حتى لا يطير الدخان .....

[♥..pure]

الحياة بين الامل واليأس






ان الحياه مباراه بين فريق الامل واليأس ويتداول الفوز بينهما

تبقى المباراه مستمرة بينهما حتى ينتهى قطار العمر ويحين يوم الحساب

لذا ........

لابد من وجود اليأس لكى يحيى الامل من جديد فهما وجهان لعمله واحدة

منذ ان خلقنا وجئنا الى هذة الدنيا ونحن لا نعرف ما مصيرنا المكتوب

ما الذى يخفيه لنا القدر وما الذى يسطره بين صفحاته لحكمه لا يعلمها الا الله

جئنا وتعرضنا للكثير والكثير صارت الدنيا ترمينا وترمى علينا ونحن عاجزين

واقفين صامتين لا نستطيع فعل اى شئ للمواجهه او حتى للدافع عن انفسنا

لم نكن نفهم ما ذا تفعل بنا الدنيا .... كنا اطفال صغار .....اغبياء

*************






ثم بعد ذلك كبرنا وترعرعنا ونضجنا وفهمنا اننا وسط ارض الملعب

علينا التلاعب بالكرة بالدفاع والمواجهه والتداول والخطأ من اجل العلم

من اجل ان نعلم اننا لابد ان نسقط ارضا حتى يكون عندنا القدرة ان نصعد الى اعلى

ان نعلم انه لابد من وجود الهزيمه حتى ننتصر .. من وجود الياس حتى نامل

لابد من ننهزم حتى تشتد الروح وتقوى العزيمه والارادة وننتصر باكتساح

لابد من وجود اليأس حتى نعطى للامل فرصته لكى يتجدد ويحيى

الامل هو الذى يعطينا فرصه للبقاء هو الذى يمنحنا فرصه للعطاء

لا يستطيع اى انسان ان يستمر بنجاح الا اذا تعرض لليأس والامل

لابد من حدوث موقف يفقدنا الامل فى الحياه ثم بعد ذلك نحس اننا على مشارف الموت

وان الحياه قد انتهت ثم ياتى شخص او الهاما من الله يبعثنا من جديد

يبعث روح الامل فى جسد ملئه اليأس والاستسلام والضعف

*****************



اليأس يلعب مع شخصيه الفرد ... من يتحدى الاخر ... ومن يفوز فى النهايه

الاستسلام يأكل فى قوة الشخص حتى تدمر وتنفذ يساعد اليأس فى تحطيم الفرد

يستطيع السيطرة الكامله على الفرد روحيا وجسديا

بينما اذا كان الشخص لديه ارادة وعزيمه زصبر وعناد مع الواقع واصرار

فانه بسهوله مطلقه يستطيع التغلب عهلى يأسه واستسلامه

فانه سوف يدمر كل قيود اليأس ويصنع اوتار من الامل تساعده على محاربه من حوله

**************


نحن نعيش على امل او حلم

كل فرد منا لديه امل فى الحياه وله حلم يود ان يحققه

الكثير يعيش على امل الحب ... يأمل ان يجد الحب الحقيقى فى حياته

على امل ان يصارحه حبيبه بحبه له ... على امل ...

والكثير يعيش على هدف او حلم يريد ان يحققه قد يكون مال او شهرة او سلطه او مهنه .......الخ

ويسعى جاهداااا لتحقيق هذا الحلم قد يحارب العالم باكمله من اجل الحلم او الهدف

علينا ايها الشباب تنميه النفس بما قد يروج بها من مواقف

مواقف قد تضعفنا وقد تقوينا قد تؤثر فينا احيانا لدرجه الموت

لا اقصد موت الجسد لا .....

اقصد موت الروح .....موت الامل .....موت الحياه .........

علينا ان نزرع شوك الامل فى ارض النفس لكى نقوى على ما نواجه

************

انا عايشه على الامل طول عمرى

هو اللى ليا ... هو اللى بيصبرنى على اى حاجة

الحياه حلوة بس انها اللى بنسودها احنا اللى بنموتها

ليه منكنشى متفائلين بنحب الحياه

عشان الحياه تحبنا

كان معكم

dr.rafef

[زنبقة تناجى ربها]

فعلاً الحياة جزء منها أمل وجزء منها يأس ......

والعاقل الذى لايجعل اليأس يتمكن منه حتى لوإزدادات صعوبة الحياة عليه ....

اليأس طريقة المستسلمين والأمل سلاح العقلاء .....

لكن كل شىء له حد حتى الأمل ...

فهناك أمور قدرية لانصيب لنا فيها وهنا نستسلم للقدر ....

فمن أطال الأمل أساء العمل ....

على فكرة الصورة الأولى أذهلتنى بجمالها

موضوع رائع ...

أدام الله تفاؤلك ورزقك الصحة ....

