حواديت كفر الغلابة

[Loyalty]

القصة جميلة جدا
وياريت تكملها وهى رائعة وبالتوفيق

[Ќonto]

روووووووووعه بجد

ويلا كملها بسرعة

[countess]

حلوه وكمل

ننتظر الباقي

[شريف القناوى]

اخوتى واصدقائى الاعزاء الى قلبى
كم انى سعيد بتلك الردود الجميلة والتى تشجعنى اكثر على ان اكون بينكم
اشكركم من كل قلبى

[ملاك الجنة]

اكيييييييد كمل الحواديت
لانها بجد حلوة

[بدويهـ لعيونكـ]

مشكووووور اخويـ

[شريف القناوى]

ملاك وبدوية
اسعدنى كثيرا مروكم وردكم العطر

[ARAGON]

السلام عليكم يا شريف

انا فكرتك نزلت الحلقة الجديدة

ياراجل مستعجلين شوية

في انتظار جديدك

[شريف القناوى]

	4 = السفرية ياه يا بوى عدت الايام بسرعة وبكرة هسافر هزور سيدنا الحسين والسيدة زينب الله يا ال البيت جاى ليكم وانا كلى شوق ومحبة وفرح اقولكم ازاى تعبت علشان الاقى تذاكر قطر من خمستاشر يوم عدوا رحت المحطة لقيت طابور وزحمة وبعد زق وزعيق وصلت الشباك والنبى يا حضرت اربع تذاكر لمصر اصلى انا واخد الجماعة بتوعى والاولاد نزور الاولياء قالى مفيش القطورات كلها محجوزة ازاى يا خينا ده انا قبل السفر بخمستاشر يوم زى الورقة ما بتقول اللى انت معلقها على الشباك بتقول ايه اتحجزت كلها من الصبح ليه اللى حجزوا كانوا نايمين فى المحطة ولا ايه قلت فى عقل بالى ايه الحكاية يا غلاباوى الاولياء مش عاوزينا نزوهم ولا ايه قلت ارجع طاب ازى ده ام غلب والود غلب واخته غلبانة بيحلموا بمصر من شهر فات وكل يوم بيجهزوا للسفرية ارجع اقولهم ايه لا خلينى على القهوة اللى فى المحطة شوية اشرب كوبية شاى وافكر هاقولهم ايه وانا سرحان وفى ملكوت تانى فوقت على صوت بيقول يا حج انت مش كنت عايز تذاكر لمصر انا شفتك على الشباك ومن حظك معايا اربع تذاكر عايز ابيعهم وعلى نفس المعياد اللى انت عايزه قلت فرجت يام هاشم جايلك يا مصر قلى بس التذكرة هتزيد مبلغ صغير قلت مش مهم المهم انى اسافر ودفعت وانا مبسوط ومش فاهم الا لما شفت بعينى الكلمتين هما هما اللى كانوا معايا كانوا مع غيرى وعديت ياجى عشرين تذكرة انباعوا زى حالتى بالظبط وهو المبلغ الصغير كده بقى مبلغ كبير اتريها يا ود عمى زى ما بيقولوا سوق سوداء شربت الشاى وروحت وجرت الايام والليلة السفر صحينا من النوم نحضر ونجهز للسفرية اول مرة ازور مصر اشوفها فى التلفزيون تعجبنى واقوال الله عليكى يام الدنيا قربت ورجلى هتمشى على ترابك رحت المحطة قبل معياد القطر بساعة قلت الواحد يستنى القطر احسن هو مش بيستنى حد دقت ساعة المحطة الساعة عشرة معياده جى اهو اكيد دلوقت هيدخل المحطة الله ده فى قطر جى اهو يا سلام مواعيد زى الالف يا حضرت هو ده قطر الساعة عشرة لا ده قطر الساعة تسعة لسة عشرةهياجى وراء ده وعدت الساعة وراء التانية والسوال هو هو واخيرا دقت ساعة المحطة الساعة 12 ووصل القطر بعد ما كنت فكرت انى ارجع وبالها من السفرية اللى بدايتها مطمنش ركبنا انا والجماعة ووصلنا للكراسى بتاعتنا وقعدنا وقولنا الحمد لله اهو بعد التعب راحة وننام لينا شوية لحد ما نوصل مصر ماهو المشوار بعيد وهنوصل الصبح لكن الظاهر انى كان تاخيره دى البداية لسفرية اتمنيت فى لحظة انى يكون ليها نهاية ابتدت بالبياعين وخد عندك ساقع شاى حتى الابرة وجلبة الامبوبة والمشط والفلاية بقى سوق القطر كل ما اجى اغمض عينى القى واحد رمى حاجة على رجلى وشغال ينادى بصوته العالى ولما ربنا كرمنا والبياعين ابتدوا يخفوا شوية والواحد ابتدى يسحب فى النوم الواحد افتكر انه نايم فى الطل فى الغيط ايه ده الواحد بيحلم ولا ايه ايه البرد ده اترى تكييف العربية بتاعت القطر اللى احنا فيها شغال ساقع جامد والكل من حوالينا بيترعش قلت يمكن خايفين علينا نبوظ من الحر هيجمدونا الكل ابتدى يزعق ويدور على حد يشوف موضوع التكييف واخيرا وبعد تعب اتحلت المشكلة وجى الباشا يحل المشكلة ويا ريته ما جى دقايق والجو بقى فرن قلت هى يا تلج يا نار رد الباشا اصلى التكييف هنا يا بارد يا سخن وانا فصلته قلت فصلته واحنا هنفطس قبل ما نوصل مصر شغله يا عم البرد هنلاقى ليه صرفه لكن الحر هنعمل فيه ايه وشغله وطلعت جلابية وهدوم واتغطينا بيهم وكل اللى فى العربية عمل زينا ويا يرتها على كده وبس بعد فترة ركب ناس من محطة فى الطريق طلع معاهم تذاكر لكراسى محجوزة وفيها ناس قاعدين وابتدت الخناقات وكانت سفرية من الاخر هباب وزى الزفت وخد عندك كمان الوقوف فى اماكن ضلمة لا فيها محطة ولا بشر بالربع ساعة وكمان بالساعة اخيرا دخل القطر مصر المحروسة متاخر اربع ساعات عن ميعاده نزلت من القطر وسجدت ابوس ارض المحطة والكل مستغرب جعلونى ببوس ترابك يا محروسة لكن الحقيقة انا كنت باسجد لربنا انى اخيرا اترحمت من عذاب القطر

	غلاباوى الغلبان وقريبا مع غلاباوى فى القاهرة فى الحدوتة الخامسة

[nooody]

جامدة الحدوته المرة دى يا شريف

بجد روعه ما شاء الله عليك

اللهم لا حسد

ممتعه جدا وعجبانى جدا

فى انتظار الحدوته الجديدة

وان شاء كل الاعضاء يتابعوها لانها بجد تستاهل القراءة