حواديت كفر الغلابة

[شريف القناوى]

اقتباسالمشاركة الأصلية كتبت بواسطة SAMA2008

شريـف القنـاوى

حازنى الشرف بأننى مررت من هنـا
فى مكانـأ قد استحوذته يداكـ
سرد رائع .
وصيغه أروع
اتمنى منكـ المزيـد
كلى اشتيـاق للبـاقى
تم تثبيت الموضوع ..*_@

اختى الغالية سما
اسعدنى جدا مرورك الكريم واشكرك من قلبى على ثقتك وتثبيتك للموضوع الذى اتمنى ان ينال اعجاب الجميع
ويا رب اقدر اسعد بكلماتى كل الاعضاء والاصدقاء بالمنتدى

[شريف القناوى]

اقتباسالمشاركة الأصلية كتبت بواسطة nooodyانا رديت قبل كدة بس الظاهر الرد طار

بجد حلوة جدا يا شريف ياريت تكمل

بالتوفيق

اختى نودى الجميلة
طبعا قريت ردك اللى طار وبجد شجعنى جدا ان ابدا الحدوتة الثانية فعلا وقريبا هنا ستكون الحدوتة الثانية
وليكى انتى اختى اسمها ( الطـــــــــــــــــابور)

[شريف القناوى]

2

	– الطابور يا سلام على كوبية الشاى ساعة الصبح اه شاى تقيل يعدل دماغك يا غلاباوى لكن يا فرحة ما تمت ام العيال جاية وشكلها وراها مصيبة او بلوة كان مالى اقعد النهارد ة ومرحوش الزرع خيريا ست الستات .بتقولى ايه اروح اشترى عيش من فرن الكفر ليه يا وليه احنا مش بنخبز والحمد لله فى بيتنا مالنا ومال وجع الدماغ لكن يا واد غلاباوى تقدر على مين حكم القوى على الضعيف لبست الجلبية النضيفة والشاش الابيض والطقية وتوكلت على الهادى ونزلت الكفر لفرن العيش طول الطريق وانا بفكر اوصل بسرعة وارجع اريح شوية وادعى ربنا يبعدها عنى اليوم ده مراتى اللى طلباتها تهد جبل اى والله تهده وصلت الكفر ووصلت قدام الفرن ويا ريتنى ما وصلت شفت خلق ما ليها اول من اخر الاول اتهيلى انى فى خناقة كبيرة او مشكلة سالت يا جماعة هو فيه ايه الكل يبصلى من تحت لتحت ومحدش بيرد لحد ما واحد رد عليا ايه يا خينا انت مش من هنا ده طابور العيش عايز تشترى اقف فى الصف قلت فى عقل بالى صف مين يا غلاباوى ده انت توصل للشباك بعد اسبوع لكن ارجع ومراتى فى البيت تقلبها حرب لا خلينا هنا وقفت فى الصف والشباك مقفول قلت هو مش هيفتح فى يومه ده ايه يا خينا انت اول مرة تشترى اللى قبلى فى الصف بيقولها بغيظ وهتكون الاخيرة يا واد عمى قال ايه الشباك بيفتح بمواعيد زى القطورات بمواعيد يا ستار يوم ربنا يعديه على خير واخر مرة تعملها يا غلاباوى الشباك اهو انفتح ايه ده اللى بيحصل الحرب قامت يارجالة فين الطابور فين النظام الكل فوق بعضه اوعى يا خينا الجلبية هو الشبشب راح فين والشاش وقع على الارض يا نهار مش فايت ايه ده يا عم ابعد عنى شوية كفاية يا خلق الكل بيتزحام على الشباك قلت الناس كأنها اتجننت ليه الزحمة وقلة القيمة ما كله هياخد عيش طلعت من الزحمة وقعدت على حجر بعيد قلت خلينى لحد ما المعركة تخلص والزحمة تخف ابقى اشترى عيش وكان العجب وعرفت ليه الزحمة والخناق على العيش العيش خلص قبل حتى ما نص الناس تشترى ازاى قالوا هى الكمية كده اللى يلحق ياخد واللى مش يلحق يمكن يلحق بكرة او بعده او بعدبعده قلت يادى النصيبة والجاعان ممكن ينتظر لميت شبشبى والشاش وجلبيتى اللى بقت زى ما اكون شغال فى محجر رملة اوتراب ورجعت البيت وانا كلى تعب وهلاكان شفتنى المحروسة مراتى وانا فى الحالة الهباب كانت هتتكلم ...... قولتها اى كلمة هتقوليها هتكون الاخيرة والنهارة هناكل مكرونة او رز ومن بكرة فى بيتنا عيشنا ينخبز وكرامتنا تنحفظ اتارى يا غلاباوى الدنيا اتغيرت كلها طوابير ما تنتهى كان نفسى اعرف الاجابة على سؤال من يومها قالق منامى هيجى يوم تختفى الطوابير وتنتهى من حياتنا ولا هتفضل زى الهواء والمياة نموت لو اختفوا غلاباوى الغلبان

