السلفية

[SiLver Spectra]

اقتباس انت بقى دورك كمسلم تدور مين فيهم بيتبع الكتاب والسنة الصحيحة ؟

و دا الي قولناه فعلا في الموضوع السابق
أنا ضد اني آخد الفكر بشكل جامد بكل فتاويه بسلطاته بأحكامه
أنا مع اقتناء الأصلح و الأنفع
و نقطة أخيرة
ذكرك ان الدليل لازم يكون من القرآن و السنة و النقل
لازم نفرق بين الكتاب و السنة و بين النقل
لأن النقل بيكون فيه اجتهاد بشري وارد فيه الخطا و لو بنسبة 1%
يبقى انت دليلك ممكن يكون كتاب و سنة و نقل
و ممكن يكون كتاب و سنة و عقل
أنا ممكن اعتراضي دايما بيكون في تهميش اعمال العقل و الخوف منه
مع ان اعمال العقل دا المفروض يكون مصدر قوتك لأن الاسلام عمره ماكان ضد اعمال العقل
لكن تسفيه اعمال العقل بانه ممكن يشكك في كل حاجه هو المشكلة
مع ان المذاهب الاربعه كان فيها اعمال عقل بنسبة كبيرة و تفسير ثوابت كمان بالعقل و المنطق لتدعيم المقصد منها

و مش عايز أطيل أكثر من كدا
و شكرا لنقاشك و احترامك ,,

[نقوش على صفحات الورد]

اولا
بكرر كل احترامي لحضرتك
واسمح لي بمداخله تانيه
مش الاخوه ( جماعة الاخوان المسلمين )
واعتقد فيهم شيوخ كبار بردوا وناس موقرين
هما هما الاخوه اللي أفتوا بشرعية تعديل دستور أصلا سقط بسقوط رئيسوا وحكومتوا ؟
ومش هما هما بردوا حضرتك اللي كانوا في وقت من الأوقات بيبيحوا قتل النفس التي حرم الله قتلها الا بالحق ؟
ومش هما هما بردوا اللي دلوقتي بيتنافسوا في صراع غريب جدا على مقاعد البرلمان ؟
ومش هما هما بردوا حضرتوا اللي عملوا خلط غريب ما بين الدين والسياسه برغم ان دا له عواملوا ودا لو عواملوا
ومش هما هما بردوا اللي ركبوا على الثوره ونسبوا نجاح الثوره ليهم في حين ان شباب مصر اصحاب الثوره اصلا ؟
ومش هما هما دول بردوا جزء من المفروض يكونوا عليه وهو الوعظ والارشاد بالتي هي احسن في حين انهم وزي ما قلت بيفتوا على هواهم وبس ؟
ومش هما هما بردوا جماعة الاخوان المسلمين اللي حرموا النت سابقا وقالوا مضيعه للوقت وبقدرة قادر دلوقتي بقى ليهم صفحات على النت في تحول غريب وغير مفهوم لشيئ حرموا ورجعوا حللوه ؟
ومش هما هما بردوا اللي جزء من الشيوخ وغيروا ؟
انا مش بقول من دماغي
لا حضرتك
انا بتكلم من صلب مواقف واحداث فوق الارض
ولو عملنا فعلا حسبه بسيطه
تتكون من
كتاب الله وسنة رسوله العظيم
مش هنحتاج تعب
بس نعمل بيهم
بعتذر للاطاله
خالص ودي وعميق احترامي

[وضاح نجد]

اسأل الله الثبات على كتاب الله وسنة نبيه صلى عليه وسلم وأل بيته وصحبه اجمعين

ويرزقنا وياك واخوتي فهم القرأن واتباع المصطفى الحبيب صلى الله عليه وسلم

حفظك الله اخي

[game010]

شكراً على التوبيك المميز ده
واللهم سبتنا على دينك
لا اله الا الله محمد رسول الله

[الداعي إلى الله]

نقوش على صفحات الورد

منور التوبيك مرة تانية


بس مش عارف حضرتك دخلت جماعة الإخوان المسلمين في الموضوع والموضوع بعيد تماما عن الجماعة

