مدرستكوا جاية تعذبكوا (14) ->ألحان الورد

[عاشق القلوب الحزينه]

ايه الاسئله دى كلها حرام
بس الاسئله ممتعه جدا
بجد موضوع هايل سيرين
تحياتــــــــــــــــــــــــى

[I'm not here]

ههههههههههههه مووضوع يجنن
لو من التلاميذ اولع فى المدرسة واخلص :1eye::079:

[۩۩ elMagic ۩۩]

اجابات جامده جدا يا طارق
كنت شقى اهو يا عم
مواقفكـ جميله
متابعين معاك

[beauty angel]

منور ياطارق الحلقة والقسم العام ^^
واضح أن العربى كان عامل لينا كلنا أزمة
مكنتش بطيق المادة دى بردو
كنت دائما ايام الدراسة حتى فى الكلية الى ملهاش علاقة بيها
كنت بحلم أنى عندى امتحان فيها ومش عارفه أحل ولا كلمه :biggrin:

و الأجازة كمان كنت بفرحلها من يوم التلات
هههههه من يوم التلات طيب مايبقى الاسبوع كله أجازة أحسن
جووووووو اون ياطارق ربنا معاكـ وخليك فاكر
ان دخول القسم العام مش زى خروجهـ :762:

[SiLver Spectra]

معلش يا جماغة بجاوب بالتقسيط الممل
بس دي جزاة الي يدبسني في موضوع بعد كدا


المرحلة الثالثة




10 اسئله خاصة بتربيتك المستقبليه


:star:
:star:
:star:

29-بتحب مهنه التدريس ولا لاء؟ وكان نفسك فى يوم تطلع مدرس ولا كنت بتكرة المهنه دة جدا؟
و الله كنت و أنا صغير ساعات بنلعب مدرسة و كدا
و بعمل امتحانات و بمتحن العيال عشان اصحح
كنت بستمتع اوي بالتصحيح :biggrin:
أنا ممكن احب اشرح حاجات معينه
لكن كمهنة مدرس اعتقد بيكون فيها نوع من الملل و الضغط و الاعصاب

30-تفتكر ان مهنه التدريس تناسب البنات اكتر ولا الشباب؟ لو عندك طفل صغير هتفضل يدرسله مدرس ولا مدرسة؟
الأطفال الصغيرين بيفضل المدرسة
يعني البنت خلقها واسع شوية عن الراجل
لكن بعد كدا لما يكبر يعني ,,أكيد طبعا يدرسه راجل لو هو ذكر و لو نتايه يبقى مدرسة
(المدرس بيبقى دمه خفيف عن المدرسة:762
يعني مثلا أنا افتكر في الدروس و غيره كنا بنعد نهزر نستهبل و المدرس يستهبل معانا ,,اخبط في رجل زميلي و تيجي في المدرس و حركات من دي هههه ,,لو مدرسه هتبقى خنقة و مش هيبقى في الكلام دا

31-هتعطى لولادك دروس خصوصيه ولا لاء؟ لو اة هتديله فى انهى مرحله من عمرة؟
لو شايفه ضعيف في مادة معينة هديله
و اكيد في الثانوية العامة الدروس اساسي الا لو هو واثق في نفسه في مواد معينة

32-هل تؤيد الدروس الخصوصيه فى مرحله الحضانه واهى انتشرت دلوقتى جدا؟
ههههههه حضانة ازاي يعني يا سيرين!!
يعني هودي ابني لمدرسة عشان تقوله النجار بيصلح الباب و الدكتور بيعالج العيانين!!
متهيقلي بعيده شوية موضوع الحضانة دي
هيسقط مثلا في الحضانة هههههههه

33-تفتكر نظام التعليم فاشل ولا ناجح؟ ايه اهم اسباب فشله هل (المدرس – التلميذ- ولى الامر- الكتاب المدرسى – نظام التعليم نفسه؟
أسباب فشله هو المجتمع نفسه الي مش بيحترم المدرس
لو في احترام هيكون في التزام و بالتالي التعليم هيكون أفضل
إهانة التعليم تبدا بإهانة المعلم

أنا ليه كمان نظرية في التعليم ,,
هو طبعا التعليم دا مش اختراع عندنا ,,موجود هو نفسه في كل الدول بنفس المواد فيزيا و كيميا و احياء و غيره
بس خلينا في المواد الادبية الي أنا بشوفها بتشكل دماغ الإنسان اجتماعيا
بلاحظ دايما إن مثلا في امريكا بيعتمدوا على المرئيات أكتر ,,يعني بيعرضولهم افلام في الصف و غيره
و كمان ميزة عندهم و هي البساطة اللغوية
simple و أعتقد دي ميزة الإنجليزي ,,انت لما بتتعلم على البساطة ,,بتدي ابداع أكتر
لكن عندنا شوف بقى العربي و لكاعته ,,معقد جدا ,,و بالتالي دا بيأثر على ابداع العقل مستقبلا
بتتشكل عنده عقد و مفاهيم غلط و ضعف ثقة و غيره

