انت مع ذاتك

[طمطم]

ماهي نقطة ضعفك ؟

نقطة ضعفى الوحيدة هى مامتى

-اذا واجهت مشكلة هل تحب آن يشاركك احد بحلهآ أم تعتمد على نفسك ؟
لا كتير اوى بعتمد ع نفسى وده لانى مش بحب اظهر ضعيفة قدام اى حد
-ماهي اصعب كلمة ممكن آن تقولهآ لـ أي شخص ؟
كلمه بكرهك كلمة صعبة اوووى بجد
-ماذا تعني لك مثل هذه العبارات ( فاشل..ناجح ..طموح..قوي..)؟
فاشل: محدش بيتخلق ناجح والفاشل ده اكيد ف ظروف هى اللى وصلتله لكده ومش من حق اى حد ان يقولها لحد تانى حتى ولو كان عنده حق فيها
ناجح:اكيد كلنا بنتمنى الكلمة دى
طموح :احلى صفة ممكن تكون ف اى حد وده طريق النجاح
قوى :احيانا بتكون وحشة يعنى لو القوة دى ف الحق اكيد بتبقى كلمة حلوة اوى "المؤمن القوى خير من المؤمن الضعيف"
-ماهو الشيء الذي يطاردك في كل مكان وانت تهرب منه ؟
الاحباط
-متى تشعر بانك محبط ؟
لما ببذل مجهود كبير جدا ف حاجة وبعدين مش الاقى النتيجة اللى انا عايزاها
-هل تمنيت الموت يومآ ولمآذآ ؟
اه وده كان يوم وفاة -بابا الله يرحمه-
-ماهي الطريقة التي تعبر فيها عن غضبك ؟
بدخل اوضتى وافضل اصوت :biggrin:لحد ما احس ان كل الغضب اللى جوايا طلع
-ماهو دافعك في الحياة ؟
ان ربنا يكرمنى وادخل كليه الهندسة
-عبارة تفاؤل دائما ترددها ؟
طنش تعش تنتعش:biggrin:
-متى تكذب ؟
عمرى ما كدبت ودى اكتر صفة بكرهــــــــــها ف حياتى
-ماهو شعارك في الحياة ؟
محدش بيحقق الصعب بسهولة
-حكمة تتاخذها شعارآ بالحياة ؟
كما تدين تدان
-انت قوي- اذآً ( من الشخص الذي تضعف امامه ) ؟
مفيش اى حد بضعف قدامه
-ماذا علمتك الحياة ؟
ان مفيش اى حاجة بتستمر سواء حلوة او وحشة
-ما لون كل من : الامل ، السعادة ، الحزن ، التفاؤل ، ؟
الامل: سماوى
السعادة : ابيض
الحزن :رمادى
التفاؤل: احمر
-شيء لايعجبك بنفسك وحآب تغيره ؟
العند صفة مش حلوة ابدا ساعات بتفيد بس غالبا بتضر
-هروب الكلمات من مخيلتك عندما تكون في أمس الحاجة لها كيف تعالجه ؟
باستعيذ بالله من الشيطان وبقرا ايه الكرسى
-تؤمن بلبس الاقنعه لتتكيف مع الحياة من جميع النواحى ؟
مستحيل حتى ولو اضطريت انى مش اتعامل مع الناس كلها
بس مش هكدب عليهم
-هل فشلت في تحقيق شيء مهم في حياتك؟
لا الحمد لله
هل انت راضى عن ذاتك؟؟
الى حد كبير الحمد لله
ماهى اهدافك فى الحياة؟؟
انى احقق كل اللى بحلم بيه
كيف تخطط لمستقبك؟؟
اخطط بما انى مهندسة مستقبلا - بصراحة انا بخطط دلوقتى انى اخلص الثانوية العامة بمجموع كويس ان شاء الله وبعد كده ربنا يسهل

ماهى ميولك القرائية( الكتب الدنية,الثقافبة,الرومانسية,الخيالية.كتب التنمية الذاتية,ام لا تقرأ)؟
اكتر حاجةخياليةورومانسية
ي رب تكون الحلقة عجبتكم

[popoflop]

والله موضوع كتيرممتاز وشيق كل هذا الكلام لابد من تطبيقة على الواقع
على العموم شكرا كتير لصاحب الموضوع المميز ونتمنى المزيد

[اهلاويه موت]

ضيفه جميله اوووووى
تسلم الايادى مجهودك جميل

[PrinCesS Gege]

موضوع جميل تسلم ايدك

وضيفة لذيذة وردودها حلوه

تحياتى