ساحر الأحزان مع أعضاء بنات مصر في رمضان مع واد حبيب

[ساحر الأحزان]

السلام عليكم ورحمه الله وبركاته

اخوتي أعضاء بنات مصر ونعود من جديد ببرنامج رمضاني نتعرف من خلاله علي يوميات الأعضاء
في رمضان
معي ومعكم حبيب المنتدي صاحب النشاط المميز داخل المنتدي
الجميع يحبه ويحترمه لما يمتاز من محبه للجميع معي

واد حبيب

أهلا وسهلا بيك معنا حبيب ونبتدي الحوار
اهلا بيك ياغالي جاهر انا معاك اهو
************
احكي لينا ما هي طقوسك مع قرب الشهر الكريم ؟
اكيد شهر رمضان غير كل الشهور في السنه اكيد طبعا كلها ايام ربنا لكن الشهر ده لزم يكون له طقوس خاصه شهر بيكون فيه الفرح والتقرب من الله اكتر والتسامح والمحبه بيكون موجوده لكن في الغربه بيكون شهر رمضان بعيد عن الاهل مش بيكون له طعم خالص بنقرب من الله اكتر وبندعي ربنا يكرمنا في حياتنا وكمان الدوام بيكون اربع ساعات بس
***********
كيف تقضي يومك في شهر رمضان؟
يوم عادي جدا بتصحي من النوم تصلي وتروح علي الدوام ترجع الساعه ٢ تصلي وتقعد علي ما المغرب ياذن وبنفطر قبلكم طبعا الشغل والقراءن بيكون لهم وقت كبير عندي لما تكون بعيد عن بلدك مش بتعرف تفرح اوي برمضان حتي لو وسط كل صحابك رمضان مع اهلك غير
**********
كيف بيكون أجواء الأحتفاء عندك في الغربه ؟
قولتلك مش هتحس بيه غير لما تكون مع اهلك مهما يكون فرحان بيه لكن فرحتك مع الاهل بتكون اكتر وليها مزاق خاص
**********
هل أنت من محبي التزاور في رمضان من خلال الزيارات العائليه للأهل ؟
اكيد طبعا الشهر الكريم ده بيقربك من كل الناس خصوصا اهلك ولكن انا مش من محب العزومات اللي بتكون في رمضان اعمل عزومات في بتنا ودي عاده عندنا من سنين لكن اني اروح افطر عند حد بتكون صعبه عليا شويه وناس كتير من اهلي زعلو مني بسبب كده بس الحمد لله اتعودو علي كده اني مش بروح افطر عند حد
*************
كيف كانت طفولتك في شهر رمضان ومتي بدأت تتعود علي الصيام ؟
شوف ياسيدي انا اتعودت على الصيام وانا في ٢ ابتدائي من اليوم ده وانا الحمد لله بصوم رمضان علطول والحمد لله عمري ما فطرت يوم من ٢ ابتدائي لحد يومنا هذا الحمد لله
**********
أغرب وأطرف موقف حصل معاك وأنت صغير وكبير في رمضان ؟
بصراحه مش متذكر حاجه خالص والله او تقريبا مفيش حاجه تكون طريفه حصلت معايا او قدامي في الشهر الكريم
***********
لو حصل وقابلك موقف خصام قبل رمضان بتعمل ايه ؟
انا تقريبا مش بشيل من حد بس طبعا لو حصل لازم تسامح علشان ده شهر الرحمه والتسامح والمغفره لازم نستحمل بعض مهما حصل
**********
بتختم المصحف كام مره في رمضان ؟
مش كتير بصراحه ممكن مره او اتنين
*********
كتير من الناس بيكون خلقها ضيق وبتتعصب في رمضان والسبب عندهم الصيام ؟ما تعقيبك علي ذلك؟
الصيام عمره مكان سبب لضيقه او لعصبيه الصيام والتقرب من ربنا في الأيام دي بيروح القلوب والنفوس بس تلاحظ اكتر الناس اللي بتقولك خلقي ضيف او متعصبه بيكون ناس بتشرب سجاير او مش متعوده علي الصيام دولت اللي علطول متعصبين علشان السجاير مش علشان الصوم والدليل انك تلاقي الناس دي ممكن تفطر علي السجاير او حتي في الأيام العاديه ممكن يقعد طول النهار من غير اكل لكن من غير سجاير لا

