( أحترام الرئيس ) و ( جمعه الرحيل )

[♥Donya♥]

والله فعلا يا مي تو،،
احنا اسفين يا مصروانا واحده يا احمد كانت
مع شباب يوم 25 وكنت بقول يسقط النظام
بس والله بعد اللي مرينا بيه ده
اتضحلي اننا بعد ماكنا رافضين مبارك
انا بقيت اؤيده واتضحلي اننا بنستغل الرئيس لمصلحتنا كشعب لمصر
عشان نفضل في امان وماحدش يدخل يخرب بلدنا
تسلم يا احمد علي التوبيك النايس
^^

[حياتي ذكريات]

اقتباس فأتمنى من جميع الاعضاء عند طرح اى موضوع او رد فى اى موضوع احترام هذا الرجل

كلامك مضبوط جدا يا احمد وده اللي لازم الكل يفهمه
الريس تعب لمصر وكفاية انه حما مصر 30 سنة بدون حروب بغض النظر
عن المساوئ اللي في عهده
لكن لازم يحترم وحتى لو يمشي لازم تكون بطريقة تليق بيه

اقتباس مين الى قام بالثورة الى حصلت كل شاب يظهر يقول انة سبب قيامها فى الاول ظهرت علينا بنت وقالت ان هى الى نادت بالثورة عن طريق الفيس بوك وبصراحة انا مستغرب جدا جدا احنا وصلنا لى الدرجة دى ان ننظم مظاهرة عن طريق الانترنت ورسائل خاصة وشات هههههههههه

أسماء محفوظ اسم البنت دي
هي مش اللي عملت المظاهرات ،، اللي عمل هو كلنا خالد سعيد لكن البنت دي هي اللي اول واحده استجابت
وعملت فيديو ليها انتشر ف الفيس بطريقة سريعه جدا وكان كلامها قوي جدا
قدرت من بداية 10 يناير لغاية 25 يناير تجمع فوق ال28 الف مؤيد ليها
من كل انحاء العالم للمظاهره ،، فعلشان كده تعتبر هي اللي حركت مصر كلها
وعلى فكرة مش صعب انك تعمل مظاهرات عن طريق الفيس والنت بالعكس
اسهل جدا من دعوة الناس في الشارع ،، في كل بيت دولوقتي نت

اقتباس س / مين الناس الى موجودة حتى الان بميدان التحرير ؟

أقولك مين اللي هناك
80% من الاخوان المسلمين
5 % شباب 25 يناير
7 % عاملينها بارتي رايحين يتفسحو لحد ما يفتح كارفور
:shiny01:
4 % بتبيع كد كده اصلا قاعدين في الشارع
و 2 % اجانب
و 2 % مراسلين

غير كده اقولك على حاجه
واحده اعرفها كانت في التحرير كانت مع المظاهرات بتقلي لقيت حاجه غريبة فيه نسبة
اجانب كبيرة جدا
والمشكلة ان الاجانب هما اللي بيقودو المظاهرات !!
بجد انا شفت الفيديو اتصدمت بالله عليكم الاجانب هينزلو ويتعرضو للخطر كده ببلاش ؟؟
وازاي نسمح ان واحد مش مصري يشتم مبارك بالطريقة دي !!

اقتباس اتمنى اخلاء الميدان اليومين الجايين عشان تعود الحياة لمصر مرة اخرى والناس ترجع اشغالها لان لو فضل الحال على كدا مصر هتخرب والدنيا هتقف .

والله وانا كمان اتمنى انه يتقفل الميدان حفاظ على سلامة مصر وكل ده
مش في مصلحتنا بجد
اقولك على حاجه يا احمد

هي مش الثورة اللي في الميدان سببها ظلم للمصريين ،،
شوف بقى هما بيظلمو كام مصري في البلد
مش الثورة دي معمولة علشان ارتفاع الاسعار من طماطم ورز وغيره ،،
شوف الاسعار زادت اضعاف مضاعه ازاي
هي مش كانت معمولة علشان يزودو نسبة الدخل ،، هنجيب من فين الزياده بقى ؟
مش كانت معمولة بسبب البطالة ،، شوف كام حاجه ادمرت واتضاعف عدد العاطلين
خسرنا في البورصة 100 مليار
الاقتصاد خسر 150 مليار
ما فيش سياحة في مصر الايام الجاية ولا لاخر السنة
طبعا ما فيش اي استثمارات جوه البلد
زياده الخوف في قلوب المصريين

بجد كفاية بقى ،، حرام اللي بيتعمل في التحرير
صدقوني انتو مش كنتو عايزين التغيير ،،
ما هو حصل بس بقية التغيير هيكمل بعد 7 شهور

شكرا ليك على الموضوع

[morshooo]

اشكر الجميع على التواجد الرائع

وعلى الاراء المميزة ووجهات النظر المتميزة