وزارة الأوقاف وتقييد خطبة الجمعة !

[۩۩ elMagic ۩۩]

اقتباس المشاركة الأصلية كتبت بواسطة فداااااااااااء ربما اختلف معك بعض الشيء هناك بعض الائمة يخرجون كثيرا عن النص فى الخطبة مثلا فى سابق عندنا كان هناك امام دائما ما يتكلم بصورة فيها عنصرية ضد اخواتنا المسيحيين واخر كان يتحدث بطريقة عشوائية لدرجة انك لاتعلم ماذا يريد ايصاله كانت خطبته عشرة دقائق دون فهم والكلام يتعاد اكثر من مرة واخر يظل قرابة ساعة يخطب (الرحمة واجبة انا لا ارى فى الامر حرج الائمة يقرأون من الكتب قبل طلوعهم الى المنبر فى الاساس ولكن كان الاولى ان يكون القرار للبادئين فى الخطبة وليس شيوخ كبار يجيدون الخطبة هذا فقط اعتراضى سلمت اخى الماجيك

كلامك سليم
وهنا بقى المشكله اننا لما مبنعرفش نتعامل
بنعمم التقييد على الجميع !
الشيخ احمد عندنا له قدره واحترامه
واما بيتعصب بيتعصب في الدين عمره ما خرج عن النص
ولا دعي الناس تنزل مظاهرات ولا اى حاجه بالعكس
وهناا بقى بيبان حكمة الشخص المسئول
المفروض يصنف الائمة ويعرف قدرات كل واحد فيهم
والمتميزين هما اللى يمسكوا الخطب ويديروها
مش يتساوي المبتدأ واللى فكره محدود مع الائمة الكبار اصحاب العقل والفكر
لان بالتصرفات دي فعلا الدين بيفضل يتلاشى لغاية ما يختفي تماماً !
لنا الله ،، نورتي فدااء

[۩۩ elMagic ۩۩]

اقتباس المشاركة الأصلية كتبت بواسطة αЛαstooorα بص آنا معترض علي الآلتزام بخطبة موحدة وبتوقيت محدد؟ بس مش معترض علي آن مفيش حد يقوم بالقاء خطبة ع الناس الا ولو معاه تصريح بوزارة الآوقاف ويكون شيخ آزهري؟ الآلتزام بخطبة موحدة دا وبوقت محدد دا آمر مينفعش آصلاً لآن من المفترض آن كل مسجد تابع لبلد او منطقة معينه ممكن يحصل آمر ما ف البلد دي زي فتنة طائفيه آو حاجة ف الحاله دي ممكن الشيخ يغير مسار خطبته لخطبة تهتدي بيها الناس وتجمعهم علي الخير ف يوم زي يوم الجمعه وتكون خطبته سبب ف آصلاح الآمر بين عليتين آو آصلاح آمر ما يعني وكل شيخ بيشوف معظم السلبيات اللي ف بلده وبيبدء يركز عليها ف كل خطبة عشان يهدي الناس وبلدي غير بلدك غير بلد كل واحد آنك تدي آوامر بالقاء خطبة موحدة ع الجميع؟ ممكن ف اليوم دا بظرف معين ف بلدي محتاج لسماع خطبة تانيه مش هتتماشي معايه خطبتك اللي وحدتها دي.. بخلاف آنك بتآمر رجل ديني يقول آيه بمزاجك ؟ الدين مش آوامر الدين طاعه والتزام ومحبه ومش هنتعلم الدين زي ما انتو عاوزين المفروض نتعلمه زي ماربنا عاوز .. اما انا نفسي محدش يطلع يخطب من الشيوخ العاديه ؟ اللي هي لا تابعه لوزارة الآوقاف ولا معاها تصريح بدة لآن بجد في ناس بتدمر الدنيا بكلامها وبتلغبط كتير

ان يبقى معاك تصريح من وزارة الاوقاف دا شئ مهم
بردوا الاصول اصول
عشان ميجيش اى حد يدخل يفتي عمال على بطال
وكمان المفروض التقييد دا يمشى حسب ظروف كل بلد
ميبقاش بلاد مبيحصلش فيها اى مشاكل ولا تظاهرات
يقوموا يساوها مع بلاد تانيه مليانه فتن ومظاهرات وخناقات
وهنا بيبان بقى حكمة الشخص المسئول في كيفية التعامل مع تلك الامور
ولكن احنا ولله الحمد بنكبر دماغنا وبنعمم القرارات على الجميع !
ربنا يهدي الاحوال بقى
منور يا معلم

[۩۩ elMagic ۩۩]

اقتباس المشاركة الأصلية كتبت بواسطة حيــــــاة ❤ حتي الدين بئا عافيه! ربنا الهادي و المستعان

لدرجة ان الشيخ النهاردة
وهو بيسّمع النص اللى كاتبينه ومعممينه على الناس
قال مع ان الجزء دا غير مؤكد ولكن مضطر اقوله !
الدين بيتلاشى في زمن انتشر فيه الفساد
لنا الله
نورتى هاجر

[۩۩ elMagic ۩۩]

اقتباس المشاركة الأصلية كتبت بواسطة حازم34 يبقي انت مش متابع بقي ما خلاص يا استاذنا لقد اجتمع الشيخ الهمام احمد الطيب بالقصر الرئاسي بالشيخ عبد الفتاح السيسي انا بقول شيخ لانه قال انا مسؤل عن الدين وبعد ها الاجتماع اجتمع الشيخ احمد الطيب بمعلم الاوقاف ومعه اسامه الازهري وكم واحد من الازهر وهناك القرار الجديد ليس هناك ورقه بعد الان انما الوقت محدد بعشرين ثانيه اقصد عشرين دقيقه انت تعرف ان الخطبه المكتوبه معناها لاتقرا ايها الامام ولا تبح ادخل علي النت اكتب كام كلمه وخلاص الخطبه والقائها لها اهلها والاصول ان يكون هناك اختبار قدرات للائمه واختبار اصوات للمؤذنين والاختبار يعني كل شئ والتدريب ويكون هناك معهد اعداد لهم هنا ستري فارق كبير وكذلك ضمان مستوي معيشي لهم جيد وان يكون سكنهم بجوار المسجد وان تكفل الدوله لهم السكن والمواصلات هنا ستري اهتمام بالعلم ولكن هناك حرب علي الدين من خارج الاقطار المسلمه تسلم سيدي منور قسم النقاش ياهلا ومرحبا

للاسف عم حازم
الناس اتغيرت والدين بقى مهمش
عادى كده بيتخذوا القرارات فيه ببساطه
ومش مشكله خلى الناس متفهمش حاجه
والائمة اللى بيخطبوا بضمير مبقاش عندهم الحافز انهم يعملوا حاجه
فعلا البلد بقت رقم واحد في هدم كل الآمال والطموحات وتضليل شعبها
لنا الله
ربنا يحفظك استاذنا الفاضل
القسم منور بحضراتكم
كل الود والتقدير إلك

[۩۩ elMagic ۩۩]

اقتباس المشاركة الأصلية كتبت بواسطة راجعة لحبيبى من وجهه نظرى ومثل مااسمع الخطباء فى اكثرمن مكان من غيرالدمعقول التقيد بموضوع واحد فى الخطبه فكل مكان وله ظروفه مع اختلاف وجهات نظر الخطباء والقضايا المطروحه مااقول غير الله يصلح شان امتناالعربيه مشكوراحمد تسلم لروحك السعاده

للاسف بقى
نسأل الله هداية الاحوال وصلاح الامور
نورتى راجعه لحبيبي
كل الود إلك

[۩۩ elMagic ۩۩]

اقتباس المشاركة الأصلية كتبت بواسطة مهيب الركن . الخطبه فقدت الهدف منها والهدف من اجتماع المسلمين فى هذا اليوم وهو مناقشه كل ما يهم المسلمين وتحول الحديث عن فضل السواك ووأد البنات حتى عمر بن الخطاب ممنوع التطرق لما كان يفعله حتى لا يقارن الناس حكمه بالغم اللى الناس فيه دا النهارده الراجل بيتكلم فى الخطبه عن فضل الفقر وان الفقراء بيدخلوا الجنه قبل الأغنياء بنص يوم عاوزيين يحببوا الناس فى الفقر وهما مقضينها فى القصور لا أنا عن نفسى دخلونى الجنه بعدهم بأسبوع وخلونا ننغنغ زيهم موضوع رائع اخى تقبل تحياتى

هم يضحك وهم يبكي فعلا
ربنا يهدي الاحوال بقى أ\مهيب
تسلم للمرور الطيب
انرت متصفحي المتواضع
كل الود إلك

[۩۩ elMagic ۩۩]

اقتباس المشاركة الأصلية كتبت بواسطة ساحرة القلوب. ربنا يهدي تسلم

يارب آميــن
نورتى ساحره بقى
كل الود إلك

[اميرة الحب الضائع]

دولة الظلم توقع فيها اى حاجه

حتى الدين عيزين يتحكمو فيه

ربنا يا يهدى يا ياخد بجد حرام الى بيحصل ده

سمعت النهرضا خطبتين وحده عن التغذيه فكرنا فى حصه اقتصاد منزلى

والتانيه عن سؤ الهضم وكيفيه تنظيم الاكل بجد انا انبهرت لما سمعت الخطبتين دول

حسبى الله ونعم الوكيل

[۩۩ elMagic ۩۩]

اقتباس المشاركة الأصلية كتبت بواسطة اميرة الحب الضائع دولة الظلم توقع فيها اى حاجه حتى الدين عيزين يتحكمو فيه ربنا يا يهدى يا ياخد بجد حرام الى بيحصل ده سمعت النهرضا خطبتين وحده عن التغذيه فكرنا فى حصه اقتصاد منزلى والتانيه عن سؤ الهضم وكيفيه تنظيم الاكل بجد انا انبهرت لما سمعت الخطبتين دول حسبى الله ونعم الوكيل

والإمام بقى وهو بيقول الخطب دي
بيقولهم وهو نفسه مش حاسسهم
هو بالظبط افضل تشبيه درس قراءة بيتسّمع
ربنا يهدي وييسر الحال بقى
انرتي متصفحي المتواضع اميره
كل الود إلك

[مارد الغضب]

تسلم احمد علي هذا الموضوع القيم
و انا متعجب جدا لرأي اختنا المبجلة فداء
و عندي اقتراح
كل واحد يروح يوم الجمعة الامام يصلي
الركعتين جماعة و كل واحد ياخد نسخة
من الخطبة و يروح بيها
ايه رأيك؟
تحياتي لك احمد