ياريت تعيد الرد لان ردك خطأ


وكل كلامك مردود بس هوه مش في السياق بتاعه ولا في الموضوع الخاص بيه

لاني مش تابع للاخوان ولست اهلا لان ارد عنهم

هم اخوه مسلمون لهم ما لهم وعليهم ما عليهم

وهم يدافعو عن انفسهم خيرا مني

كل كلامك انا اقدر ارده بس لو كان الموضوع خاص بالاخوان

[الداعي إلى الله]

اخ نقوش على صفحات الورد رد تاني لو حضرتك بتقول على السلفيين بقى لان معظم اتهماتك موجهه للسلفيين برده

اولا معظم اتهماتك موجهه لجماعة السلفيين وليست المنهج

وانا فرقتلك بين الجماعة والمنهج فياريت منرجعش للنقطة دي


مسألة شرعية تعديل الدستور هيه بعيدة عن موضوعنا تماما ....... بس مع كامل احترامي لحضرتك ده الطبيعي انتخبات مجلس شعب يختار منهم الشعب من يضع الدستور ثم يوضع الدستور .... وده الطبيعي في اي ثورة


اما قتل النفس التي حرم الله فلو حضرتك تقصد مثلا زي عملية اغتيال السادات الى مسأوله عنها جماعة الجهاد وهي ليست سلفيه هي تابة لمنهج التكفير والاستحلال ودول اكبر اعداء السلفيين

ولو حضرتك علمت احنا كنا بنسجن كسلفيين مع جماعات التكفير والهجرة لتعديل منهجهم


احنا مبنسقطش الكفر على اي حد ولا بنستحل دمه

وده قول ابن تيمية الى لم يكفر الشيعة وقال : لو قولت بمثل ما قلتم فقد كفرت ولكني لا اكفركم لجهلكم



صراع مقاعد البرلمان انا شوفت اكتر من تصريح ليه ان كل منهم يحترم الاخر

والصراع ملوش مانع همه العلمانيين مبيتصرعوش عل البرلمان قبل ظهور الإسلاميين مفي دول العلمانية بيتصارعو على البرلمان عادي ؟

ايه العيب همه دبحو بعض ؟؟؟؟

تحريم النت ده معرفش الاخوان حرموه ولا ايه الله اعلم بس انا واثق ان معلوماتك ناقصة في المسألة دي او انت فهمتها غلط


كلام بيفتو على هواهم وبس ده اتهام غير صحيح وقولتلك انت مبتشوفش الافتائات كاملة عشان تشوف الادلة اكيد بتشوفها من اليوتيوب مقصوصة عشان كده قولت كده


واخيرا كلامك كله انا رديت عليه لمجرد اني اعرفك اني عندي رد بس كلامك ليس له علاقة بالموضوع انا بتكلم عن منهج ديني اولا واخرا وليس شيوخ باعينهم ولا جماعة

[الداعي إلى الله]

silver

منور التوبيك تاني وردا على حضرتك

النقل ليس كله سليم ده اكيد بس في حاجة اسمها اجماع صحابة ونقل عن فهم الصحابة

ده السليم

يعني ميبقاش الاولين فهمو العقيدة على انها كذا واحنا نفهمها على انها كذا على فهم مكنش موجود من قبل لان ربنا زي مقولتلك امرنا اننا نفهم الدين زي فهمهم

فاي فهم مخالف ليهم هوه غلط

لكن رأي صحابي واحد يحتمل الخطأب وبيبقى اسمه حديث موقوف


ده اول نقطة

ثانيا الأئمة الاربعة اجتهدو بالعقل في حدود النقل

يعني كانو بيجمعو النقل ويجمعو بين اراء الصحابة و و

واخر ما يلجأو إليه العقل

انا مقولتش نلغي العقل

انا قولت النقل قبل العقل

يعني ننقل الاول الرأي السليم والفهم الصحيح وبعدين في إطاره نبدأ نشتغل ونشرح ونشغل العقل ونجمع بين الأراء و و

[SiLver Spectra]

