شفيق و مرسي و اركن انت!!

[SiLver Spectra]

اقتباس المشاركة الأصلية كتبت بواسطة booody99 لا معلش انا قصدي على بتاعت الخارج انا كنت رايح اصوت لقيت المصري اليوم بتصور اتصورت ومش صوت هههههههههههه اصل صراحة العملية كوسة هناك تصور مش بيطلبو منك غير الأسم ومش عارف ايه كده كمان ولا بيطلبو رقم ولا حاجة يعني تروح تصوت بتاع عشرتاشر مرة ولا حد يقولك حاجة وبتوع الأخوان مشاء الله شغالين الله ينور بيروحو كل يوم يعملو الي فيه المقسوم لا ويجي يقولك صوت حضرتك تقوله لسه يقولولك طب هات رقمك نسجلك ويروحو يصوتو لمرسي هههههههههههه بصراحة استعباط بس مش عارف في مصر عاملة ازاي لكن زي ما قولت اكيد كلنا مع مرسي ضد الفلول ويارب يبقى نهضة بجد كل الأحترام والتقدير

المصريين في الخارج كلهم على بعض يجيبوا 200 الف او اكتر سنة
يعني اقل محافظة في مصر هتلاقي عدد الاصوات فيها اكتر بكتير
فمش هتاثر في حاجة

بالعكس المصريين في الخارج كان شفيق اقل حاجه من الخمسه الكبار


في مصر هنا مافيش اي جهة اثبتت ان في حالة تزوير في الصناديق
و كلو اشاد بالعملية الانتخابية و العملية كانت مكشوفة ادام الكاميرات و المراقبين
فمافيش اي حجة بالتزوير ,, و زي ما ذكرت لو نزلت الشارع هتلاقي ناس كتير عايزه شفيق
فكرك يعني مبارك حكمنا ازاي 30 سنة!!
يلا بقى عشان الجمعة باين هتروح عليه في الكآبة الي أنا فيها دي :biggrin:

[.نبض القلوب.]

للاسف الصعيد هو اللى قلب الموازين
ومرسى مش معقول يمسك البلد
مش هو اللى هيكون ماسكها اصلا
دا هيكون شكل وخلاص
ومرشد الاخوان هو اللى هيبوظها اصلا
هما عملوا لنا ايه يعنى
هتقولوا الحكومة مش ساعدتهم
بس لا لا لا
هما لو مسكوا البلد البلد هتبوظ اكيد
حساها هتكون زى العراق
على العموم لسه بدرى
لسه فاضل دوائر الدلتة ولجانها
لسه ان شالله
حميدن او ابوالفتوح
اما بالنسبة لشفيق
هتلاقى كبار السن شوية هما اللى اختاروه
ليه
كلهم مع كلمة واحدة
مش عايزين مظاهرات تانى
وعايزين واحد قوووووووووووووى
ههو دا كلمهم
وربنا يستر على البلد

[Hearts Whisper]

اقتباس المشاركة الأصلية كتبت بواسطة dr.pharma نتعـآيش ! يعني انك ترضي بالأمر الواقع ! بس اللي هيحصل دا مش هيرضيني بصراحه ,, وانا مش هقبل بحاجه زي دي ., ف طبيعي اني اعترض واحتج ! انتي بتقولي ابرياء هيتقتلوا !! طب ايه ذنب الشهدا اللي ماتوا ف الثورهـ !! بجد لآ عـزاء للثورهـ .. بس انا شخصيـآ مش هرضى بالامر الواقع دا ولو فعلا الثوار معملتش حـآجه واخدوا موقف !! يبقى حلال اللي هيتعمل فينـآ بعد كدا,, احنا شعب اساسا مالوش الحريه والكلام دا دا عـآيز ياخد فوق دماغه ويقولك كمان والنبي دلوقتي بيقولوا ما كنا عايشين ومستريحين ايام مبـآرك !! تصدقي بالله ي شيمـآء ..! فعلا اللي مش متعود ع النظـآفه هيفضل طول عمرهـ ..... ,, ولا عزاء للثورهـ ..

