مدرستكوا جاية تعذبكوا (14) ->ألحان الورد

[ندى الجورى]

لولولولولولولى مبروووك يا محمد
اخيييييييييرا اتخرجت و الف مبروك النجاح شهادتك تحفه
بس بجد انبهرت باختيارك الصف ههههههههه
نورت المدرسه بوجودك و تفاعلك

و اهلا و سهلا بالبيج بوس بتاعنا
منوووووووووور الموضوع والله حتى نورك غطا ع الكهربا
و بالتوفيق فى الاسئله و ان شاء الله متدخلش اوضة الفيران
هههههههههه يسلمووو نسرين ع الضيف الجااامد اوى
يلا متابعه معاكم للااااااااااااااااااااااااااااخر

[ماتركس]

هههههههههههههههه

الله يخرب عقلك يا سيرين ايه الماضه دي يا بنتي هههههههههههه

بضحك معاكي اصلا طريقه المقدمه بتاعه سيلفر عشره علي عشره تسلم ايدك بجد

ثانيا احبسو سيلفر في اوضه الفران يا فاروق بسيارته دي ههههههههههههه

منور يادكتور ومتابعين معاك يا ريس طارق سيلفر

ومنتحرمش من وجودكم

[۩۩ elMagic ۩۩]

مبروك يا حبيب
نورت الفصل بتاعنا بقى
عايزين نخرب الدنيا يا ريس
نرجع بقى للزمن القديم شويه


سبكترا
منور يا دكتره التوبيك
بجد استضافه جميله جدا سيرو
عايزين نشوف ايام الشقاوه يا ريس
فى انتظار الاجابات بقى
:sml27:

[angelgirl]

سيرين المدرسة جميلة اوى وتلاميذك شكلهم اشقيه اوى ربنا يعينك d:
حبيب الف مبروووك على الخروج والشهادة وعقبال شهادة سنه 3 ابتدائى كدة p:
ودكتور طارق فى انتظار الاجابات بقا وبصراحة يارب تتحبس فى اوضة الفران هههههههههههههههههههههههه
مشكورة سيرين على المجهود الجميل فى المدرسة

[واد حبيب]

ايه هوه طارق جي علي رجليه ولا ايه

حد يبعتلو سياره يجي بيها

بسرعه يااااااااااااااااااه

في انتظار الكبير

الحبيب

[Lost Pearl]

ايه يا طارق فينك

النهاردة بقي الاتنين اهو و انت مش باايييين خااالص

يللا الحق نفسك و رد بدال ماتدخل اوضة الفران


و لا اقولك
عادي ماتردش هتبقي نفس النهاية :079::079:

شريرة انا صح
يللا ف انتظارك :181:

[SiLver Spectra]

معلش عالتأخير يا ميس
شوية مشاغل كدا :biggrin:

