الدنيا ماترحم

[امير الروحانيين]

ريد احجي على الدنيا واسولف لان دنيتنة صارت صدك غدارة
لا بيدي احلهة وصعبة شدتهة ولا اكدر احاول تاهت الجارة
انادي على الاخو المابعد يذكرني صار سنين ما مر النة تسيارة
احس الهم على روحي تجمع وتضاعف جنة صار جيةش جرارة
لكن لا ياس يا كلب كلهة تهون واريد اكصد ابو الحسنين بزيارة
معروف ابو الحملة حاضر الشدات يحضر لوكصت الدنيا بانصارة
وانا بكل صدق اصرخ يا ابو الحسنين جزة حدة الزمان وصرنة خطارة
كلهة اتبهذلت والحزن بينة ايبات دوروا بكل كلب تلكون اثارة
واحنة بلا ذنب ننتضر ملك الموت ساعة وطكة علينة فرد سيارة
سل سيفة الزمان وبعد ما يرحم وبركاب الفقيرايقوي منشارة
سلم منهة الغني والله منطي ودمعات الفقير بخدة تتجارة
اسالك يا زمن شنهو الجرة والصار وليش اتعمد تكسر السنارة
ليش على الفقير ادور الايام واضوكة العطش واجفف ابارة
تبنيلة النعش واتحضر التابوت وتخلي الناس توكف تدك بسمارة
اتعيشة بالالم واتموتة حركة وضيم وايهملة الاخو لوشاف تذكارة
لابد من مجيب ايعدل الاحوال ونشتل بالرمل وتخضر اشجارة
وتامن لبنتك لو مشت لسوك وندوس الاهاب ونسحق افكارة
وادعي الله العزيز ابجاه ال البيت يحفض هالشعب ويطول اعمارة

[المستحيله]

كلماتك غريبه جدا
هو انت من اى دوله اخى الكريم
و اشكرك على بوحك الرائع و كلماتك

[العنقاء]

شكرا على الموضوع الرائع