بس يعنى عشان احيب حق شهدا
اموت شهدا غيرهم احنا ننتظر لما
نشوف البرنامج بتاعهم دا هيحققوا ولا لاء
انما لو ماتحققش ننزل الميدان ونجيب حق الشهدا
حتى لو مات شهدا كمان كل ده فى سبيل الحرية
والمفروض ان احنا نسعى ونشتعل مش نعتصم
عشان نقدر بجد نقول ان الثورة نجحت ونجيب حق الشهدا
انما لو كدا هنفضل فى صراعات ودوامة كبيرة
واكيد بلدنا متستهلش كل ده
وهو بجد كتير بيقول ماله مبارك هما دول بقا الى
قدروا من خلالهم الاحوان وشفيق انهم يوصلوا لكدا
وحسبى الله ونعم الوكيل

[פﭠة ﺳگـړُھَہّ]

كلامك فعلا كلو صح
التشتيت اللى حصل بعد المناظرات واللقاءات والتغيير فى فكرنا هو اللى عمل فينا كده
انا مش هتكلم عن ان شفيق من الفلول انا اصلا كنت مستبعداه تمام وكنت لاخر لحظه بقول ابو الفتوح بل اقنعت ناس على ابو الفتوح وبعد المناظره ولقاء حمدين مع انى فى كلام اختلفت معاه فى غيرت اتجاهى تماما
وناس كتير كده
والمشكله كانت فينا فعلا

لكن دلوقتى احنا فى مشكله حقيقه واللى كان كان ومبقاش فى كلام تانى يتقال
لازم نشوف اى هو الحل
ان ادى للاخوان ,, ونفضل 30 سنه تانين فى عصر الاخوان
الدوره دى مؤسى واللى بعدها كمان وهيكسبو بقم معاهم البرلمان والكرسى ومش هيسيبو الكرسى ودول كمان اقوى من نظام مبارك متقارنش بينه وبين النظام التانى لانهم منظمين اكتر ومحددين اهدافهم
وهم قالو فعلا احنا لو وصلنا للحكم مش هنسيبو الكلام ده من سنين اول ما الجماعه اتكونت

هينزلو الدوره بعد مرسى الشاطر وبعد الشاطر البلتاجى وبعدها غيره وغيره
هم عندهك كوادر يقدرو يرشحوهم

ومتقوليش هننزل التحرير وهنعمل زى اللى اتعمل
اللى اتعمل فى 25 يناير مش هيتعمل تانى

انت قولت فى كلامك شوف الناس البسطاء فعلا هم دول اللى نجحو شفيق والناس البسيطه دى عاوزه تستقر عاوزه هدوء الناس دول كان كلهم فى الميدان

25 يناير مش هتيجى تانى

يبقا الحل
انى اشوف حد يقعد على الكرسى الفتره دى ابقا عندى قدره ان يمشى بعد الفتره الرئاسيه بتاعته مش اجيب واحد معاه قوه رهيبه زى الاخوان

احنا هنقول ان الاثنين كدابين وفيهم وفيهم
بس خلينا نشوف مين اللى كان الاوضح
مش هكلم فى نقطه انهم قالو مش نازلين الانتخابات ونزلو
هيه دى لعبة السياسه

لكن هكلم على اللى حصل ادامى امام اللجان انا شوفت مهازل منهم
انت بتقول همشى بالشريعه وبتقول ربنا قال
هو ربنا قال ضلل المسلم او الفرد اى كان هو مين
ربنا قال زور
ولا انت بتبيح لنفسك كل حاجه

لازم نفكر كويس جداااااااااااااااااااااااااااااااااااااااااااااااا اااااا
جدااااااااااااااااااااااااااااااا

ونزاكر كويس الاخوان
ونزاكر بردو شفيق
وننسى تمام انه من الفلول
وننسى ان كل ده حصل

خلينا نبص بس للشخصيتين دول

مرسى... وشفيق
من ناحية قوة الكلمه

مين هيقدر ان يكون رئيس لمصر

ياااااااااااااااااااااااااااااااااااارب ولى علينا من يصلح

وانا عن نفسى هدى صوتى لشفيق

[ᗩмỉгล]

...

اقتباس أنا النهارده بس اتمنيت عمر سليمان كان يبقى في السباق ,,على الاقل كان هيشتت و هيسحب من احمد شفيق نسبة كبيرة من الاصوات و تكون النتيجة لصالح حمدين و ابو الفتوح

وآلله أوّل كلمة قلتها بعد ما شفت النّتايج..
مش متخيّلة ان رئيس البلد يكون شفيق أو مرسي :yuck:
بجد حزينة على كل الشهدآء اللي ضحوآ بحيآتهم عشآن يرؤسنا عمو بونبون أو الاخوان


بالنسبة لحمدين وأبو الفتوح، بيتنا كله كان مع حمدين بس كلهم انتخبوا ابو الفتوح على أمل ان الأصوات متتفتتش بس مفيش فايدة بردو :669::669:
،،
عمومآ مش عايزة حد يزعل كلها 30 سنة نعمل ثورة تانية ونختار المرشح اللي على مزآجنا :biggrin:
...

