متحف أغنياتي

[نهر النيل]

	خلاص يا حبيبى وجاى تلوم عليا بعتاب ليه وبأسيه مش هو هو قلبى وهيا دى عنيا بقيت تقدر على عتابى وجالك قلب لعذابى تغيب إنت يكون عادى تبيع إنت يكون عادى ورافض رفضى وعنادى وتهجرنى فى لياليا بنفس الجرأه بتهدد بنسيانى بضعفى وكل أحزانى أنا برفض وصدقنى هترجع تبكى من تانى غريب طبعك ومش واضح بتجرحنى وأنا أسامح خلاص هنساك تعبت معاك وبرفض كل حرمانى تكون طيب تكون جارح ما ترجعشي خلاص ليا غلبت كتير أحايل فيك ومش عارف بإيه أرضيك كفايه سنين ألم وأنين وكنت تغيب وأنادى عليك خلاص ياحبيبى فات الوقت ووحياة حبى جد تعبت وبعد الحب جيت وعاتبت خساره عشت عمرى ليك خلاص اخترت أعيش مع قلبى وحديه ..

[نهر النيل]

	رغم الفراق عدت عليا يا حبيبى سنين كانت عذاب وخصام وأنين ولسه رغم سنين البعد جوايا ويا الذكرى حنين هنا عشنا نفرح فى الحياه ونسابق الأيام هنا كنا نسرح ويا شوقنا ونحضن الأحلام كانت أمانينا تاخدنا ف حضنها ومعاها كنا ندوب سهر وكمان ننام ورغم أيام الفراق بنحس بالشوق والغرام وفى المكان ده كان ياخدنا السهر كنا نتوه م الشوق سوى ويا القمر كانت حياتنا قصه يحكيها الأحبه لكن فى لحظه إفترقنا يا قدر آه ياليالى الحب فين كل العهود أصبح عذاب القلب فى كل الحدود حتى ف ملامحنا الألم مكتوب عليها وآدا الربيع مهزوم كمان من غير ورود نعتب على مين ولا مين جاوب يا قلبى نفضل ننادى ياهوى إمتى تعود ..

[نهر النيل]

	ظهرتى ظهرتى ليه فى عينى صحيتى ليه حنينى يا أول حب كان يا أول قلب خان يا مليون جرح فيا يا قصه منتهيه يا قادره يا قويه ليه تانى بتنادينى ظهرتى ليه ف طريقى ياحب ومش حقيقى يادمعة كل ليل يا وهم ومستحيل يا أكبر قلب شفتوا فى الحب كتير بخيل فكرتك يوم دوايا لقيتك ليه أنينى ظهرتى ليه فى ليلي يا صاحبة كل ويلي يا ندمى والضياع يا ألمى والصراع يابايعه حب غالى من غير كلمة وداع آسف مش هقدر أرجع لو عشتى تندهينى ..