الاخوة اللى بدقن ؟ وشباب مصر الثورجية واللى بايعين القضية

[عايش ومش عايش]

اقتباسالمشاركة الأصلية كتبت بواسطة رنيناه هو انا اتعصبت شويه
ليييييييييييييييييه لانى بكره التشاؤم
بس بصراحه هو حال البلد بقى لا يسر عضو ولا حبيب
هو بقى وكان يعنى عشان محدش يقول انى من الفلول
بس يا ترى هيبقى ايه ؟؟؟
ده بقى ف ايدنا نشكله براحتنا
يعنى زمان بنقول نظام فاسد اهو راح
دلوقتى بنقول مفيش حكومه والبلد ف حاله دوشه وهيجان
تمام
يبقى ال جى هنسيبه لمين
ها هتسيبه لمين يا كابتن؟؟
هتسيبه لمين يا انسه؟
المفروض بقى نبطل نلعن اليوم ال اتولدنا فيه وبقينا مصريين ونحس فعلا انها نعمه علينا اننا من اهل البلد دى
نحس بيها ونشتغل عشانها ندرس عشانها مش عشان نهج
وحتى يعنى لو هجيت تعالى قابلنى لو اشتغلت بشهادتك
بس ما علينا
ياريت روح الميدان دى ترجع تانى
احنا لما تجمعنا على مطلب واحد حققناه
دلوقتى ف ناس مطالبها اختلفت وابتدينا نخون ف بعض

ودى بقى النقطه ال عايزه اوصلها>>>>خدت بالك كل ده ولسه موصلتش )
احنا عايزين قضيه الكل يلتفت حولها
محدش يخون التانى
عايزين كلنا يبقى هدفنا واحد زى ما كان هدفنا كدا اننا نسقط النظام
ولقيت المسيحى جمب المسلم جمب المتدين جمب الواد الفافى والاخت المنقبه جمب ام بدى عليه شال والدكتور جمب الميكانيكى
كله مع بعضه
عايزين روح الثوره تكون جوانا

انا هقولك ع حاجه وانا بقدم ف الكليه
ناس كتير قالتلى انتى كدا عايزه تكونى دكتوره
ادخلى صيدله وخدى اللقب وبلاش وجع قلب
هتدخلى طب وهتعنسى بقى وبتاع
فانا ضربتها ف دماغى لقتنى كدا كدا هعنس ههههههههههههه
والله انا دخلتها عشان حسيت انى ممكن اخدم فيها اكتر
ولما رحت الكليه واتقابلت مع ناس حسيت انهم جواهم نفس احساسى

بس ياريت لما نتعلم جوا ونطلع للنور منلقيش الكل بيدور ع الفلوس وال حب ف يوم يخدم ناسه مش لاقى ياكل او حتى مش لاقى اهتمام


انا حسيت انى جبت كلام من الشرق ع حبه من الغرب
بس ال بيجى ف بالى بكتبه بقى

تحياتى ليك مستنين المواضيع ال جايه

ع فكرة الموضوع مفهوش تشائم ولا حاجة

بالظبط بيوصف حال شباب مصر فى ثلاث نماذج مختلفة

وانا قولت الا من رحم ربى

عموما انتى اتكلمتى فى نقاط كتيرة يمكن خرجتى برة الموضوع شوية

بس مش مهم المهم انك طلعتى ا للى جواكى

[عايش ومش عايش]

اقتباسالمشاركة الأصلية كتبت بواسطة بنوته متفائلهكل النماذج ديه موجوده فى مجتمعنا بس الى وصلنا ليه دلواتى بيقول ان بكره احلى باذن الله يمكن الشباب بعضه مش عارفين الطريق الصح عشان مدى الفساد الى كنا فيه والاحباط والتشائم من بكره شباب مصر زكى وعنده اراده بس محدش بيستغلها لما يلاقو الفرصه هنصبح افضل شعب
احيك على مواضيعك الهادفه

يارب والله يا بنوتة انا اتمنى انى كل ظاهرة سئية تختفى من بلدنا

وتكون بايدينا وبايد شبابنا واتمنى انى مشوفش النماذج دى فى بلدنا

بس للاسف موجود منها كتير اوى يمكن حتى لينا قرايب فيهم

تسلمى على مرورك

[عايش ومش عايش]