34- عايز تربى ابنك ازاى؟ وهل هتمشى على اسس التربيه السليمة وهتجيب كتب وتقرا ولا هتربيه بالبركة؟
آه لازم اقرأله حواديت مع ان ماليش فيها:biggrin:
بس وقتها بقى هدور على كتب حواديت اقرأها عشان اعلمهاله
بتفرق مع الطفل كتير الحواديت دي ,,
مافيش حاجه اسمها بالبركة ,,انت مش اختلقت بالبركة
و لازم في اصول في التربية ,,و الحاجات دي بتظهر وقتها
و مواقف معينه بتحصل بتخليك تلقن ابنك دروس و تحذيرات و غيره بتفيده بعد كدا مستقبلا لما تشكل مبادئه صح

35- بتأيد الضرب فى التربيه؟ امتى هتضرب ابنك؟ لما تحب تعاقب ابنك هتعاقبه ازاى؟
الضرب المفطر و الرعب دا مش بيايده
بس أكيد هلجأ اليه ,,يعني لما يعصى اوامرك أو لما يتعمد يغلس (انتي عارفه بقى دماغ العيال)
لازم يكون في ردع وقتها , و أنا كمان لما بعصب ما اقولكيش ببقى ازاي:biggrin:

36- لو جالك جواب من المدرسة فصل لابنك لانه كان بيهرب من المدرسة...هتتصرف معاه ازاى؟
بيبقى فصل مثلا 3 ايام حاجة زي كدا طالما متعلق بهروب
وقتها هحرمه من حاجات بيحبها ,,يعني مصروف خروج و شوية زعيق و لوم و غيره بحيث انه مش يكررها تاني بعد كدا

37-لو مدرسة الفصل قالتلك ان ابنك بيعانى من مشكله ما ...هتحاول تسمع كلامها وتعالجة ولا هتنفضلها ومش هتهتم؟
أكيد طبعا ههتم بالمشكلة دي ,,بس حتى لو اهتميت لازم الطفل نفسه يهتم بمشكلته عشان يقدر يتغلب عليها
و هنا بتبدا العملية في اقناع الطفل بكيفية التغلب عليها
مش فكرة انك تعايره و تهزقه بالعيوب ,,زي لو هو مثلا كان طفل انعزالي أو بيضرب أو غيرها من مشاكل الاطفال ,,هو هنا بيحتاج ثقة في النفس أكتر حاجه عشان يقدر يتغلب عليها و يحس بنفسه

38-هتتصرف ازاى لو كان ابنك من النوع اللعبى ومش غاوى مذاكرة؟ وهتنصحة بإيه ؟
اللعبي تغريه باللعب
يعني مثلا لو جبت مجموع كذا هجبلك كذا
لو طلعت الأول هجبلك بلايستيشن ,,و كدا :biggrin:
بس لو مش جاب مش هجبله عشان مايحسش بإن الاغراءات مالهاش قيمة و يجتهد على أد ما يقدر

[۩۩ elMagic ۩۩]

اقتباس يعني مثلا أنا افتكر في الدروس و غيره كنا بنعد نهزر نستهبل و المدرس يستهبل معانا ,,اخبط في رجل زميلي و تيجي في المدرس و حركات من دي هههه ,,لو مدرسه هتبقى خنقة و مش هيبقى في الكلام دا

اه والله فعلا
لما يكون مدرس بيديك افضل من المدرسه
يعنى مثلا احنا كان بيدونا مدرسين
الشتايم والهزار والضرب والحصه بتتقلب
بينسوا اخلاقهم معانا :biggrin:
دا غالبا الحصه بتبقى كلها هزار وبننسى المنهج بتاعنا :762:
وهو المدرس بيكون مرن مع مجموعة الولاد بعكس البنات
والمدرسه بيبقى دمها تقيل والحصه كلها جد فى جد ومحدش يقدر يعمل اى حاجه
وبتبقى نسبه الذكاء صفر فى الميه مع المدرسه بعكس المدرس :762:

اجاباتكـ جميله جدا يا ريس
متابع معاكـ

[ماتركس]

منور يا كبير علي الاجابات وبجد كلامك عقلاني يا دكتور ومنكم نستفيد

وجاوب علي الاسئله كلها مره واحده وريحنا يا عم متخلناش

ريحين جايين علي الموضوع هههههههههه

ومنتحرمش منك ياريس منور يا كبير

[~♥ Queen sozan♥~]