فكرة انك تنقل قبل عقلك دي فيها تشبيه بان النقل بينافي العقل
اذا كان النقل لا ينافي العقل و المنطق يبقى ليه تقدم حاجه عن التانية!!
المفروض النقل و العقل مافيش حاجه تتقدم عن التانية طالما وجد نسبة خطا في النقل
حتى لو أجمع البشر جميعا فقد يكون الخطأ بنسبة 1% زي ما ذكرت

دينك منطقي ما تخافش ,,أو بالاصح مايتخافش عليه من العقل لأنه في الاصل مبني على العقل

[الداعي إلى الله]

لالالالالالالالالالالا ابدا

مش معناها ان العقل ينافي النقل ابدا

معناها ان العقل ممكن يختلف او يتصور حجات غير منصوصة

لكن النقل بيحدده

يعني عقلي وعقلك بيختلفو

لكن لو رجعنا للنقل هنلاقيه بيرجح عقل واحد فينا فهوه ده الصحيح فهمت

زي مديتك مثال الاسماء والصفات

والى بيقولو ان ربنا لم يستوي و و

طب احنا عندنا احاديث وادلة من الكتاب تدل على ان الله استوى إلى السماء

فبيقولو بعقلهم ان ده تشبيه لربنا وليس المقصود بيه الجذم بان ربنا استوى إلى السماء


ده تصور عقلي بحت ولكن يخالف النقل

احنا بنقول الله اعلم ممكن يكون حقيقي تشبيه ممكن يقول لاء لكن مينفعش تقول ان ربنا مستواش لان الدليل بيقول ان ربنا استوى إلى السماء فلو كان استوى فعلا فده القول الصحيح وإن لم يكن وكان تشبيه فاحنا هنفضل ننطق بالتشبية لحد منعلم الحقيقة في الممات

لكن منشغلش العقل في علم الغيب ونقدمه على النقل


وقياس على كده كذا مسألة

لان اهمال النقل بيؤدي لظهور البدع


ولو ان العقل ضروري في كل شيء لكان مع من كفر وامن ان المسيح صلب كان معه حق لانه اعمل عقله واهمل نقله

[الروح أرق من الندى]

السلام عليكم ورحمه الله وبركاته

اخي الفاضل اعتقد بعد المصادمات التي حدثت في موضوع (( أنتم سلفيين رغم أنوفكم ؟))

لا اجد المبرر لهذا الموضوع اتمني ان ترد علي لماذا قمت بكتابه هذا الموضوع؟؟

وكيف تقوم بكتابه موضوع وهناك مواضيع مشابه له لم تقم بقراتها؟؟ هذا كلامك

أولا انا قرأت في المنتدى كذا موضوع خاص بالسلفية للأسف مقرأتهوش كامل ولا واحد فيهم بس حبيت ارد بعض الردود فقط لا غير



اولا : الاخ كاتب موضوع انتم سلفيين رغم انوفكم أخطأ خطأ شديد لان لو كان كل المسلمون سلفيون لما كان هناك حاجة لتلك التسمية وكنا نسمى مسلمون فقط لا غير


كيف تعرف بانه اخطأ ؟؟؟ وذلك فقط لعنوان الموضوع اليس كذلك.. انا لاانكر الخطا الذي حدث

من صاحب الموضوع لاختياره هذا العنوان ذلك الي جانب عدم تمكنه من ايصال فكره معينه

بسبب عدم تقبله للرأي الاخر ولكن ايضا الرأي الاخر جاء بنوع من الاستهزاء والسخريه

فلذلك كان يجب ان يتم غلق الموضوع بسبب ماحدث...

واعتقد ليس من حق حضرتك انك توجه كلام عن موضوع لشخص لن يستطيع الرد عليك وذلك لانه

موقوف من قبل الاداره ..

بالنسبه بقي لموضوع حضرتك

احب ان اقول لك

انا مسلمه اشهد ان لا اله الا الله وان محمدا عبده ورسوله

نحن نعلم جيدا افكار الفكر السلفي والاخواني والشيعي والصوفي

كل تلك الافكار تحترم ولكن اعتقد انها تشتيت لعقولنا ..