توبيك حلو ومتفقة معاآك في كل نقطة فيه
بس انا شآيفه اننا ننتخب شفيق أحسن
عشآن لمآ نعمل ثورة منبقآش ضد الآسلام وكفآر

[رقة BaNOTa]

مش وقته نلوم نفسنا دلوقتي
النتيجه تقريبا اتحسمت وانا زعلانه جدا
لاني كنت برشح ابو الفتوح بشده ومحدش تشتت من الناس الي اعرفهم كلنا اجمعنا على ابو الفتوح في اسكندريه
لدرجه اننا واحنا بنتخب حسينا خلاص ان ابو الفتوح هيكسب او حمدين لان لهم شعبيه جامده في اسكندريه

مره واحده الاقي صدمه في الاحصائيات
مش عارفه هعمل ايه في الاعاده
لكن لايمكن اصوت لشفيف
فمفيش غير محمد مرسي
وربنا يستر

[SiLver Spectra]

اقتباس المشاركة الأصلية كتبت بواسطة حتتة سكره كلامك فعلا كلو صح التشتيت اللى حصل بعد المناظرات واللقاءات والتغيير فى فكرنا هو اللى عمل فينا كده انا مش هتكلم عن ان شفيق من الفلول انا اصلا كنت مستبعداه تمام وكنت لاخر لحظه بقول ابو الفتوح بل اقنعت ناس على ابو الفتوح وبعد المناظره ولقاء حمدين مع انى فى كلام اختلفت معاه فى غيرت اتجاهى تماما وناس كتير كده والمشكله كانت فينا فعلا لكن دلوقتى احنا فى مشكله حقيقه واللى كان كان ومبقاش فى كلام تانى يتقال لازم نشوف اى هو الحل ان ادى للاخوان ,, ونفضل 30 سنه تانين فى عصر الاخوان الدوره دى مؤسى واللى بعدها كمان وهيكسبو بقم معاهم البرلمان والكرسى ومش هيسيبو الكرسى ودول كمان اقوى من نظام مبارك متقارنش بينه وبين النظام التانى لانهم منظمين اكتر ومحددين اهدافهم وهم قالو فعلا احنا لو وصلنا للحكم مش هنسيبو الكلام ده من سنين اول ما الجماعه اتكونت هينزلو الدوره بعد مرسى الشاطر وبعد الشاطر البلتاجى وبعدها غيره وغيره هم عندهك كوادر يقدرو يرشحوهم ومتقوليش هننزل التحرير وهنعمل زى اللى اتعمل اللى اتعمل فى 25 يناير مش هيتعمل تانى انت قولت فى كلامك شوف الناس البسطاء فعلا هم دول اللى نجحو شفيق والناس البسيطه دى عاوزه تستقر عاوزه هدوء الناس دول كان كلهم فى الميدان 25 يناير مش هتيجى تانى يبقا الحل انى اشوف حد يقعد على الكرسى الفتره دى ابقا عندى قدره ان يمشى بعد الفتره الرئاسيه بتاعته مش اجيب واحد معاه قوه رهيبه زى الاخوان احنا هنقول ان الاثنين كدابين وفيهم وفيهم بس خلينا نشوف مين اللى كان الاوضح مش هكلم فى نقطه انهم قالو مش نازلين الانتخابات ونزلو هيه دى لعبة السياسه لكن هكلم على اللى حصل ادامى امام اللجان انا شوفت مهازل منهم انت بتقول همشى بالشريعه وبتقول ربنا قال هو ربنا قال ضلل المسلم او الفرد اى كان هو مين ربنا قال زور ولا انت بتبيح لنفسك كل حاجه لازم نفكر كويس جداااااااااااااااااااااااااااااااااااااااااااااااا اااااا جدااااااااااااااااااااااااااااااا ونزاكر كويس الاخوان ونزاكر بردو شفيق وننسى تمام انه من الفلول وننسى ان كل ده حصل خلينا نبص بس للشخصيتين دول مرسى... وشفيق من ناحية قوة الكلمه مين هيقدر ان يكون رئيس لمصر ياااااااااااااااااااااااااااااااااااارب ولى علينا من يصلح وانا عن نفسى هدى صوتى لشفيق

