(12) انا ومدونتى...مع محمود الصاروخ

[*فجر الاسلام*]

السلام عليكم ورحمة الله وبركاته
اعضاء بنات مصر كل عام وانتم بالف خير
ومع حلقة جديده من برنامج انا ومدونتى ومعانا النهارده
مدونة قالي يابني الزمالك هو حياتنا ..!
لصاحبها العضومحمود الصاروخ تعالوا نشوف اجاباته

اولا ازى الحال

أهو ماشي الحال

الحمدلله علي كل شيء

عامل المدونه من امتا؟

مدونتي الاولي كانت قديمه وكانت بعنوان

طلقة نار تسكن في الصدر

أما المدونه الحاليه معموله من 3 شهور تقريبا

قالي يابني الزمالك هو حياتنا

وليه اخترت الاسم ده

جاتلي فتره كنت مشرف علي قسم الرياضيه

ومن خلال كلامي ونقاشي مع بعض الاشخاص

اتأكدت أن اخرهم في الكوره معروف وعباره عن

محدثين مش أكتر وملهمش في التشجيع وهيفهم كلامي

اللي متابع كورة بشكل عام وكان طبيعي ان اعمل المدونه

بالاسم ده للحديث عن البطولات التي كانت من حق الزمالك

وسرقت منه إما بالتحكيم أو المجاملات أو غير ذلك

وللحديث أيضا عن موضوع لقب القرن اللي سرق من الزمالك بعد ما كان متربع علي عرش افريقيا

ممكن من خلال المدونه بالاسم ده

بعض الاشخاص يعرفوا شويه مين هو الزمالك

ايه السبب اللى خلاك تدخل صفحات مكشوفه وتفكر تعمل مدونه

القسم ده يعتبر بالنسبه للأعضاء اهم قسم هنا

وحسيته قسم نضيف والكلام بيكون فيه من القلب

او كان ايه هدفه ساعتها؟

وقت دخولي للقسم كانت مدونه عاديه بعيد عن الرياضه

عشان افضفض فيها مع نفسي مش أكتر

شايف انك قادر توصل افكارك وارائك عن طريقها ولا لا ؟

مش لما يكون فيه أعضاء بتدخل طيب

نبقي نفكر ونشوف كلامنا هيوصل لحد ولا ايه ؟

المدونه في الوقت الحالي عباره عن مكان للفضفضه

وميهمنيش كلامي يوصل لحد أو لا

ولا يهمني حد بيشوفه أو لا

وحتي لو فيه ناس بتدخل وهنتكلم ازاي كلامنا هيوصل

ومشاركتنا في المدونات كانت بتتحذف ؟

قابلتك مشاكل بسببها او بسبب كتاباتك قبل كده ؟

كتير جدا ومهما أقول مش هخلص

بس كل ده ميلزمنيش زي ما قولت

مين اكتر الاعضاء اللى بيدخلوها ؟

حياه

فجر الاسلام

وأوقات واد حبيب

وايه اكتر مدونه بتحب تتابعها؟

أمل حياه

أحبك ربي

ميلاد جديد

غناء علي أوتار الحزن

مزاج الخير

بس مزاج الخير بدخلها لسبب معين

بستني أي مشاركه رياضيه لأخويا مورشو عشان

أمسك عليه حاجه بس للأسف كلامه قل في الرياضه

وللعلم مورشو أهلاوي متعصب واللي بيحصل بينا

أكبر دليل علي الكوره مشروع فيها كل شيء

بعيد عن الكره الشخصي

شايفها مكان عادى زى اى مكان بالمنتدى ولا مختلف؟

مختلف طبعا

بتجيلك تقييمات؟

ايه اكتر تقييم عجبك ولسه فاكره؟

حاليا مفيش تقييمات بتوصلني

لكن في المدونه القديمه كان كتير أكيد

واللي عجبني من حد لا داعي لذكر أسمه

ربنا يطمنا عليه ويرجع بالسلامه

لوقلتلك انى هحذف مدونتك دلوقتى هتعمل ايه

بكل تأكيد مش هعمل حاجه

لانها مش هتيجي عليكي

كتير اتحذف لينا وعادي جدا

في النهايه هو مكان في عالم وهمي

ممكن جد يتقفل كله من الصبح

عندك اقتراحات حابب تخدم بيها القسم و المدونات؟

حاليا مفيش أفكار جديده

في اقرب وقت بإذن الله

وشكـــرا:

العفو فجر

بالتوفيق دايما وبكل صراحه

القسم معاكي شكل تاني في الوقت الحالي

ربنا يكرمك يا محمود منور وشكرا لاجاباتك
ربنا يحفظك

دمتم فى حفظ الرحمن

[يحيى الفضلي السودان]

صباح اشراق يا الغالين

منورين الساحة

سلمتو

[يحيى الفضلي السودان]

صباح اشراق يا الغالين

منورين الساحة

سلمتو

[حـيـــــآة ❤]

منور اخي الفاضل
الله يسعدك
استضافه لذيذه فجر
يسلم مجهودك
دمتما بخير

[واد حبيب]

الله ينور با صاروخ
حلقه جميله يا فجر
تسلم يدك

[ايمان طلعت]

كعاده الصاروخ
اي حوار يقلب كورة
منور الصفحات محمود
مشكورة فجر عالحلقه
تحياتي

[محمود الصاروخ]

اسئلتك كانت جميله جدا فجر
تسلمي علي الحلقه
واسف علي التأخير في الرد
بالتوفيق دايما يارب

[محمود الصاروخ]

تسلمو علي المرور جميعا
يحي
حياه
ابواياد
أ/ايمان
منورين