في شهر رمضان المساجد بتملي في الفروض وخصوصا وقت صلاه العشاء والقيام والفجر
وبعد الشهر يختفي ذلك ما تعليقك علي ذلك ؟
والله ياساحر حتي في رمضان المساجد مش بتكون مليانه زي زمان
لكن الناس بتقرب من ربنا في الشهر ده بس كأن ربنا مش هيحسبهم غير علي الشهر ده بس اكيد ده شهر المغفره والرحمه ولكن لازم نتعود علي الصلاه والتقرب من رمضان في كل وقت مفيش حد عارف هيموت امته لزم تكون مستعد في اي وقت والأهل يكون لهم دور في تربيه الأطفال علي التقرب من ربنا
**********
في شهر رمضان تكثر المسلسلات الرمضانيه التي تكون عامل كبير في ضياع وقت العباده في الشهر
الكريم ما تعقيبك علي تلك الظاهر وكيف نساعد علي تجاوزها ؟
طول ما في ناس بتابع المسلسلات والمسخره اللي فيها اكيد مش هيحصل جديد الناس دلوقتي ممكن تسيب الصلاة علشان تسمع مسلسل تافه ملهوش اي لزمه وفلوس علي الفاضي علشان يشغلو عقول الناس في حاجه ملهاش لزمه خالص اي اللي بنستفيده من ٢٠ مسلسل في الشهر ده
**********
نخش علي الجزء الترفيهي
بحكم تواجدك في الغربه
هل انت بتحضر فطارك ولا دليفري
رمضان هنا شهر الخير اكيد دليفري وبنعمل سلطات وعصاير بس واكيد طبعا الدليفري مش بيكون بفلوس
************
ما هي الوجبات المفضله ليك عندك ؟
انا الحمد لله باكل اي حاجه مش بقول لا بس انا بحب السمك هنا اكتر
*********
رمضان معاك في الغربه كيف وضعه؟
صعب والله ياساحر ياخويا لما بكون بعيد انا متعود اكون رمضان في البيت بس المره ده في ظروف ومش نزلت
**********
ربنا يوفقك وترجع لاهلك بالسلامه ان شاء الله
بعد صلاه العشاء والقيام بتقضي ليلك لوحدك ولا بتقضيه فين ؟
في النوم ياغالي عندنا شغل الصبح مش بنام للعصر انا في شغل واكل عيش مش فاضيين احنا
وبكده نكون وصلنا نهايه الحلقه
سعيد جدااا بوجودي معاك ياغالي
أشكرك حبيب وربنا يوفقك
تسلم يارب
بأمان الله

[شاعر الحب الحزين]

أخوي الغالي أمجد بداية موفقة في استضافة
الحبيب الغالي أبو إياد
أسئلة مميزة جعلتنا نكتشف جوانب أخرى
في حياة الحبيب وجميعها جوانب جميلة وإيجابية
أتفق تماماً مع كل الإجابات ، إجابات مقنعة وصريحة
أبو إياد الغالي الله يقويك ويعطيك العافية ويعينك
في الغربة ويرجعك سالم غانم وسط أهلك وناسك

الله يعطيك العافية أخوي أمجد
استضافة مميزة وحوار راقي جداً
في انتظار المزيد من الضيوف والحلقات
شكري وتقديري وامتناني ♥️

[نغم الشام بعد المغيب..]

لقاء ممتع ،وحوار مميز.. بين أخوين فاضلين نكن لهما كل المودة والتقدير .
-حبيت النقطة يلي اتحدث فيها عن الغربة، إنو رمضان بين الأهل غير.
-وكمان يلي تحدث فيها المسامحة والعفو عن اي شخص زعلنا بهاد الشهر الفضيل.

-وعن صيامه في سن مبكرة كتير حلو.. وهاد شي بيرجع للاهل اكيد، بذكر كيف أهلي كانوا يشجعونا ع الصيام من نحنا يادوب سبع سنين، وكانوا يحكونا عن صيام سمونا اياه صيام الحمامة او دريجة الحمامة هههه ،لحد الظهر يعني ، بس من باب التشجيع بداية.. وبعدين اتعودنا بالتدريج ع الصيام وجابت معنا هالطريقة فايدة الحمد لله.


-بالمجمل كانت استضافة رائعة بحق.وخلتنا نسترجع بعض من طقوسنا وذكريات حلوة مازالت عالقة في اذهاننا.
ربي يبارك فيكن وتضلوا منورين هالمكان انتوا وكل الاعضاء الكرام..
رمضان كريم.. وينعاد عليكن وعلينا جميعا بالخير والمحبة والسلام..

[مــريــم]

كل سنه وانتم طيبين
لقاء مميز لشخص مميز
تسلم ايدك ساحر
بالتوفيق

[Å Ṁ i ŗ â ® Ṁ ä r Ø]

استضافة وحور جميل بين شخصيتين مميزين
اجابات ابو اياد كتير مميزة
كل سنة وانتم طيبين وبخير يارب دوما ورمضان كريم
تحياتي ليكم وتقديري على الحوار الممتع دة

[إيلاانا]

أحسنت الاختيار أخي أمجد
عرفتنا من هذا الحوار عن أخونا أبو اياد مع رمضان مع الأهل وفي الغربة
وإن شاء الله يعيد الله عليه رمضان القادم وما يليه في أحضان اهله وهو بصحة وسعادة
كل الشكر والاحترام والتقدير والدعوات لشخصيكما
دمتما بحفظ الله ورعايته
إيلانا

[☆ شهـــاب ☆]

حـوار جميل ومميـز واستضـافة راقيـة من امـجد لـ المميز ابو ايـاد

اجاباتك جدا مميزة خاصة ما تخص الغربة وما فيها من تعب وألم

رمضـان كريـم عليكم وعلى الجميـع

وربنـا يتقبـل صالـح الاعمـال منـا ومنكم جميعـا

تحيـاتي وتقديري ليكم وتمنياتي بلقاءات مستمرة مع باقي الاحباب اعضاء المنتدى الكرام ،

[ساحر الأحزان]

منور حبيب الحلقه
واشكر كل اخ شارك معنا داخل الاستضافه
اشكر لكم طيب التواجد وحسن الحضور اخوتي الكرام
دمتم سالمين

[~♥ Queen sozan♥~]

استضافه مميزه بين اخواتي الاتنين

الله يبارك في عمرك يا محمد والسنه الجايه تكون وسط اولادك

باذن الله تعالى ... واجبات مميزه منك


دايما متألق