داين تدان

[a7med -3del]

من صغرنا كبرنا كلنا
ان اللي يعرف الف واحدة
يبقي مالك كل حاجة
صحيح
دول نعمة من ربنا
طب ليه بايدك
تكسرها
وتكسر فيها كل حاجة

وهتكسب ايه
لو لاقيت كل القلوب حواليك
مش برضه عيب
لو واحدة ضحكت يوم عليك

ترضاها يعني
تكون مجرد فترة في حياتها
او تجرح انت
وتعيش ذكري سودة في ذكرياتها

وداين تدان
واكيد هتعرف لما تتعذب سنين
وسنين كمان
هتعيشها تحلم ترجع بيك يومين
وهتبكي فعلا
لما تبقي قصاد مرايا
وبتسال انت مين


قصد الكلام والفكرة
انك تسيب لو زكري
لاي حد هيعرفك
يفتكرك بحب وخير
ويقول كان قلبه كبير
وبالجمال يفضل يوصفك


مش شطارة انك تعلق قلب بيك
وقلب تاني ببطء انت بتقتله
الرجولة بجد تعرف اللي ليك
واللي عليك
واللي لازم تعمله

Ahmed adel
10-9-2016

[حـيـــــآة ❤]

بحييك آوي والله علي كلامك دا
عندك حق اكيد
ومين سمعك
الحياه ماهي الا دين ومداينه
والامور تقلب علي صاحبها
عاجلا ام آجلاً
تسلم ايدك اخي
وكل سنه وانت بخير
في حفظ الله

[راجعة لحبيبى]

كلام انصاف فى حق الانيى
تسلم احمد
كل سنه وانت طيب
لروحك السعاده

[همس الكناريا]

كلمة رجولة ليست كلمة هينة
ونعم كما تدين تدان

انت للإبداع عنوان شاعرنا
قلم حر متنوع يخط كل ما هو جميل
دام القلم وصاحبه
احترامي

همس الكناريا

[a7med -3del]

اقتباس المشاركة الأصلية كتبت بواسطة حيــــــاة ❤ بحييك آوي والله علي كلامك دا عندك حق اكيد ومين سمعك الحياه ماهي الا دين ومداينه والامور تقلب علي صاحبها عاجلا ام آجلاً تسلم ايدك اخي وكل سنه وانت بخير في حفظ الله

وجوودك اجمل تحية
بشكرك جدا
وربنا يجعل ايامك كلها اعياد
انا اول مرة غي حياتي ادافع عن البنت
غلطة ومش هاتتكرر 😅😅😅😅😅

اكيد بهزر
تحياتي

[*فجر الاسلام*]

كما تدين تدان اؤمن بالمقوله واللى بياذى او بيجرح حد مسيره هيتاذى ويتجرح
والحياه مش مسرحيه هنمثل فيها على بعض
احييك على الفكره الجميل ليت الكل يسمع
ادام الله ابداعك اخى
تحياتى

[a7med -3del]

كل سنة وانتو طيبين
كل سنة والتي طيبة فجر