متحف أغنياتي

[نهر النيل]

	السلام عليكم ورحمة الله وبركاته تحيه طيبه للجميع وكل عام وحضراتكم بكل الخير ورمضان كريم يارب النهارده قلت اتسلى واعمل متحف لاغنياتي اللي نزلتها بقسمنا المحبوب ليا جدا قسم الهوايات واللي فعلا ليا كل الشرف اني بتفاعل فيه قسم حلو وجميل ومشرفين غايه في الذوق والادب والتعاون واعضاء رائعين ومجتهدين وحقيقي انا سعيد اني عضو هنا وبعد المقدمه دي ان شاء الله هيتم طرح كل اغنياتي اللي نزلتهم هنا وبالتوفيق يارب للجميع مودتي واحترامي

[نهر النيل]

	إستنانى أنا علشانك بعت العالم وإنت بجد لقيتك ظالم آخر مره بقول لك فاهم جاى اليوم وهتترجانى إستنانى بتهرب ليه قلبى عشان حبك ترميه تقسى وتنسى وتلعب بيه وبتفرح لو أعيش أحزانى كلمه أخيره وبقولها لك عمرك بعدى ما يرتاح بالك روح إبعد وإعمل ما بدالك ومسيرك ترجع هنا تانى ..

[نهر النيل]

	إوعى تخاف ياللى رماك الحب لدمعك إمسح دمعك وإبقا سعيد مهما هواك هيطفى فى شمعك لأ إيد شمعك حاول إيد مهما يا قلبى الحب هزمنا إوعى تقولي ف يوم سلمنا يا ما تعبنا ويا ما صدمنا وياما ألمنا من التهديد إوعى تخاف أو يوم تستسلم وقت الحب ياقلبى قصير مهما إن عشت كتير تتألم لازم لازم يوم تتحرر لازم تهزم أى هموم بعد الضلمه هتيجى نجوم ويا الفرح تنام وتقوم تلقا إيامك كلها عيد أيوه ياقلبى أكيد إتحمل وإنسى هموم الوحده ونارها كمل مشوارك روح كمل وإهزم آهاتك وإكسرها وإرضى نصيبك مهما يكون أصل الرفض بجد جنون إوعى ياقلبى عليا تهون مهما يكون ولا تبقى عنيد ..

[نهر النيل]

	إنسا أنسا أي كلام قلناه إنسا أي طريق مشيناه إنسا الحلم اللى حلمناه ويا البيت اللى رسمناه إنسا ماضينا وكل ما فينا وسيب القلب لمليون آه خلي عيونك تجرح فيا تبقا عذاب وندم لياليا تبقا ضياعى تبقا وداعى تبقا حكاية شوق مش ليا ياه على قلبك فعلا ياه عيش قلبى ف مليون جرح نسي حياتى طعم الفرح بيع القلب وبيع الحب ويا العالم والحياه ..

[نهر النيل]

	بتكلم بجد بتكلم بجد وبتألم بجد وبندم على زمن رخصنى بدون تمن أبنى فيه الأمانى ألاقيه بسرعه هد يدينى دمع عينى من فرحى هو خد ياليالى ياسنينى يا دموعى يا ذكرياتى ياليالى يا أنينى ياجراحى يا آهاتى مكتوب عليا أوفى ويظلمنى أى حد مش لاقى ليه مكانى ومعاند ليه زمانى وأحلم بالحب دايما وهو يتحدانى مش شايف غير ضلام ولا عارف غير آلام وتعبت يا أيام وناديت ما سمعت رد مكتوب علينا ليه يا قلبى جرحنا والحاجه الحلوه ليه بتهرب مننا يكون العيوب وفائنا يمكن من إشتياقنا مكتوب دايما علينا يادنيا ليه فراقنا أى طريق نبتديه نلاقى نهايتوا سد ..

[نهر النيل]

	إعشقينى إعشقينى لو ثوانى تبقى ليا عمر تانى نورى لى ضلام حياتى جددى لى أمنياتى كونى ليا ماضى آتى عرفينى الأمانى نفسي أقول لك ع اللى بيا لو تحسي مره حالى السهر دوب عنيا ويا حيرتى وإنشغالى إسمعى مره ندايا م الحنين أنا تهت يانى القدر وجمعنا صدفه أحلا من مليون معاد ليكى شوقى وكل لهفه فى البعاد أنا شوقى زاد مهما هتاخدنا البلاد حبك إنتى فيه كيانى ..

