جدل حول حجاب البنت

[دمعه حائره]

اولا انا محجبه لكن مش من سن صغير زي الموضه ماكانت ماشيه
انا لبست الحجاب بعد العشرين وبعد اقتناع تام
رغم ان الوسط العائلي حواليا مكنش يفضل الحجاب
يعني انا مش ضد الحجاب لكن يكون حجاب صح مش زي مابنشوف دلوقت
رضوي الشربيني طلعت في البرنامج تنصح اي بنت محجبه
انها متقلعش الحجاب ولا تسمح لحد يقلل منها لحد هنا ده كلام جميل ومعاها فيه،
لكن انا بعترض علي كلامها اننا ناخد الحجاب دليل على
ان المحجبه احسن عند ربنا من غير المحجبه وان غير المحجبه شيطانه غالبها
لان لايعلم مافي القلوب والنوايا غير الله وخصوصا طريقه حجاب اليومين دول
كتير بنشوف محجبات مش سايبين ذنب الا لما عملوه
نميمه وسرقه وغيرها في طريقه الكلام والمعامله وبتكون دي مظاهر يستخبوا فيها
والعكس بتكون غير محجبه وملتزمه بصلواتها ومحتشمه في لبسها وفي حالها
،فبلاش ناخد بالمظاهر وكل واحد يخليه في حاله دي محجبه ولا لأ
دي حسابها عند ربنا وبس وهو العالم هي أحسن ولا لأ
انما الأعمال بالنيات مش بالمظاهر دعوا الخلق للخالق #mena_hassan

[ايمان طلعت]

الحجاب فرض على البنت عند البلوغ دة مفيش نقاش فيه
موضوع نقاشك عن الحكم بالمظهر
مش كل محجبة كويسه ومش كل غير محجبة سيئة
مش كل ملتحي شيخ يتقي الله
طبعا الحكم بالمظهرغلط ومش صحيح
والمفروض اصلا كل واحد يشوف نفسه ويحكم على نفسه
لان الاعمال والنوايا ربنا اللي بيجازي ويحاسب عليها
احنا لينا التعامل مع بعض وكل إناء بما فيه ينضج بغض النظر عن شكل الإناء

تحياتي

[د/ عبد الله]

الحجاب فرض واللي تتركه تبقى وقعت في ذنب كبير
وابداء النصيحة مش حكم على حد انه احسن او لا. المهم النصيحة بالحسنى
والحجاب من عدمه مش دليل على ان البنت كويسة او لا
زي ما فيه واحد محافظ على الصلاة وهو محافظ برضو على الغيبة والنميمة
وان كان ترك الحجاب ضرره يتعدى للغير مش للبنت بس
المهم ان محدش حاكم على حد بالصلاح او قبول عمله من عدمه

[فداااااااااااء]

عزيزتى معاكي تمام الحكم ليس بالمظاهر
ولكن ماعلمته ان المذيعة قالت لو تساوى الاثنين فى الاخلاق والفعل الحسن تكون المحجبة افضل منها
ودا صحيح لانه ليس من المعقول المساواة بين من اطاعت امر خالقها ومن ضربة به عرض الحائط
ربنا عالم بالنوايا اه لكن بردوا بيحاسبنا على اعمالنا وسلوكنا الظاهرة والباطنة دون استثناء
فمعلش هنا يامنة هو المحجبة بس اللى بتعمل اعمال مشينة زى النميمة والسرقة
مش معنى انه في فئة قليلة ضالة يكون الحكم كدا وعلى فكرة اللى بيسروقوا بالنقاب منهم مش محجبات
ربنا هو رحيم اه لكن بردوا شديد العقاب
ومش من المعقول ان اطيع ربنا فى اوامر واوامر تانية لا
ومافيش حاجة اسمها دع الخلق للخالق
لكن فى الامر بالمعروف والنهى عن المنكر
لاول مرة لا اتفق تماما مع طرح لكى منة

[دمعه حائره]

اقتباس المشاركة الأصلية كتبت بواسطة ايمان طلعت الحجاب فرض على البنت عند البلوغ دة مفيش نقاش فيه موضوع نقاشك عن الحكم بالمظهر مش كل محجبة كويسه ومش كل غير محجبة سيئة مش كل ملتحي شيخ يتقي الله طبعا الحكم بالمظهرغلط ومش صحيح والمفروض اصلا كل واحد يشوف نفسه ويحكم على نفسه لان الاعمال والنوايا ربنا اللي بيجازي ويحاسب عليها احنا لينا التعامل مع بعض وكل إناء بما فيه ينضج بغض النظر عن شكل الإناء تحياتي

ماختلفناش ان الحجاب فرض لكن فيه بنات بتلبسه غصب ومش مقتنعه واللي ارغموها عليه نسيوا يربوها كويس فتلاقيها محجبه وتصرفاتها غلط انا برفض الحكم بالمظهر ونترك الجوهر والاهتمام بالاخلاق او نزايد لمجرد لبس طرحه علي واحده تانيه مؤدبه لكن مش قادره لسه تلبس الحجاب
نورتي ايمي

[دمعه حائره]

اقتباس المشاركة الأصلية كتبت بواسطة د/ عبد الله الحجاب فرض واللي تتركه تبقى وقعت في ذنب كبير وابداء النصيحة مش حكم على حد انه احسن او لا. المهم النصيحة بالحسنى والحجاب من عدمه مش دليل على ان البنت كويسة او لا زي ما فيه واحد محافظ على الصلاة وهو محافظ برضو على الغيبة والنميمة وان كان ترك الحجاب ضرره يتعدى للغير مش للبنت بس المهم ان محدش حاكم على حد بالصلاح او قبول عمله من عدمه

