مش كفايه

[شاعرة الرومانسيه]

مش كفايه تقول بحبك
مش كفايه
الحب مش كلمه فى روايه
عايزه احسك من البدايه
فى كل لحظه تكون معايا
تحسنى بدون كلام
كأنى واقفه أمام مرايه
اشوف ملامحى بدون رتوش
اشوف عيوبى قبل المزايا
الحب ايه غير صدق مشاعر
لولا الصدق مادق قلب
لولا الاحساس ماكان حب
اوعاك تقول كلمة بحبك
على سطور دا كل واجبك
عايزه احسك وانت بعيد
كأن روحك ساكنه روحى
ياما الكلام ملأ سطور
ياما الغرام ملأ بحور
ياما عشاق قبلينا قالو
لكن حبيبى احنا غير
خلينا ثنائى فريد
يحكى عن أشواقنا العديد
ونكون مثال للحب السعيد
تعالى نفرح ونعلن غرامنا
الى انحرم من الحب قبلينا
خلينا بشرى لكل قلب
خلينا مثل للحياه والحب
نعلنها العامه بكل صدق
مش كفايه تقول بنحب
لا خلينا فرحة من القلب
الى يفتكرنا يدعيلنا
ويتمنى يبقى يوم زينا
ايوه هافرح معاك بقلب
وادعى ربى من كل قلب
يسعدنا ويسعد كل
من زار حروفنا يارب
كلمات الخاصه / حنين
٢٤/١٢/٢٠١٨

[غدي فلسطين]

الحب هو الأستماع العميق لمعاناة أنفسنا ..
الحب كلمة من حرفين .. وتحمل معاني كثيرة ..
أولها الاخلاص ..ومنتهاها الاخلاص ..
هذا الحب الصادق يامعشر العشاق

[فداااااااااااء]

صحيح الحب اعمق بكثير من كلمات تدون عنه

جميلة كلماتك حنين واحساس عالي بها
يدوم ابداعك يا قمر ويسعدك ربي

[SaMa.]

حلوة اوى عسولة وحشنى كلامك

[د/ عبد الله]

أكيد الحب مش محتاج كلام وبس
لازم يبان في كل حاجة
كلمات جميلة واحساس اجمل
تحياتي حنين

[شاعر الحب الحزين]

الله على معانيها الجميلة
الله ع الرسائل الجميلة الموجهة للقلوب
الحب أكبر من الكلام وكلامك غير الكلام
روعة حنين أبدعتي بصدق إحساسك يا طيبة
ربي يوفقك ويسعدك

[شروق محمود]

جميل جدا حنين
سلمتى والنبض

[نجاة حسام]

مش كفايه اقول جميله اولا منوره ياعسوله
وبجد اجمل واحلى رساله الحب عمره مكان كلام صدقتى
ديما متالقه

[شاعرة الرومانسيه]

اقتباس المشاركة الأصلية كتبت بواسطة غدي فلسطين الحب هو الأستماع العميق لمعاناة أنفسنا .. الحب كلمة من حرفين .. وتحمل معاني كثيرة .. أولها الاخلاص ..ومنتهاها الاخلاص .. هذا الحب الصادق يامعشر العشاق

اهلا غدى اسعدنى تواجدك

[شاعرة الرومانسيه]

اقتباس المشاركة الأصلية كتبت بواسطة فداااااااااااء صحيح الحب اعمق بكثير من كلمات تدون عنه جميلة كلماتك حنين واحساس عالي بها يدوم ابداعك يا قمر ويسعدك ربي

تسلميلى فداء حبيبتى