انت/ي مسلم ولا مسيحي

[روح صامتة]

ممممممم السؤال عادي بس مشكلته انه بيتاخد بنزعة من التشدد والاحتقان
لان احنا محاطين بدا من كل مكان
المهم انه المفروض ما نفرقش بين مسلم ومسيحي
انت في البطاقة بيكون فيه معلومات عنك
اعتقد دي بردو مفيهاش مشكلة لان لازم يكون في خلفية عنك في بطاقتك يعني
المهم ان احداث الفتنة في مصر مش بتاثر على علاقتي باصحابي المسيحيين
واحنا عارفين ان كل الي بيحصل دا فتنة وبلبلة ع الفاضي
ربنا يوفق الجميع ان شاء الله
ارق تحياتي شكرا ع الطرح الموفق

[اسكندريلا]

مش عارف الكلام ده مش بسمعه الا على التلفزيون او اقرئه بالجرايد
ما احنا عايشين اهو الباب فى الباب والكنيسه فى وش الجامع ومافيش اى كلام من ده
الحى عندنا نصفه تقريبا مسحيين عمرى مدخلت سئلت فى محل قبل مشترى انت مسلم ولا مسيحى
كل حد فينا بيقول نفس الكلام تقريبا يبقى الكلام ده جاى منيين؟
اكيد اقليه بالظبط زى ما فى مننا متشددين بيشوفى ان فى مسلميين مش ملتزميين وبرضوا بيعملوهم بحساسيه
بلاش نحكم على الاغلبيه ونظلمهم
ومن الاخر كل القلل اللى حاصل كلها ليها علاقه بالسياسه والمصالح
لان المبداء اللى سارى من زمان هو فرق تسد
مكن فى ناس بتسئل السؤال ده دلوقتى اكتر من الاول لحساسيه الوضع ويمكن اغلبيته بيسئله علشان نراعى مشاعر اخوتنا الاقباط وبعد منسئل السؤال نبتتدى نعزيهم ونحسسهم انهم و احنا نسيج واحد


شكرا على الموضوع

[مؤمن السوهاجى]

موضوع رائع جدا

انا بصراحه عادى يعنى مش فارقه معى كتير

انا جيراى مسحيين وما فيش احسن من كدا ناس

بيشاركونا وبنشاركهم فى الفرح والكره وكل حاجه مع بعض ايد بايد

يعنى مافيش فى دماغنا انهم مسحيين

وربنا سبحانه وتعالى بيقول لكم دينكم وليا دين

تحياتى

[(طائر الشرق)]

كبرياء رجل

المحترم والراقى

لن تخلو الحياة من الهموم

لأننا لم نولد ملائكة ولن يصبح الجميع

بين يوم وليله شياطين ولكن هى الحياة بكل ما فيها

منذ البداية وحتى النهاية للأسف الشديد الكثير أصبح

يملك من الفراغ الكثير والكثير وأصبحنا نتفنن فى كيف

نصل لطرف حوار كيف نبحث وننقب عن عيوب الاخرين

والبحث عن الأفضل مع اننا نسير فى الاتجاه المعاكس نعم

لاننا أصبحنا بعيدين تمامآ عن الدين أصبحنا نتحدث بأسم الدين

فى أشياء كثيرة والدين بريئ منها ونحن نتخبط كسكران يسير فى

طريق مظلم فلا هو يتحدث كلام مفهوم ولا هو يرى يشئ أنها حكمة

الله فى خلق الكون لو أراد لخلق البشر كلهم يهود ولو أراد لخلقهم

أجمعين مسلمين أو أقباط دينى وأعتزازى بأسلامى يامرنى أن أكون كيس

فطن قلبى مليئ بالرحمة كما كان يفعل رسولى الكريم كلنا بشر لنا نفس

القلب والعقل والمشاعر والأحاسيس والعيون التى نرى بها والاذن التى نسمع

بها لى عليك حقوق لأننا أدمين ولك على كذالك أما الدين فبينى وبين ربى

----------------

صديقى العزيز لابد من الدموع حتى نشعر بقيمة الأبتسامه ولن تدوم الشمس غائبه

لابد من الشروق مع الافراح

دعواتى لشخصك الراقى وللجميع بالسعادة العامره

عصام

[كبرياء رجل]