اتفق معاك ياعبد الله محدش يحكم بالمظاهر لان كتير بيظهروا عكس مابداخلهم ونقطه اللي بيصلي ويعمل ذنوب دي كمان عاوزه نقاش لوحده معاه الملتحي وهو بعيد تناما عن سنه الرسول والدين
انا كل قصدي ان افضليه شخص عن التاني عند ربنا دي الحكم فيها لربنا وبس
نورتني

[دمعه حائره]

اقتباس المشاركة الأصلية كتبت بواسطة فداااااااااااء عزيزتى معاكي تمام الحكم ليس بالمظاهر ولكن ماعلمته ان المذيعة قالت لو تساوى الاثنين فى الاخلاق والفعل الحسن تكون المحجبة افضل منها ودا صحيح لانه ليس من المعقول المساواة بين من اطاعت امر خالقها ومن ضربة به عرض الحائط ربنا عالم بالنوايا اه لكن بردوا بيحاسبنا على اعمالنا وسلوكنا الظاهرة والباطنة دون استثناء فمعلش هنا يامنة هو المحجبة بس اللى بتعمل اعمال مشينة زى النميمة والسرقة مش معنى انه في فئة قليلة ضالة يكون الحكم كدا وعلى فكرة اللى بيسروقوا بالنقاب منهم مش محجبات ربنا هو رحيم اه لكن بردوا شديد العقاب ومش من المعقول ان اطيع ربنا فى اوامر واوامر تانية لا ومافيش حاجة اسمها دع الخلق للخالق لكن فى الامر بالمعروف والنهى عن المنكر لاول مرة لا اتفق تماما مع طرح لكى منة

دلوقت النقاب بقي ساتر للمتسولين والحراميه واللي بتخطف اطفال انا ازاي اقول علي دول افضل من الغير محجبه او غير منقبه واعمم في انها افضل عند ربنا ومش فئه قليله ضاله ولا حاجه كتير من المحجبات حجابهم غلط ولبس ضيق ونص شعرهم باين وحتى لو كلهم ملتزمات انا معرفش هي بتخفي ايه ولا حد من حقه يقول دي احسن عند ربنا لمجرد لبسها والأمر بالمعروف ليه نوافذ وشيوخ ينصحوا بالحسنه مش بالمزايده
نورتي مروه

[ايمان طلعت]

اقتباس المشاركة الأصلية كتبت بواسطة دمعه حائره ماختلفناش ان الحجاب فرض لكن فيه بنات بتلبسه غصب ومش مقتنعه واللي ارغموها عليه نسيوا يربوها كويس فتلاقيها محجبه وتصرفاتها غلط انا برفض الحكم بالمظهر ونترك الجوهر والاهتمام بالاخلاق او نزايد لمجرد لبس طرحه علي واحده تانيه مؤدبه لكن مش قادره لسه تلبس الحجاب نورتي ايمي

مهو اللي مش بيربي كويس مش هيهتم بنته تلبس الحجاب ولا لا
انا ضد ان البنت تلبس الحجاب اما تقتنع بيه نفرض مقتنعتش تفضل من غير حجاب ونبقى ندعي ربنا يهديها
لا طبعا كلكم راع وكلكم مسؤل عن راعيته تلبسه غصب وتقتنع بعدين براحتها او لا
بعدين اللي مش قادرة تلبس الحجاب ليه مش قادرة ايه مانعها شغل موضه مش فاهمه يعني
عموما ربنا يهدي الجميع

[دمعه حائره]

اقتباس المشاركة الأصلية كتبت بواسطة ايمان طلعت مهو اللي مش بيربي كويس مش هيهتم بنته تلبس الحجاب ولا لا انا ضد ان البنت تلبس الحجاب اما تقتنع بيه نفرض مقتنعتش تفضل من غير حجاب ونبقى ندعي ربنا يهديها لا طبعا كلكم راع وكلكم مسؤل عن راعيته تلبسه غصب وتقتنع بعدين براحتها او لا بعدين اللي مش قادرة تلبس الحجاب ليه مش قادرة ايه مانعها شغل موضه مش فاهمه يعني عموما ربنا يهدي الجميع

لا ياايمي غلط انا ليا واحده جارتي جوزها غصب بنته على الحجاب واتنقبت في الثانوي بعد وفاه والدها كانت في الجامعه خلعت النقاب والحجاب ومشيت بشعرها عادي والبنت لاخلاف علي اخلاقها وتربيتها ورأي فيها متغيرش بردو مؤدبه ومحترمه لكن الكبت غلط في سن صغير انت تربي وتوجهي البنت وتعرفيها دينها وهي تلبسه باقتناع ده يأكد انها مش هتقعله ابدا

[حـيـــــآة ❤]

الحجاب فرض من سن معين وهو سن بلوغ الفتاه
الحقيقه انا لبست الحجاب ف سن صغير جدا ونا ف أولى ابتدائي بس لبسته عشان انا كنت عاوزه البسه
الحجاب فرض لازم كله يلبسه
رضوى الشربيني نصحت بس كان مفروض تنصح بطريقه غير دي.
هي غلطت ف الناس ومنهم هي شخصيا

انا شايفه ان هي تعبيرها خانها جدا
هي كانت عاوزه توصل فكرة انه المحجبات متعلمين فالدين اكتر فابتالي مش هيعملوا حاجه غلط
تسلمي منه عالنقاش