[nooody]

أولا معذرة عن التأخير فى قراءة الحدوته

ظروف امتحانات

بس بجد ما شاء الله عليك يا شريف

بجد الحدوته واقعيه جدا وكمان أسلوبها رائع

وهو دة اللى مديها طعم مختلف

ان شاء الله هفضل متبعاها دايما

بالتوفيق

[شريف القناوى]

اختى نودى اشكرك على ردك الجميل ومرورك الدائم بين صفحاتى
وانتى تستحقى تعفى الحدوتة التالتة اسمها ايه وقريبا ستنزل هنا
الحدوتة التالتة (السهرة )

[شريف القناوى]

اختى نودى اشكرك على ردك الجميل ومرورك الدائم بين صفحاتى
وانتى تستحقى تعرفى الحدوتة التالتة اسمها ايه وقريبا ستنزل هنا
الحدوتة التالتة (السهرة )

[شريف القناوى]

	السهرة صباح الفل على القاعدين على المصطبة سهرة كانت زى الهبا ب امبارح غلباوى اتغلب على امره يا رجالة كان مالى ومال السهر كانت ايامى زى العسل اصحى من الفجر اصلى واتوكل على الرحمن ارعى زرعى وارجع منه على العصرية اتغدى واصلى المغرب واطلع على القهوة فى الكفر العب دروين ضومنة مع الود ابوسالم والود صميدة واخلص على العشاء اصلى وانام علشان اصحى بدرى ده عيشة زى السمنة البلدى لحد ما كان النهار الاسود فى حياتى ضحك عليا ولدى الصغير الزفت اللى اسمه كان سبب همى سميته غلب لانه فى ولدته غلبنى وطلع عينينا المهم جانى وان قاعد قعدة روقان يجرى وسط الغيط النهاردة سهرة من الاخر على التلفزيون قلت ايه فيه يا واد انت اتجنيت سهرة ايه دى قالى ده فى فليم اجنبى كله ضرب وقتل للركب وانه اول مرة يتذاع على التلفزيون وقعد يحكيلى قصص وحكايات عن الفليم وانهم بيجيبوا ليه دعاية من اسبوع فات والله من زمان ما سمعت افلام لعربى ولا اجنبى وبطلت السهر من سنين طويلة لكن الود معرفش لف مخى ازاى وخلانى استعد للسهر معاه فى الليلة الطويلة دى وبعد ما صليت العشاء وشربت كوبية شاى حبر لزوم السهرة وقعدت مع الود غلب قدام التليفزيون وقلت له امتى يا سيدى الفليم ده هياجى قلى اصبر يا ابويا وخلى نفسك طويل قلت الود ده اتجنن فكرنى هشرب شيشة ولا ايه وياريت كانت شيشة وبس ده ان اتجننت من اللى شفته ابتدت موسيقا الفليم وقلت اه الليلة ابتدت امال ايه نفسك طويل بعد ما خلصت الموسيقا ابتدت الاعلانات تهل اعلانات ايه ده مش قادر اتكلم كنت ابص للود من تحت لتحت وانا مكسوف وانا بشوف الاعلان من دول والود كانها حاجة عادية خالص بنات لابسه لا اظلمهم لو قلت كده دول مش........ قادر اقول ولا الاعلانات بتتكلم عن ايه ايشى صابو ن لا رابسو لا جبنة ........ والله مش فاكر من كترها والداهية العظمى فى اعلانات مكسوف اقول بتتكلم على ايه انا استغربت من زمان ماسمعتش التلفزيون لكن اتضح انى زى الود ما بيقول متاخر قوى والمهم انى كل ربع ساعة فى الفليم نص ساعة اعلانات والمصيبة هى هى نفس الاعلانات لدرجة انى نسيت بداية الفليم لما وصلنا للنهاية ومعرفتش قصة الفليم كد ما حفظت الاعلانات اعلان اعلان حلفت للود غلب وقولت انا احب اكون متخلف ولا متاخر زى ما بتقول ولا اسهر مرة تانى ده انا محتاج شهور علشان الاعلانات اللى حفظتها انساها واللى مكسوف ما اتكلم فيها

	غلاباوى الغلبان

[nooody]

أخى شريف كل مرة الحدوته بتناقش ظاهرة مهم جدا

والاسلوب كمان سهل قادر بسهوله توصل الفكرة

للقارىء

بجد تسلم ايدك

[خالد ابو النجا]

جميله جدا
وياريت تكمل فى كتابتها
وسردها
الانى بجد استمتع كثيرا فى كرائتها
تحيتى لك

[ARAGON]

كالعادة يا غالي

نجم

بس فيه اعلانات طاغية في الوقت الحالي

خاصة العطور وغيره

وظاهرة جديدة افلام عربي ام الاجنبي

وفي النهاية

حدوته مميزة المرة دي

بالتوفيق يا غالي