لا منور يا طارق ..اجبات مميزة منكــ

بس ارحمنا ونزل الاجبات مرة وحدة هههههههه تعبت من اللف

على الاجبات ’’

[Lost Pearl]

ههههههههه
اجابات حلوة يا طارق

بس علي فكرة انت عندك حق ف حوار ان المدرس احسن من المدرسة
لأنه فعلا بيبقي عنده قدرة انه يوصل المعلومة احسن
و الدليل انه كل مدرسين ثانوية عامة المشهورين كلهم رجالة )

تسلم علي الاجابات (البطيئة) يا طارق هههههه
ف انتظار الباقي

[SiLver Spectra]

يارب يا كريم

39-تفتكر حلمك كان ايه وانت تلميذ؟ وكان نفسك تتدخل كليه ايه؟
كان نفسي العب في الشارع و الله
ماكنتش بفكر في كلية و لا دراسة و لا ابقى ايه
كل دماغي الاجازة هتيجي امتى بتاعت الاسبوع و اجازة الصيف فاضل عليها اد ايه عشان اسافر مصر
في ناس بقى توهم نفسها بصيدلة و بتاع و في الاخر مش تدخلها و تتعقد:biggrin:

40-هواياتك كانت ايه وانت صغير؟ وياترى مدرستك كانت بتنمى عندك هواياتك دة ولا كانت بتقتلها؟هل المدرسة قتلت جواك هوايه كنت بتحبها؟
أنا كنت بحب ارسم
بس اعتقد المدرسة مش بتنمي هوايات ,,آه كان في حصة رسم بس أنا مش كنت برسم لوحات
كنت برسم حاجات عشان اقصها و العب بيها:762:
بس برضو كنت بحب حصة الرسم

41-اكتر مادة دراسيه كنت بتحبها فى جميع مراحل حياتك الدراسيه؟واكتر مادة كنت بتكرها؟
في مراحل كتير ,,تانية ابتدائي - رابعة ابتدائي
كل الاعدادي
تانية ثانوي
اعتقد دول افضل سنين عندي من حيث الذكرى
المادة الي بكرها دايما العربي
عامة مش بحب الأدب و الشعر ,,بحسه شعارات و كلام متفخم عالفاضي ,,بحب الكلام الي موزون مش مبالغ فيه :biggrin:

42-ياترى فى مدرس كان السبب انك تكره مادة معينه ...كرهك فيها ازاى؟ ولو فيه مدرس حببك فى مادة معينه قول حببك فيها ازاى وانهى مادة؟
و الله كنت بحب المواد العلمية ,,المدرسين بتوعها دايما بيكونوا مفرفشين كدا مش زي العربي ,,تحس بأم الكئابة و الملل و النمطية
يعني مثلا استاذ جيلي بتاع الفيزيا دا ,,كنت طول حصته بضحك على شكله و بيطردني برا ,,بالذات لما يمسح السبورة كأنه بيمسح سيارة ههههه
يقولي تعالى هنا يلا ,,بتضحك على ايه ,,بتتفرج على مسرحية انت:biggrin:
41-لو انت كنت وزير التربيه والتعليم...ايه هى خططك فى التعليم فى كل المراحل من الحضانه للثانوى العام؟ نفسك ايه اللى يتغير فى التعليم دلوقتى؟
هما برا بيخلوا في مواد كتير خيارية
يعني تحب تدرس كذا و لا كذا ,,و دا من بدري مش بس في ثانوية عامة
اصلا مافيش حاجه اسمها ثانوية عامة ,,الكليات بفلوس كلها ,,بس اكيد في حد ادنى للمواد للقبول في الكليات
فاعتقد التخيير افضل من الاجبار

42-شايف ان كتب الدراسة مفيدة وانت استفدت منها فعلا ولاكانت كتب عقيمه جدا ؟؟
مش كلها كانت مش مفيدة ,,لإي كتب مفيدة
يعني شخصيا الدراسات و الخرايط كنت بحبها
كان في اطلس خرايط في اخر كتاب اعدادي كنت بحب اشوف على طول و احفظ دول العالم:biggrin:
في حاجات عن الفلك برضو كنت بحبها و غيره
و في حاجات بتفيدك بشكل غير مباشر ,,بتشكل عقلك
حتى العربي الي كنت بكرهه اكيد كان مهم برضو