اقتباس المشاركة الأصلية كتبت بواسطة ندى الجورى موضوع راائع جدا و مهم و فعلا ده بيحصل كتير بس انا اعرف ناس مسلمين دخلوا الكنيسه مع اصحابهم و فى مسلمين بيصاحبوا مسيحين لحد اللى حصل لان اكيد بعد اللى حصل بينا محدش فينا بيطيق بس سيرة التانى بشكرك خى الكريم على موضوعك القيم

'طبعا عادي اكيد
والدليل ان انا ليا اصحاب كتير بالنتدى
ولا ايه
اسعدني مرورك
تحياتي لكي

[كبرياء رجل]

اقتباس المشاركة الأصلية كتبت بواسطة kenzy sweet فعلا دا موضوع ف غاية الاهميه ليه ال بيحصل ده وليه بقينا كده زمان مكنش فيه كده كانوا اخوات وبيكلوا وبشربوا مع بعض واصحاب وجيران وبيحبوا بعض ويخافوا ع بعض ومحدش كان بيسأل السؤال المعتاد دلوقتى انت مسلم ولا مسيحى بجد ال احنا فيه ده شئ مؤسف جدا وانا من رأى ان مش لازم البطاقه يتكتب فيها ديانه لأننا كلنا مصريين فقط واعتقد ان الرأى ده هايحل مشاكل كتير وبقدم خالص التعازى لاخوتنا ال ماتوا ف ماسبيروا بجد اجمد موضوع وتسلم عليه بجد وياريت الموضوع يتثبت

اشكرك لمرورك العطر
وبالفعل ممكن بيبقى جهل وعدم وعي
وان لو كل واحد مشي على دينه كويس
عمره ما هيكره حد
اشكرك لمرورك الجميل
تحياتي لكي

[كبرياء رجل]

اقتباس المشاركة الأصلية كتبت بواسطة حياتي ذكريات على فكرة السؤآل دآ بدأ يتسأل من اول خيط لإشعآل الفتنة قبل كده لمآ كنآ نصآحب مسيحين ومآله دولوقتي لو مسلم صآحب مسيحي .. بقينآ نقول ازآي دآ غير ديآنتك !! انآ ليآ كتير أصحآب مسيحيآت ولحد دولوقتي وجآرتنآ مسيحية محترمة جدآ ولآزق في بيت جآرتنآ من نآحيتهآ مسجد واديلهآ سنين بالشكل دآ .. وبتيجي تعيد علينآ فـ اعيآدنآ وعلآقتنآ جدآ حلوة مش بتفرق معآنآ ديآنتهم ايه لأننآ اسآسآ مش بنتكلم فـ النقطة دي كتير كل وآحده فينآ ليهآ ديآنتهآ وهي مقتنعه بيهآ بس دآ مآ يمنعش اني اتعآمل معآهم ويكون فيه بينآ موده رسولنآ كآن جآره يهودي وبيعآمله بإحترآم احنآ عآيشين كلنآ فـ مجتمع وآحد وخآنة جنسيتنآ وآحده وعلينآ اننآ نعآمل الجميع بمحبة بإحترآم سوآء من ديآنتك او لأ شكرآ على الموضوع خآلص تقديري

الموضوع طرح بطريفه هادئه للنقاش وليس لاشعال فتنه
والدليل ردود بعض الاعضاء في الموضوع
يمكن على فكره من موضوعي الكثير ميعرفش انا مسيحي او مسلم
لعدم تحيزي لطرف معين
لكن بتكلم كانسان مصري يحب لبلده الخير
ولكن طرحت الموضوع ان فعلا العاده دي موجوده
طب ليه
اشكرك لمرورك دمتي بخير

[كبرياء رجل]

