حائره..على جسر من الذهب

[دمعه حائره]

إنك تلاقى حد يحبك بعيوبك ومميزاتك ويتقبلك على شكلك وشخصك بدون أى شروط أو قيود ده فى حد ذاته منتهى النجاح للعلاقه لإن الحب بلا شرط أو قيد ده أنجح وأوضح ودليل على حبه لشخصك زى مانت مش لسبب تانى #mena_hassan

[دمعه حائره]

رُبما سيأتى يوماً وأفاجىء وجهى
بقليل من الماء البارد
أوأكسر مرآتى حتى ولو بيدى
فمن الممكن مع قليل من الدموع
أو الدماء المتساقطة على أناملى
تستفيق تلك الطفلة البلهاء بداخلى
وتعرف حجمها الحقيقى بين من أحبتهم
وتحدد مدى خيباتها فيهم
سيأتى يوماً أواجه العالم بعقل واعى
وقلب لايعرف معنى الخذلان
وتنتهى تلك المعاناه
وتطوى صفحات توقعات مشوهه
وأفكار أصبحت عقيمة
لاتنجب أى أمل فى التغيير
فليس عيباً أن نكتشف مدى غبائنا
ولكن العيب أن نستمر فيه
#mena_hassan

[دمعه حائره]

خطبه الجمعه في التلفزيون تتحدث عن
قانون التصالح واحقيه ولي الامر في تقنين المباح ورفع الضرر ووجوب طاعته 🙄

[دمعه حائره]

مركز الخليج
مد إيدك خد كمان
خدلك ضريبة من الجعان
واللي عيان من زمان

واللى ساكت واللى شاكى همه للجيران
خدلك ضريبة مـ اللى رايح واللى راجع
واللى صابر ع المواجع

مد إيدك فـ الجيوب
هتلاقى إيه غير..هم واصل للقلوب
وكام رقعه يدارى فيها مـ العيوب

مد إيدك خد إتاوة
من شعب مستنى العلاوة
تلاتين جنية...!!
يعملوا إيه دة انت يا بية
بتحرقهم فى كام سيجارة

مد إيدك
هو انت ليه باين عليك حبة كسوف
ده شعب متعود إنه يعيش فى خوف
ومصدق إنها شوية ظروف

مد إيدك عاوز كمان..؟
مافاضلش غير شوية دم فى العروق
قرب ودوق
هتلاقى طعم دايب فيه مرارة
وصوت حزين بيقول خسارة
ياحلم راح قصادة شوف كام شهيد
عشان نعيش بحرية وكرامة
من غير فى يوم مانمد إيـــد ..
mena_hassan

[دمعه حائره]

لمار كلمتني باباها تعبان شويه وهتغيب كام يوم
ادعوله ربنا يشفيه ويعافيه يارب

[دمعه حائره]

الحب الحقيقى انه يفضل يحبك زى ماانت ومهما عملت ميقولكش اتغير لانه بيقبلك بكل مافيك قابل عيوبك زى مميزاتك يفضل الداعم الاول ليك فى كل اوقاتك نجاحك وفشلك وخذلانك يدعمك حتى لو مش بالفعل انت بتلاقى وجوده فى حياتك اكبر دعم،، يطمنك حتى لو بعيد حتى لو زعلانين بيفضل خايف عليك ويدعيلك برغم انه محتاج اللى يدعيله بس بيستقوى بيك على الدنيا ،، الحب انك لما تشوفه تحمد ربنا عليه #mena_hassan

[دمعه حائره]

حب الوطن
جوا القلوب عشش
لو مهما قاست
أو جالها اللى بيطفش
#mena_hassan

[دمعه حائره]

ده ردي في نتيجه شاعر المنتدي

اقتباس ما درست الشعر يوما لكنه عندي هوايه وما كان هدفي لقبا لكنها كانت غوايه وإن اخبروكم أني اعترضت فهي وشايه يكفيني شرف المحاوله وإن لم تكن كفايه مبارك ياعبدالله تستحقها وأنت علي درايه إن الخساره مؤلمه وليست بالأمر الهين سأذهب وانعي خيباتي ومنك لله يامحمد

زمان كان نتيجه اي مسابقه خواطر تحصل فيها خناقه ونقعد عليها
كام يوم في الشكاوي
امبارح كنت عاوزه اتخانق مع واد حبيب
وكتبتله الرد ده اجر شكله ولكن للاسف احتوي الموقف وضحك علي احزاني
حتي عبدالله لقيته بيضحك
ايه ياجماعه مش هعرف اعمل مقلب في المنتدي ده ولا ايه
مبروك ياعبد الله انت تستحق بجد وانا كنت بهزر

[دمعه حائره]

المنتدي قلب ذكوري شويه ولا انا مكبره الموضوع

[دمعه حائره]

اللهم اتم علينا نعمتك وعافيتك وسترك فى الدنيا والآخرة