النهارده هخلص المرحلة الأولى
كان ودي اختار ثانية ثانوي بس هبقى كبير اوي عالاسئلة ,,سندوتشات و بتاع هختار 4 ابتدائي
1- مدرستك كانت قريبه عن البيت ولا بعيدة؟
بعيدة ,,في المنطقة الي جنبنا
2- كنت بتروح المدرسة ازاى بالباص ولا موترورجل؟(وسيله المواصلات)
أمي كانت بتوصلني بعربيتها و بتجيبني
كنت بعد استناها ساعة عشان تخلص مدرستها و تجيلي
3- مين اللى كان بيوديك المدرسة؟ (كنت بتروح المدرسة مع مين)
قولنا الست الوالدة عشان كنت في طريقها
4- كنت بتاخد معاك ساندوتشات ايه وانت رايح المدرسة؟
حلاوة او جبنة او شطه اي حاجة زي ما تيجي
5-ايه اكتر ساندوتشات كنت بتكره ماما تعملهالك للمدرسة؟
الجبنة الرومي مش بحبها من يومي
6- عمرك مرة جربت تاكل من ساندوتش اللى جنبك؟ ولو حصلك موقف مع السندوتشات فى المدرسة ...احكيه
لأ و الله ,,حتى ساعات كنت مش باكل سندوتشي ببقى عايز اكل الشيبسي و اشرب العصير و خلاص
فلو كنت بمد ايدي على حاجة غيري امدها على شيبسي ماشي ,,لكن مش على سندوتش:biggrin:
كان معانا عيال هابله مبزره ,,نظام يشتري علبة شمعدان مثلا عشان ياخد الصورة الي في كل بسكوتة و يرمي البسكويت (تخلف بعيد عنك :biggrin
7- ياترى كان فيه بائعين متجولين قدام باب المدرسة؟
لأ مافيش
8- تفتكر شكل شنطة المدرسة بتاعتك كان ايه؟
عادية ,, يعني افتكر مره كان على شنطتي توي ستوري بس اغلب السنين ماكنتش بجيب شنط عليها رسومات كتير ,,بحس اني طفل ,,كان بيستفزني أوي لما اشوف ولد و شنطته عليها بنات أو مقلمته أو دفتره أو اي حاجه يبقى لونها بينك كدا ,,ببقى عايز اضربه:sml39:
9-ايه اكتر حصة كنت بتحبها فى المدرسة؟وايه اكتر حصة كنت بتكرها؟
طول عمري بحب الحصص العلمية ,,يعني علوم حساب ,,و طول عمري بكره حصة العربي ,,مش بتنزلي من زوري ,,حصة مملة جدا ,,ياساتر ,,حتى الكتاب كئيب كئيب
10-ياترى انت كنت تلميذ هادى فى الفصل ولا تلميذ مشاغب وعامل ازعرينا؟
لا و الله كنت هادي
11- كان ليك اصدقاء فى المدرسة؟كام صديق؟لوتفتكر اسماء لهم قولهم؟
عبد الرحمن ,,عمر رشدي (تحسه اسم ممثل:sml39 عمر حسن خلف دهشوري هههه
معتز ,,أحمد ابراهيم
13-حصلتلك قبل كدة مشكله مع اصدقائك او حد اتفق عليك وحاول يكيفك؟طب انت حاولت تتأمر على حد قبل كدة وكنت شرير؟لوحصل دة احكى بسرعه
كانت ساعات بتجيلي حالة غلاسه كدا متخلفة
اقوم جايب صمغ و ممشيه على الترابيزه بتاعت واحد صاحبي وقت الفسحة
الي هو الصمغ الالماني دا


تيجي الحصة الواد يروح يشتكي للمدرس ,,ببقى مبسوط ماهو ماحدش يعرف مين الي عملها
ماهو مش عارف يحط ايده عالترابيزه كلها بتلزق:sml39: لا كتاب بقى و لا اي حاجه بيبقى مشلول,,بالمناسبة يعني كل طالب له ترابيزه لواحده
المهم انه بيبدلها مع اي فصل تاني فيه حد غايب
و تاني يوم اعمل فيه نفس الحركة
14- احكى موقف حصلك فى المدرسة عمرك اما تنساة (موقف مفرح – موقف محزن)
في أول يوم مدرسة ,,كنت شاري شنطة جديده من مصر بقى (بما أني كنت برا يعني)
المهم إن في اول يوم بنستلم فيه الكتب بتبقى الشنطة تقيلة جدا لأنك بتاخد كتب كتير و في منها الي بيترمي في الزبالة :biggrin:
المهم اني شايل الشنطة عشان اورح سمعت اصوات تمزق كدا (اصوات بنسمعها في افلام الاغتصاب ههههه)
المهم ببص لاقيت الكتب طالعه من الشنطة من تحت ,,الشنطة اتقطعت و اتمزقت تمزيق
و طبعا الشنطة اترمت في الزبالة مع اول لابسه
قولت توبة ان جبت شنط من مصر تاني

[fankosha]

كانت ساعات بتجيلي حالة غلاسه كدا متخلفة
اقوم جايب صمغ و ممشيه على الترابيزه بتاعت واحد صاحبي وقت الفسحة
الي هو الصمغ الالماني دا


تيجي الحصة الواد يروح يشتكي للمدرس ,,ببقى مبسوط ماهو ماحدش يعرف مين الي عملها
ماهو مش عارف يحط ايده عالترابيزه كلها بتلزق:sml39: لا كتاب بقى و لا اي حاجه بيبقى مشلول,,بالمناسبة يعني كل طالب له ترابيزه لواحده
المهم انه بيبدلها مع اي فصل تاني فيه حد غايب
و تاني يوم اعمل فيه نفس الحركة
ههههههههههه ياعينى على الواد كل يوم تعمل كدا فيه
شرير ياطارق
منور المدرسة

[Lost Pearl]

ههههههههههههههه
ايه يا طارق ده

حد يجيب شنطة من مصر
ده احنا هنا ماكناش بنجيب غير شنط مستوردة

هههههههههه
لا لا بس اجاباتك جلوة

يللا ف انتظار باقي الاجابات
تحياتي ليك )

[angelgirl]

هههههههههههههههههههههههههه ايه الشر ده كله حرام عليك يا دكتور بس اجابات خفيفة وشكلها كانت طفولة شقية اوى
فى انتظار باقى الاجابات