اقتباس المشاركة الأصلية كتبت بواسطة عذب المشاعر اخى مين قال ان كل الناس بتفكر بنفس الاسلوب وبنفس طرح كلامك احنا بنحترم ديانة المسيحيه ومفيش حاجه اسمها مسيحى او مسلم فى مصر كلنا ايد واحده يمكن كل واحد فينا او فيكم بيحاول يخد موقف من التانى من زمان اوى معظم المصريين سواء مسلمين او مسيحيين فى ود بينهم واحترام الاسلام امر بالمعامله الحسنه حتى لومش مسلم بس البعض هو اللى غير مفهوم الصحيح للمعامله وده قاصد فتن يبقى مينفعش الشمول انتم جيرانا وفيكم اصحابنا وليكم حقوقكم زى مالنا حقوق بالظبط هو ده الكلام المعقول والمنطقى تاكدو ان معظمنا بيرفض المعامله دى وبنحاول نرجع الثقه تانى فى ايد خفيه دخلت فى زرع التفرقه بين المسلمين والمسيحين مفيش حاجه اسمها تفرقه الا فى الدين والعمل وده مفيش غير ربنا اللى هيحاسب عليه مالناش تدخل فيه واى معامله تفرقه مرفوضه ان شاء الله تهدى الامور وينصلح حال البلد وترجع زى ماكانت مصر مسلم ومسيحى ايد واحده انا عايزه اقول لو المسيحى فى ازمه المسلم بحق حقوق الانسان هيساعده فى محنته

اولا اهلا بيكي
ثانيا انا مقولتش الكل انا قولت الاغلبيه
وفي كلامي مفيش اي تحيز لطرف معين
والدليل انا كل اللي ردوا في الموضوع معرفوش انا مسيحس ولا مسلم
انا بتكلم كمصري
والعاده موجوده ومحدش يقدر ينكرها
الموضوع طرح ليه في فئه معينه من الناس سواء من هنا او هناك
تعمل تفرقه
ده منظوم الموضوع وطريقه طرحه
وكلنا اخوه واخوات
دمتي بخير
اتمني ان اكون مضوعي وصل بطريقه ابسط
دكتي بخير
تحياتي لكي

[كبرياء رجل]

اقتباس المشاركة الأصلية كتبت بواسطة رنين على فكره احيانا بيكون السؤال مجرد حب استطلاع يعنى مش بيكون مقصود بيه حاجه احنا لازم نعترف يا كبرياء ان زى ما فى مسلم فيه مسيحى بس هنا مش عشان حاجه لانها ديانات وكل واحد بيعتز بديانته بس ده مش يمنع كون فى صداقه وعشره بينهم كلنا عباد الله ومش احنا ال نحدد ده دين يعنى علاقه بين المرء وربه هو ال هيختار وهو ال هيتحاسب عليه وفعلا فى صداقات بتكون جميله بين الاتنين انا لما رحت الجامعه اتعاملت مع بنات مش محجبات من غير ما اعرف هى مسلمه ولا لا يلا ربنا يصلح الاحوال بس صدقنى طول ما احنا بنتكلم ف الموضوع كتير هنشغل بعض بيه بس لو دعنا الخلق للخالق وسبنا الكل يتعامل بطبيعته هتلاقى الكل فعلا اخوات

فعلا كلامك عين العقل
اتمنى ان الكل تصله الفكره كما وصلت اليكي
اشكرك رنين لمرورك وردك الرائع
دمتي بخير تحياتي لكي

[كبرياء رجل]

اقتباس المشاركة الأصلية كتبت بواسطة الإسلامبولي ربنا يكرمك أخي الغالي سؤال جميل ونهاية أجمل كلنا مصريين ولدنا بمصر ونموت فيها كلنا يهمنا تواجدها ويحزنا حزنها ونسأل الله أن تكون غُمة زائلة كل الفتن ...ربنا يصلح بلدنا يا رب شكرا ً لموضوع الراقي جدا ً

اشكرك لمرورك الراقي جدا اخي الخلوق
وفعلا كلنا واحد من غير تفرقه
ةده اللي في قلبى
وقلوب معظم المصريين
دمت بود الاخوه تحياتي لك