انت مع ذاتك

[تصدق نسيت]

اقتباس المشاركة الأصلية كتبت بواسطة مشتاقه للجنه فكره جميله يا محمد وخاصه ان الاسئله بتتعمق داخل الانسان موفق

تسلمى اختى الغاليه
ومنتظرينك قريبا مع استضافتنا
خالص ودى

[تصدق نسيت]

اقتباس المشاركة الأصلية كتبت بواسطة غزاوية وافتخر بجد اخويا كينج نوووووور اللاضااافه واجابات كلها صريحه وربنا يوفئوا انشااااالله.. وتسلم جنراااااااال علي مجهووووووودك المميز.. بانتظار ضيف اخر انشالله

اكيد طبعا اختى
فمعنا ماتركس لقب على مسمى كما قولتى كينج المنتدى
وتسلمعى يا رب على المتابعه الدائمه وبانتظاره اكيد

[تصدق نسيت]

معنا بانتظار حلقتنا واستضافتنا
للعضو المميز والغالى
ماتركس

[ساحر الأحزان]

جميل الموضوع اخى محمد


واسئلة جميلة جدا منك

وفى انتظار اول الضيوف

بالتوفيق لك

تحياتى

[تصدق نسيت]

عودنا لنا معكم
وبعد تاخر ضفنا الكريم ماتركس سوف نأجل حلقتنا معه
وسنعرض لكم حلقه جديده ومميزه
مع ضيفه معروفه بتواجد الدائم وتميزها واسلوبها الراقى بمنتدانا
نعم معكم
ضيفتنا واختنا الغاليه
lost pearl
بانتظارك معنا واجابتك والتعرف على شخصك با ذن الله

[الحان الورد]

،

منورة يا لجيـن
بس لو سمحت ياريت تعرفهم , عشان ممكن يكونوا مخدوش بالهم ,
بالتوفيق .، وفي انتظار الأجوبة

[Lost Pearl]

ماهي نقطة ضعفك ؟

طيبتني الزايدة ف بعض الاحيان و اللي بحاول اتخلص منها

-اذا واجهت مشكلة هل تحب آن يشاركك احد بحلهآ أم تعتمد على نفسك ؟

ف معظم الاحيان باعتمد علي نفسي حتي لو حكيت لحد بارجع ف الاخر و افكر لوحدي

-ماهي اصعب كلمة ممكن آن تقولهآ لـ أي شخص ؟

باكرهك او حسبي الله و نعم الوكيل

-ماذا تعني لك مثل هذه العبارات ( فاشل..ناجح ..طموح..قوي..)؟

فاشل >> حاجة صعبة اوي مش سهل حد يوصل لمرحلة اليأس دي

ناجح >> احلي حاجة ف الدنيا بتديك امل و دافع دايما

طموح >> الحاجة اللي بتمشي حياتنا .. من غيرها مالوش لازمة نعيش لأن هنعيش ليه

قوي >> صفة بنحتاجها ف زمننا ده .. بس المهم مش تستخدم غلط

-ماهو الشيء الذي يطاردك في كل مكان وانت تهرب منه ؟

اليأس .. بس ان شاء الله مش هيغلبني :biggrin:

-متى تشعر بانك محبط ؟

اما احاول كذا مرة ف حاجة و ماتبقاش صح او زي ما انا عايزة

-هل تمنيت الموت يومآ ولمآذآ ؟

اه .. كنت مضايقة .. بس بحاول مش اعمل كدة تاني عشان ده غباء

-ماهي الطريقة التي تعبر فيها عن غضبك ؟

باسكت .. قليل اما بازعق بابقي جبت اخري

-ماهو دافعك في الحياة ؟

اني ابقي ناجحة دايما

-عبارة تفاؤل دائما ترددها ؟

تفائلوا بالخير تجدوه .. ان شاء الله خير

-متى تكذب ؟

لما يبقي موقف بسيط و الكدب فيه اسلم من الصراحة طالما مش هيضر

يعني اما ابقي مش عايزة وجع دماغ :biggrin:

-ماهو شعارك في الحياة ؟

like dissolves like

-حكمة تتاخذها شعارآ بالحياة ؟

مش حاضرة ف ذهني حاجة

-انت قوي- اذآً ( من الشخص الذي تضعف امامه ) ؟

اي حد بحبه

-ماذا علمتك الحياة ؟

حاجات كتير .. القوة و الذكاء و اني ناصقدش حد بسهولة و و و .. بنتعلم كل يوم

-ما لون كل من : الامل ، السعادة ، الحزن ، التفاؤل ، ؟

الامل : كريمي

السعادة : pink

الحزن : بني او اسود

التفاؤل : ابيض

-شيء لايعجبك بنفسك وحآب تغيره ؟

و الله حاجات كتيرة اوي بصراحة .. بحاول اهو

-هروب الكلمات من مخيلتك عندما تكون في أمس الحاجة لها كيف تعالجه ؟

باحاول اوصل للي قدامي اد ما باقدر

ماعرفتش باتكلم ف وقت تاني

-تؤمن بلبس الاقنعه لتتكيف مع الحياة من جميع النواحى ؟

لا مش ف كل الاوقات .. بس مش معني كدة تبقي زهقان و عندك ضيف تطلعه عليه :biggrin:

التكيف حلو بس الاقنعة لأ

-هل فشلت في تحقيق شيء مهم في حياتك؟

و الله لسة مش ف السن اني اقول فشلت ف حاجة

اه لسة في حاجات محققتهاش

بس وراها وراها

هل انت راضى عن ذاتك؟؟

بصراحة تؤتؤ

ماهى اهدافك فى الحياة؟؟

ابقي ناجحة و راضية ربنا و ماما

كيف تخطط لمستقبك؟؟

حاليا كل يوم بيومه .. لو جدولت يبقي اسبوع مثلا او حاجة

التخطيط لسة جاي ان شاء الله

ماهى ميولك القرائية( الكتب الدنية,الثقافبة,الرومانسية,الخيالية.كتب التنمية الذاتية,ام لا تقرأ)؟

من دول بحب اوي الخيال العلمي و البوليسي

كمان التنمية الذاتية جميلة جدا

و الرومانسي ساعات باقراه بس بازهق منه :biggrin:




تسلم ع الاستضافة يا جنرال

ان شاء الله ابقي عضوة خفيفة

[Lost Pearl]

نورتي يا رؤي

و اديني جاوبت اهو

[تصدق نسيت]

اقتباس المشاركة الأصلية كتبت بواسطة lost pearl نورتي يا رؤي و اديني جاوبت اهو

اكيد اجابات مميزه وروعه تسلمى لجين ويكفى انها عرفتنا على شخصك الطيب
واكيد رؤى انا بعطى خبر للمضيف قبل الاستضافه اكيد بالقبول او الرفض واذا قبل الاستضافه بعدها بطرح الاسم
وبالتوفيق للجميع وترقبى انتى كمان استضافه منى

[تصدق نسيت]

بعد قريب واعلان استضافه جديده
تراقبو معنااااااااااااااااااااا