كلامك حلو و وجهة نظرك واقعية و تحترم
بس انتي مين قالك ان شفيق مش معاه جماعة !!
شفيق بيمثل عسكر مصر الي حكمنا 60 سنة!
يعني الخيار سيء في الحالتين
لكن اعتقد افضلهم هو خيار الاخوان
و باقي تعليقي هيكون على فارما

[SiLver Spectra]

اقتباس المشاركة الأصلية كتبت بواسطة dr.pharma نتعـآيش ! يعني انك ترضي بالأمر الواقع ! بس اللي هيحصل دا مش هيرضيني بصراحه ,, وانا مش هقبل بحاجه زي دي ., ف طبيعي اني اعترض واحتج ! انتي بتقولي ابرياء هيتقتلوا !! طب ايه ذنب الشهدا اللي ماتوا ف الثورهـ !! بجد لآ عـزاء للثورهـ .. بس انا شخصيـآ مش هرضى بالامر الواقع دا ولو فعلا الثوار معملتش حـآجه واخدوا موقف !! يبقى حلال اللي هيتعمل فينـآ بعد كدا,, احنا شعب اساسا مالوش الحريه والكلام دا دا عـآيز ياخد فوق دماغه ويقولك كمان والنبي دلوقتي بيقولوا ما كنا عايشين ومستريحين ايام مبـآرك !! تصدقي بالله ي شيمـآء ..! فعلا اللي مش متعود ع النظـآفه هيفضل طول عمرهـ ..... ,, ولا عزاء للثورهـ ..

زي ما قولتلك انت بتختلف معاه سياسيا لكن ما اقدرش الومه في موت حد لانه مش تابع للنظام السابق الي هما الاخوان
انتي واحده من الناس مثلا كنتي مع التعديلات الدستورية , هل اقدر الومك , مجرد بختلف معاكي سياسيا لكن مش هقدر اعلق عليكي حبل دم الشهداء و كدا!

و كارهي الاخوان اكتر بكثير من مؤيديهم
حتى في الانتخابات لو تلاحظي هتلاقي في مش اقل من 7 مليون ل8 مليون من اصل 17 مليون
في حين الاخوان 5 مليون
بس انت مشكلتك في التشتت ,,نعملك ايه بقى
المره الي جايه بقى ابقى حاول توحد نفسك !
أنا ما اقدرش الوم حد منظم و اقوله انت منظم ليه!!

صوتي لمرسي و انضمي معايا لحزب المعارضة
المعارضة حلوة برضو ,,عشان نعد بقى نفلي في الاخوان و نطلع حباب عنيهم ههههههه

[شقاوة احاسيس]

الانتخابات فيها لعب كبير جدا

وكمان انا مش فاهمه شفيق جاب الاصوات دى كلها منيين
مرسى وعارفين ان الاخوان واكلين عقل ناس كتير

لكن شفيق ياراجل ده

وربنا انا مااعرف حد انتخبه
جاب الاصوات منين

لسه اللعب ولسه التزوير

ولسه البلد عايزه ثوره

بس ثوره صح

قبل ماتطلع تكون مختاره واحد من الناس صح

يعرف يقود البلد

ياناس احنا اضحك علينااااااااااااااااااااااااااااااا

[SiLver Spectra]

اقتباس المشاركة الأصلية كتبت بواسطة the angelic queen مش وقته نلوم نفسنا دلوقتي النتيجه تقريبا اتحسمت وانا زعلانه جدا لاني كنت برشح ابو الفتوح بشده ومحدش تشتت من الناس الي اعرفهم كلنا اجمعنا على ابو الفتوح في اسكندريه لدرجه اننا واحنا بنتخب حسينا خلاص ان ابو الفتوح هيكسب او حمدين لان لهم شعبيه جامده في اسكندريه مره واحده الاقي صدمه في الاحصائيات مش عارفه هعمل ايه في الاعاده لكن لايمكن اصوت لشفيف فمفيش غير محمد مرسي وربنا يستر

في اسكندرية اعلى حاجة صباحي و بعده ابو الفتوح اعتقد
يعني لو الاتنين كانوا على بعض كانت اسكندرية لواحدها عملت فرق
يلا بقى ,,خير