34-تخيل مدرسة بفصولها ومدرسنها وانت صاحبها (هيكون عندك كام فصل – كل فصل هتخلى جواة كام تلميذ – هتقسم اليوم الدراسى ازاى وهتحط كام حصة – هتخلى فى المدرسة وسائل ترفيه زى ايه) عايزاك تعيش وتتخيل حتى لو خرجت عن الواقع ...قول تحلم وتتمنى يكون شكل المدارس ازاى؟
الحاجات دي بتكون خارجة ارادة المدير حتى ,,حسب ميزانية التعليم
بس لو الميزانية كمان في ايدي
فطبعا كل فصل مش يزيد عن عشرين و كحد اقصى تلاتين
وسائل الترفيه هتكون زي الملاعب ,,و في الدراسة يكون في مواد مرئية
الرحلات مهمة و بتدخل في ذكرى عقل الطالب مدى حياته

44- فى رايك ايه اهم الاجراءات اللازمة من اجل الوقايه من انفلونزا الخناير فى المدرسة؟
بصي انا شايف ان انفلونزا الخنازير دي موجوده طول عمرها ,,بس الضجة الاعلامية كلها اتعملت عشان صنفوا النوع دا من الانفلونزا ,,يعني الاحصائيات بتقولك ان الانفلونزا كل سنة بتقتل رقم كبير من الناس بيعدي المليون على مستوى العالم
بس طبعا الضجة الاعلامية الي حصلت على تصنيف الخنازير جت لصالح شركات الادوية الي جنت مليارات من حكومات دول العالم من التطعيمات
و دليل كلامي ان فجأة الحديث عن انفلونزا الخنازير اختفى ,,دا مش عشانها اختفت بس عشان الضجة بتاعتها راحت عليها
انت ممكن تجيلك انفلونزا من صنف الخنازير دا و مش تاخد بالك و عادي تتعالج منها من غير عقارات زي الانفلونزا العادية

45- لو كان عندك ابن هتوديه المدرسة ولا هتخاف عليه من انفلونزا الخنازير؟....قول اة او لاء مع ذكر السبب
هوديه طبعا
لازم يطحن في الحياة:biggrin:

46- ايه رايك فى المصل الواقى ضد انفلونزا الخنازير اللى وزارة الصحة بتديه؟انت مع المصل دة وهتروح تاخدة ولا لاء....مع ذكر السبب
اه عادي اخده و مش ناخده ليه!!
سيبك انتي من الاشاعات
بس عامة خلاص هي كانت جو كدا و راح:biggrin:
انا اصلا الحمد لله جسمي عنه مناعة جاهزة ضد الانفلونزا ,,عشان بتجيلي حساسية اصلا:762:
يعني جهاز المناعة شغال مع نفسه ,,بس ساعات بتجيلي كدا كل سنتين و لا حاجه
47- هل انت متابع لاحصائيات انتشار مرض انفلونزا الخنازير فى المدارس ولا لاء؟ لو متابع قول اخر احصائيه عرفتها
من سنتين و نص تقريبا كنا متابعين
دلوقتي خلاص مافيش اهتمام

48-لو انت كنت وزير الصحة ...ايه خططك تجاة المدرسة لحل مشكله انفلونزا الخنازيروالتقليل من تعرض التلاميذ للمرض؟
بتدي تطاعيم ,,بس دا بيعتمد على موازنة الوزارة برضو
اعتقد الايام دي مافيش فلوس للحاجات دي:biggrin:

49-فى النهايه عايزة اسالك ايه رايك فى المدرسة وعجبتك ولا لاء؟ وايه شعورك وانت بتجاوب الاسئله؟
زي الفل

50-نفسك ترجع تانى المدرسة ونسالك ولا مصدقت وعايز تقول يافكككككككيك؟
فكيييييك ههههه

:star:
:star:
:star:

أخيرااااااااااااا
لسه برضو!!
يا باااااي:biggrin:

:star:
:star:
:star:

سيب اى ذكرى للمدرسة (صورة اى حاجة كذكرى وياريت لو تقدرتكتبعليها اسمك بأى برنامج ولو مش عارف خلاص)؟؟
عندي دروع كتير
بس حاليا مش في البيت لو كنت في البيت كنت صورت
اعتقد صورتهم قبل كدا في موضوع مش فاكره

ايه اكتر مرحلة وانت بتجاوبيها فى المدرسة كانت اسئلتها ممتعه بالنسبالك ؟
المرحلة التانية

ايه اكتر مرحلة حسيتى ان اسئلتها صعبه او مش حباها وانت بتجاوبيها ؟؟
الرابعه ,,كلها انفلونزا خنازير ,,حسيت اننا رجعنا ل2009
ايه رايك فى فكرة المدرسة والاسئله بالنسبالك كانت ممتعه ولا حسيتى بزهق منها ؟؟
فكرة حلوة بس الاسئلة كتيره جدا
عايزه واحد يجاوبهم مره واحده و يخلص
مش بالتقسيط زي كدا
حتى و أنا بجاوب الجزء الاخير دا السباك جه:762: