وبقيتي ماضي

[a7med -3del]

علاقتنا
مكسبتش منها شئ
احساسنا
كداب لو اقول برئ
قصة
ومش جايبة همها
مجنون
لو قولت ارجعلها
كنا مع بعض جايز
وزي ماقلبي عايز
انتي في طريق
وانا في طريق

هي دي كل الحكاية
واللي رافضة تصدقيه
امتي كان قلبك معايا
لما قلبي هتوحشيه
مش عايز حسبة
هوانا كدبة
انا وانتي هنصدقها ليه

خلينا نقول انها صدفة
وياريت متتكررش
لكن اعيد تاني الغلطة
اسف انا مقدرش
كان وقت لطيف وعدي
نبتسم ونقول سلام
ايوة هاغيب ومن النهاردة
حبك في نظري حرام
والموضوع
مش قالو وقولنا
ولا هاقبل منك كلام

وتيجي زي ماتيجي
عادي
ايوة نسيت وبقيتي
ماضي
شوقك وكل الحكايات
لو تبكي عليا ساعات
انا في كل الحالات
مرتاح جدا وراضي


والله بقيتي ماضي
Ahmed adel
5-9-2016
😊😊😊😊

[*فجر الاسلام*]

والله بقيتى ماضى

جميله اوووووووى ولحنها حلو
والقوه اللى فيها احلى بقت ماضى واتنسى
ربى يسعدك تسلم ايدك
تحياتى

[دمعه حائره]

فى علاقات بتنتهى نهاية درامية
بيتقفل فيها اى باب للرجوع
وصفت الحاله بمنتهى الجمال
تسلم

[YOo YA]

والافضل تكون ماضي
حاجات كتير لازم متكملش
ف حياتنا م تتكررش
دائما ما يعجبني اسلوبك السلس في الكتابه
فالسطور تنقلك الا ما بعدها ف نغمه حلوة
احساس عالي
دوام الابداع ي رب
ودي

[a7med -3del]

اقتباس المشاركة الأصلية كتبت بواسطة fagr alislam والله بقيتى ماضى جميله اوووووووى ولحنها حلو والقوه اللى فيها احلى بقت ماضى واتنسى ربى يسعدك تسلم ايدك تحياتى

انا لو دخلت موضوعي ومالقتش رد منك
هاحس ان في حاجة ناقصة
اتعودت بقي وانتي السبب
ارق تحية

[ويبقى الأثر]

حلو اوى احساسها ولحنها احمد
ماشاء الله على قلمك اخى
ربنا يديم وجوده بينا

[همس الكناريا]

هنا هقول مش كان حب
لانك من الأول حسه كدبه وشيء غلط
حتي كاره الرجوع بكل المقاييس
وهرجع وأقول مش عشان راجل ترفض الحلول
.........................

أما القلم فلا غُبار عليه
يعجبني فيك سلاسة حرفك
وحضور ذهنك في كل خاطرة
ودوما تُسعفك الكلمات
حتي تخرج لنا بهذا الشكل الجميل
دمت ودام نبض قلمك يطربنا
احترامي

همس الكناريا

[a7med -3del]

اقتباس المشاركة الأصلية كتبت بواسطة دمعه حائره فى علاقات بتنتهى نهاية درامية بيتقفل فيها اى باب للرجوع وصفت الحاله بمنتهى الجمال تسلم

نهاية قبل البداية
تحياتي

[a7med -3del]

اقتباس المشاركة الأصلية كتبت بواسطة yoo ya والافضل تكون ماضي حاجات كتير لازم متكملش ف حياتنا م تتكررش دائما ما يعجبني اسلوبك السلس في الكتابه فالسطور تنقلك الا ما بعدها ف نغمه حلوة احساس عالي دوام الابداع ي رب ودي

مليون كلمة شكر علي الكلام الجميل ده
ويارب تفضلي كده منوراني وافضل عند حسن ظنك وكل الناس
تحياتي

[a7med -3del]

اقتباس المشاركة الأصلية كتبت بواسطة ☆منة الله☆ حلو اوى احساسها ولحنها احمد ماشاء الله على قلمك اخى ربنا يديم وجوده بينا

الاحلي مرورك اشكرك جدا ومنوراني دايما وابدا ان شالله
الف تحية