اقتباسالمشاركة الأصلية كتبت بواسطة صرخات الرحيلتفتكر غالبية الشباب المصري بيفكروا إزاي؟
بعد ما يتخرج يمشى ويسيب البلد ويشوف مستقبله بره ومعلهمش لوم

وشايف مستقبلك إزاي في ظل الظروف الحالية؟
انا بالنسبالى لسا فى ثانوى عام وعلى ما اتخرج بقى مش عارف ايه اللى ها يحصل فى البلد
بس لو فضلت بالشكل ده او رجعت زى الأول انا ها اسيبها ومش علشان انا معنديش انتماء ولا الكلام ده كله
بس علشان فى حاجات كتير نفسى احققها واللى ما اعتقدش ابدآ انها ممكن تتحقق لو فضلت فى مصر

وتفتكر إيه هي مشكلة الشباب المصري الحقيقية؟
فى مشاكل كتير اوى منها التطرف
وتضيع الوقت فى حاجات تافهه ودى مشكلة مش صغيره
كل الشباب اللى بتدرس اتعودت انها لما تخلص دراسة يبقى وقت الأجازة ده كلو بيضيع فى حاجات ملهاش لازمة
وحتى المتخرجين

ومين اللي في إيده حلها؟
الحل حل ايه بالظبط ؟
كل مشكلة فى مصر علشان تتحل محتاجة معجزه ودى مش نظره يأس بس حقيقة
والسبب هو اللى اتعود على طبع صعب جدآ يغيره ولو حصل وقدر كام واحد فينا ها يقدر ؟

مصر فيها مشاكل كتير اوى معقده ومحتاجه سنيـــــــــــــن علشان حالها يتصلح ومش مجرد وقت وخلاص فى السنين دى محتاجة ان كل واحد يفكر يقدم حاجا تناسبه وتناسب سنه
رأيى مش عاجبنى انا شخصيآ بس ده الواقع اللى انا بشوفه كل يوم

انا شوفت الرد دة قبل كدة

سلملى ع ملكة وقولها بطلى تنقلى مواضيع

انا بهزر وع فكرة هى واخدة منى التصريح الكامل

اكيد محدش فاهم حاجة غيرنا

[عايش ومش عايش]

اقتباسالمشاركة الأصلية كتبت بواسطة روكا 1أولا كل سنه وانتوا طيبين ..
ثانيـا ..

ايه انجازات النظام السابق الى قعد سنين عشان نحكم على الثوره بالفشل وهي وليده .؟ الطفل بيحتاج سنه عشان يقدر يقف على رجله .. فما بالكم بـبلد بقالها سنين مسروقه و منهوبه و " مريـــضه " لازم تاخد وقت على ما تفوق .. وبعدين احنا لسا فى بدايات تجربة الديمقراطيه .. احنا مش فى تحضر الشعب الانجليزي مثلا ولا فى عقليته " سيبكم من الى بيحصل اليومين دول " عشان نحكم نفسنا بنفسنا زي ما بيحصل فى المملكه المتحده .. احنا قدامنا اشوووواط طويله علي ما نفهم تلت حاجات :

أولا ..الديمقراطيه الصحيحه .. احترام الراي و الرأي الاخر .. اختلاف الرأي لا يفسد للصالح العام قضيه .. مش معني ان احنا مختلفين ان انا بحب مصر وانت بتكرهها .. فـلكل شيخ طريقه

ثانيـا .. الصبــر .. اي زرع لازم ياخد وقت على ما يطلع .. واي حاجه لازم تاخد وقتها .. ربنا خالق السموات و الارض خلقهم فى سبع ايام .. مكانش ربنا قادر انه يقول كن فيكون ؟؟ لأ طبعا كان قادر بس دا مثال نتعلم منه الصبر و التـروي و عدم الاستعجال .

ثالثا .. إبدأ بنفسك .. كل واحد فينا عاوز يشوف بلدنا احسن بلد .. مختلفين فى الفروع اه .. بس في الاخر عاوزين نبقي عالم أول .. عاوزين نبقي مجتمع متحضر و متقدم ثقافيا و فكريا وحضاريا و صناعيا .. ودا مش هيجي الا لو كل واحد فينا عمل لنفسه هدف اصغر .. انه يحقق دا فى بيته و حياته و مجتمعه الصغير .. و دا هينعكس على المجتمع الكبير بالايجاب ..

