماتكمل الجمله وتقول عشان كذا راح قايل روحى وخدى الأولاد معاكى وباتو هناك ولو عايزه تقعدى يومين اقعدى نظرت ليه نظرة حزن وقلبها مكسور وقالت دانا كنت متردده اقولك ازورها لانك دائما تقولى لاء وتقولى وتسبينى لوحدى رد وقال لاء روحى من حزنها بالفعل اخدت الأولاد وراحت بيت أهلها وقالت شكلها الزياره هاتطول واخدت ملابس كثيره وقالت انا لازم اوضع نهايه للمهزله دى دخلت الفيس وقالت ليه مالك فاتح بدرى قال لها المدام عضبانه وريحتنى من وشها قالت غضبانه ليه قال لها ست نكديه ومعكننه على اهلى انا خلاص هاطلقها الكلمه كانت زى طلق نارى لها قالت تطلقها ازاى حرام عليك قال لها الحرام انى اعيش معاها هاطلقها واتجوزك ها قلتى ايه هاكون اسعد زوج بالعالم قالت بس انا مستحيل ابنى سعادتى على تعاسة غيرى رد وقال غيرى السيره دى وخلينا مع بعض كنت عايز أشوفك ممكن انتى مش ملاحظه انى ما شوفتك نهائى قالت أصل معرفش الكام بتشتغل ازاى راح فاتح الكام لها اتصدمت لما شافته ماتوقعت تشوفه بالمنظر ده ؟ راحت فاتحه الكام وظهرت صورتها عدا وجهها اتجنن وقال ايه الجسم ده دا انتى حلوه قوى وجسمك جميل قوى مش زى مراتى الى عامله زى الفيل وتقولى حرام أطلقها ؟ كلامه موتها على البطىء واترجى فيها يشوف وجهها رفضت صمم يشوفها راحت ظاهره وجهها أووووووووووووووف مين مستحيل انتظرونا الحلقه الجايه نشوف نهايه الزوج الخاين

[العقل الباطن]

رغم انها قصه إلا انها موجوده وبكثره ف هذا الزمان
وللأسف بعض الرجال رزقوا بعدم الرضا
قصه حزينه جداً
احزنتنى كثيراً
اللهم اهدى شباب و بنات المسلمين

اسلوبك جميل و سلس
اتمنى تكتبى موضوع يظهر الايجابيات اكثر

[شاعرة الرومانسيه]

اقتباس المشاركة الأصلية كتبت بواسطة العقل الباطن رغم انها قصه إلا انها موجوده وبكثره ف هذا الزمان وللأسف بعض الرجال رزقوا بعدم الرضا قصه حزينه جداً احزنتنى كثيراً اللهم اهدى شباب و بنات المسلمين اسلوبك جميل و سلس اتمنى تكتبى موضوع يظهر الايجابيات اكثر

فعلا جبت الخلاصه فى كلمه ( عدم الرضا )

تحت الكلمه دى وضع مليون خط ومليون مشكله

تسلم اخى لمرورك العطر

[حـ,ـكـ,ـآيـ,ـهـ,ـ ۅطـ,ـنـ,ـ]

..

شُكرا
مكللة بالورد لطرحك الرائع
فهنيئا لنا بهذا العطر العابق
قطاف جميل يعانق الألق
دام اختيارك الجميل
فائق ودي

[ايمان طلعت]

وقع في شر اعماله
للاسف قصه متكررة وبكثرة
سرد جميل حنين
تحياتي

[شاعرة الرومانسيه]

اقتباس المشاركة الأصلية كتبت بواسطة حـ,ـكـ,ـآيـ,ـهـ,ـ ۅطـ,ـنـ,ـ .. شُكرا مكللة بالورد لطرحك الرائع فهنيئا لنا بهذا العطر العابق قطاف جميل يعانق الألق دام اختيارك الجميل فائق ودي

تسلميلى حبيبتى

[شاعرة الرومانسيه]

اقتباس المشاركة الأصلية كتبت بواسطة ايمان طلعت وقع في شر اعماله للاسف قصه متكررة وبكثرة سرد جميل حنين تحياتي

نورتينى ايمى تسلمى لحضورك الراقى

[BaAnoOta]

يعني كتيـر مننا بيعيش القصه دي ..
آتمني تكون نهايه تجيب اجله واجل .....
تسلمي شـآعره

[حازم34]

ياربي يا الله والله شئ محزن جدا

ها الزوج فعلا يستحق الشنق


يا اخي تزوج عادي بس لاتقول كدا علي زوجتك ام اولادك


وبعديت كذاب كمان


الله يكون في عونها

لازم تبلغيها الاتي


خلاص بقي هو شاف وجهها لازم يروح يخطبها تاني من اهلها

ويبوس الجزم

ويبدي الندم

ويدفع لها كل ماتريده من مال

ويتوب توبه نصوح


ويركع تحت رجلها

لانه فعلا اصابها بالتعب النفسي والجسدي


مش ممكن يكون كدا ابدا

يا خربيت دي رجاله

كا الانعام بل هم اضل

حقيقي وهو لاهيجوز ولا ينيل

هو انسان مريض

حقا

بس لازم ييتوب امام اهلها

ويكفر عن غلطته في حقها ولو انها لن تامن له تاني

وستعيش وكانه علي الهامش


تسلمي يارب في السرد الجميل

لحكايه وراء كل باب

ربي يسعدك

اقفي جنبها وفكري معاها علي حل

الله يهديه ويهدي كل زوج مريض

ربي يسعدك يارب ويسعدها ويفرج همها ويرفع الحزن عنها

[Lamees]

ورغم انها قصة بس احزنتني جداً
ربنا يهدي
تسلمي حنين