[نهر النيل]

	إرميه إرميه قلبى اللى كان لك عاشق ودوسي عليه إرميه نبض كيانى الدافي الصادق إيه يهمك إيه مش مهم عذاب يجينى مش مهم دموع ف عينى مش مهم تضيعينى والحنين دا تهجريه فى الزمن ده الخيانه مش جديده وإنتى قربك منى زى بعيده ذكرياتنا ضيعيها أمنياتنا كمان بيعيها مش مهم تإلمى قلبى اللى داب مش مهم أعيش فى هم أو عذاب مش مهم آهاتى دايما تسمعيها مش مهم تحسي قلبى واللى فيه العذاب والدموع وسهر ليالى عادى عندك إن يرخص أى غالى عيش يا قلبى ويا جرحك توه معاه النهارده عادى جدا أى آه عادى جدا فى الزمن ده كل حاجه تكون معانده وإنت حاجه من الزمان اللى ضعت معاه وبيه ..

[نهر النيل]

	إنتى ليه إنتى ليه مش حاسه إنى لسه فى عيونى تمنى رغم بعدك رغم ظلمك لسه بتألم لألمك لسه بتندم لندمك لسه ببكى لسه بشكى وإنتى فاكرانى بغنى إنتى ليه مش حاسه بيا كل همك ظلم فيا كل ليله تسهرينى كل ليله تحيرينى كل ليله تهجرينى آه يا قلبك فينوا حبك ليه تحبى البعد عنى إنتى ليه مش حاسه ردى كل مره ليه تصدى أفضل أسهر وإنتى غايبه عن هوايا وقلبى سايبه روحى م الحرمان ودايبه إندهيلي قربيلي ياللى حبك حته منى ..

[نهر النيل]

	بتإذينى بتإذينى وترضى الدمعه تسكن فى جفون عينى بتإذينى وسيبتى قلبى يتعذب فى مليون فكر بيجينى لسه عايزه تكملى قصة ألم لسه عايزه تكملى غدر وندم وسط قلبى الحب طعنات تتحكم وبعد كل الحب ما أعرف غير أنينى كنت فاكر حبي عندك غير كده بس واضح إنك إنتى محدده هدفك هزيمة قلب عاشق كان بيتمنى الرضا مكان الخير يكون الشر مكان الحب ليه الغدر وليه قلبك فى طبعوا الهجر وأصونك وإنتى ترمينى روحى ياللى كنتى روحى أنا قابل لكل جروحى أنا موافق على الحرمان وهقتل قلبى وطموحى وعيشي إنتى ع الأفراح بقلب إرتاح يا ألف خساره ع اللى راح يا قلبك وإنتى بتخونى ..

[نهر النيل]

	إرجع يا قلبى خليك ف حالك أنا قلتها لك إرجع يا قلبى وإبعد بعيد مش دى حبيبتك ولا دى حقيقتك إسمع كلامى وإفهم أكيد جنتها نار جنة مرا ر جنة ندم والإنتظار إنكسار يبقى ألم أفضل يا قلبى تبقى وحيد وعدت ليالى كدبت سنين كان حلم غالى أصبح أنين جايه النهارده بشوق ولهفه ليا هنا جايه وخايفه تقول لى آسفه عيد حبنا نسيت زمان وجرح عمروا ما انتهاش نسيت عذاب على كل باب برخيص بلاش ما تردديش معنى الحنين أنا وإنتى فين والحب فين ظلمك كسرنى جوايا عاش ياحب عمرى بندم عليك رافضك وقلبى محتاج إليك صوت الحنين جوايا محتاج قصتك وصوت الأنين رافض بقوه عودتك كل التردد ضدوا ياقلبى وتعالى خلينا نبعد إوعى ترجع إستحاله قصه وعدا وقتها الحب كان هو حياتنا ولقيتوا لعبه عندها إرجع يا قلبى حبى إنتهى