يبقي لازم نحترم بعض .. و نتعلم اساس الحوار الصح و احترام الرأي الاخر .. نصبر على التجريه الى فيها البلد لأول مره من سنيييييين طويله نعزل حاكم بايدنا و ان شاء الله نختار حد بايدنا " مصر عمرها ما اختارت حاكمها " و نبدأ بنفسنا أولا عشان نصلح من بلدنا ..

مرة تالتة بحييك ع الموضوع

عندى كلام كتير اوى ورد اكبر

بس بالنسبة للموجة االى ماشية اليومين دول فمش هينفع اقول حاجة

فخلينى ساكت لحد ما نشوف اخرتها ايه

اكتر حاجة عجبتنى فى الرد

اننا نبدا بنفسنا الاول

بشكرك على التوضيح

[سندس]

الموضوع حلووو فعلا
ناقشت فيه قضية مهمة الاو هى السلبية
اعتقد ان هى دى المشكلة اللى لو اتحلت هنتقدم بسرررعة الصاروخ
لو كل واحد بدا بنفسه و نظر للحياة من اكثر من زاوية
و تقبل راى الاخر
فماذا ينقصنا اذا اتحدت افكارنا و اهدافنا و مشاعرنا ؟.
شكرااا عالموضوع

[عايش ومش عايش]

اقتباسالمشاركة الأصلية كتبت بواسطة سندسالموضوع حلووو فعلا
ناقشت فيه قضية مهمة الاو هى السلبية
اعتقد ان هى دى المشكلة اللى لو اتحلت هنتقدم بسرررعة الصاروخ
لو كل واحد بدا بنفسه و نظر للحياة من اكثر من زاوية
و تقبل راى الاخر
فماذا ينقصنا اذا اتحدت افكارنا و اهدافنا و مشاعرنا ؟.
شكرااا عالموضوع

هى مشكلة السلبية والتشدد والتطرف وتكبير الدماغ

اهم تلات مشاكل فى شبابنا بس عارفة لو كل واحد فينا

بدا يفكر ويشوف ايه غلط بيعملة اكيد هنبقى افضل

اشكرك على مرورك الجميل

[Lost Pearl]

موضوعك جميل كالعادة و بحييك عليه بجد
و الرد علي اسئلتك الصعبة بصراحة بقي

تفتكر غالبية الشباب المصري بيفكروا إزاي؟

متهيألي كل واحد بيفكر حسب خبرته ف الحياة و البيئة اللي عاش فيها
و هم بيبقي في منهم عنده حماس كبير اوي تحسه عايز يغير من كل حاجة كدة
و في منهم يائس شايف انه مافيش امل ف مصر و من الفئة دي بيبقي ناس عايزين يسافروا برة
و في منهم اللي عايش و بيقول اهي عيشة و خلاص بكرة مصر تتحسن بقي ان شاء الله

وشايف مستقبلك إزاي في ظل الظروف الحالية؟
انا مش عارفة لسة بس ان شاء الله كل خير و الاقي شغل كويس و تبقي الدنيا احسن من دلوقتي بكتييييييييير ان شاء الله
و كمان عمر ما الظلم هيستمر حتي في حكمة بتقول
"دولة الظلم ساعة و دولة الحق 100 ساعة"


وتفتكر إيه هي مشكلة الشباب المصري الحقيقية؟
مشكلة الشباب المصري الحقيقية
سؤال حلو
اظن انها عدم الوعي لعدم وجود خبرة و لا قدوة و مثل اعلي كمان

ومين اللي في إيده حلها؟
اللي ف ايده حلها هو الشباب و الجيل الاكبر
الشباب لأنهم باردو مش صغيرين للدرجة دي
و الجيل الاكبر لأنه اوعي مننا باللي بيحصل

بس للأسف ده عمره ما هيتحقق لأن اصلا الشباب عاملين ثورة تقريبا ضد الجيل اللي قبلهم
يا رب الحال يبقي احسن بقي ف مصر لأن التطورات بقت معظمها للأسوأ و يوعينا و كل الشباب و يهدينا للصح

آمييييييييين

مشكور بجد علي الموضوع الجميل و المهم جدا ده
و معلش بقي طولت عليك

[world]

جميل الموضوع جامد بس الثورجية اصحاب القضية