[بنت السعوديه دلعها غير]

يعطيك


الف


عاافيه

تقبلي مروري

[Dr.nour]

صح يا رفيف والله كلامك

ولا اى مخلوق ف الدنيا دى

غير امى وابويا

المفروض انى ازعل عشانهم

وآيئس لو حصلهم حاجه

بس فى فكره برده

الانسان اما بيقع ف موقف او اتنين يخلوه يائس من الحياه

ويكون جنبه الحد الى يساعده انه يطلع من اصعب المواقف

ده بيبقى سهل عليه يطله بسهوله جدا

انما اما يلاقى نفسه لوحده

فده كونى على ثقه

انه هيدمر نفسه وهيدمر الى حواليه

الا بقى لو رحمه ربنا

وفوقه م الغفله الى وقع فيها

وميرسى يا قمر ع التوبيك

[♥..pure]

اقتباسالمشاركة الأصلية كتبت بواسطة زنبقة تناجى ربهافعلاً الحياة جزء منها أمل وجزء منها يأس ......

والعاقل الذى لايجعل اليأس يتمكن منه حتى لوإزدادات صعوبة الحياة عليه ....

اليأس طريقة المستسلمين والأمل سلاح العقلاء .....

لكن كل شىء له حد حتى الأمل ...

فهناك أمور قدرية لانصيب لنا فيها وهنا نستسلم للقدر ....

فمن أطال الأمل أساء العمل ....

على فكرة الصورة الأولى أذهلتنى بجمالها

موضوع رائع ...

أدام الله تفاؤلك ورزقك الصحة ....

تسلمى يا قمر على المرور

فعلا ... فى امور قدريه احنا مالناش يد فيها

وساعتها بنلوم القدر اللى عمل فينا كدة

وعلطول بنستسلم ونقول وقفت الحياة

بس دة بيبقى اكبر خطأ بنعمله اننا نستسلم للى بيحصل حواليا

بالتوفيق.....

[♥..pure]

اقتباسالمشاركة الأصلية كتبت بواسطة DR.O.SHصح يا رفيف والله كلامك

ولا اى مخلوق ف الدنيا دى

غير امى وابويا

المفروض انى ازعل عشانهم

وآيئس لو حصلهم حاجه

بس فى فكره برده

الانسان اما بيقع ف موقف او اتنين يخلوه يائس من الحياه

ويكون جنبه الحد الى يساعده انه يطلع من اصعب المواقف

ده بيبقى سهل عليه يطله بسهوله جدا

انما اما يلاقى نفسه لوحده

فده كونى على ثقه

انه هيدمر نفسه وهيدمر الى حواليه

الا بقى لو رحمه ربنا

وفوقه م الغفله الى وقع فيها

وميرسى يا قمر ع التوبيك

:cv10:

كويس انك عارفه يا نور

انه هيدمر نفسه لانه انسان ضعيف ايمانه كمان ضعيف

معندوش الارادة انه يقف على رجله من جديد

ويثبت للى فاكرهم دمروه انه احسن منهم ميت مرة

والاستسلام اكل فيه لغايط ما دمره على الاخر

تسلمى يا نور على المرور

بالتوفيق ياااارب

[game010]

شكرا على الطرح الجميل ده شكرا جزيلا وبجد بس اوقات اليائس بيتغلب مش عارف ليه
مع الشكر مره اخرى .......

[SiLver Spectra]

فاقد الأمل هو المنتحر
لو نزعتي الأمل من أي شخص بنسبة 100%
خمس دقايق و هتلاقيه انتحر فعليا و ليس نظريا
أنا ايه الي يخليني أعيش
ايه الي يخليني أدرس أو اشتغل
عشان الأمل...
الأمل هو الي بيحسن صورة المستقبل و بيخلينا نهضمه في الحاضر و يتحول لماضي و تتسجل لينا الحياه و التاريخ

و نقيد الأمل هو اليأس
بدونه مش هيكون في أمل

موضوع قيم يا رفيف
دوام الابداع...

[أنثـے مًنْ الّخٍـْيـِالْ→♀]

موضوعك راقى يا دكتور

الانسان من غير امل و شكر و حمد لله مش هيعيش

و مش هيبقى له لازمة انه يعيش

فاكيد من من موقف انكسرنا فيه نقرر لحياتنا الانتحار

فكل انكسار ليه الشئ اللى ممكن نداويه بيه و نصبح احسن حالا من الاول

موضوعك جميل

تفاؤل و قليل الايام دى اللى بيدعو للتفاؤل

تسلم الايادى

[Sєяєєη●•ʚɞ]

رفيـــــــــــــف
التوبيك بتاعك جميل اوى وصورة حلوة وغريبه
اجمل حاجة فى الدنيا هى انك تعيشى بأمل بهدف بحلم عايزة تحقيقله وتخطتيله ويكون عندك مش حلم واحد وبس لأ احلام وطموحات فى كل مجالات الحياه وفى جميع المستويات سواء مستوى شخصى او اسرى او وظيفى او او ...المهم اننا نعيش بهدف عايزين نوصله ولو وصلنا لجزء بسيط منه هنحس بسعادة لاتوقف وهنحس بقيمة نفسنا اكتر ..... وفى طريقنا واحنا بنحقق الهدف دا لازم تقابلنا عقبات صدمات هتسبب عندنا اليأس والاحباط والاهم هنا اننا مش نعيش فى اليأس دا كتير ونحاول نخرج نفسنا منه وناخدة دافع يقوينا مش يضعفنا..
توبيك جميل اوى ويخلى الواحد عايز يتكلم اكتر بس انا هكتفى بالكلمتين دول عشان ماطولش عليكى
تسلم ايدك ياسكر