حائره..على جسر من الذهب

دمعه حائره · منذ /04-23-2017, 11:05 PM

صاحب همومك انسى الحنين
هتعيش وحيد وياك أنين

فاتت سنين عليك كدة
جواك جراح
هتفضل معاك متأكدة

وتدارى ليه دمعة عنين
لو مهما تضحك
باين عليك وشك حزين

حظك كدة
تحلم كتير بيوم اللقا
نفسك تجمع
ف قلوب هناك متفرقه

حلمك ده وهم واخدك لفين
وايه راح يفيد
والقسوة دى طبع البشر
يقتلوا فيك
ويقولوا ده حكم القدر

خليك كدة عايش حزين
راضى وصابر على اللى انكتب
ومن امتى فادنا ف يوم العتب

صاحب همومك انسى الحنين
هتعيش وحيد وياك أنين
mena_hassan
22-4-2017

دمعه حائره · منذ /04-23-2017, 11:09 PM

تعالى احبك واحكيلك
على اللى جرالى من غيرك
الدنيا اشترت وباعت فيا
وانت السند وماليش غير
mena

دمعه حائره · منذ /04-23-2017, 11:51 PM

عصـًايه فخفخينا.. النمر.. الدسوقي.. إجرام (هنا) - منتديات بنات مصر

من النهاردة مفيش حكومة ولا منتدى

دمعه حائره · منذ /04-24-2017, 11:13 PM

‏عندما تجد عذرا لمن لا عذر له
فأعلم بأنك تحبه كثيرا..

دمعه حائره · منذ /04-30-2017, 03:56 PM

ايلانا
مش عارفه اقولك ايه ولا فين
مش سايبة اى طريقة للكلام معاكى اتمنى تشوفى كلامى
كان ممكن تطلبى تغيرى الباسورد ومتدخليش فترة
كان ممكن تغيبى زى ماانتى متعودة تعملى
اسمك ماينفعش يبقى كدة زعلتينى اوى
عارفه ان لما بنكون مدايقين مابنفكرش ومريت بالحالة دى وبغيب
بس بيكون فيه ظروف اقوى منى
عارفه ان الغياب بياخدنا فى دوامة وبنتعود عليه
بس شوية فكروا فى اللى بيحبوكم
اللى مش بيدورا على حاجة غير ان يشوفوا اسمكوا فى المتواجدين
يشوفوا مشاركة ليكم او حتى كلمة
يارب تكونوا بخير وكل الغايبين ونطمن عليكى

دمعه حائره · منذ /05-02-2017, 11:13 PM

الخذلان لايأتى من غريب
بل من أقرب قريب
ويكون صدمه قويه ,,جارحه,,مؤلمه
يملأ النفس بالهزيمة وخيبة الامل
تخرص اللسان ويحتار العقل كيف يعبرعنها
أو يعرف لها أسباب
موقف صعب لايدوايه مجرد كلمات
ومازال الخذلان يمارس طقوسه الغبيه معى
ومع ذالك تستمر الحياه
mena

دمعه حائره · منذ /05-08-2017, 02:59 PM

الحمد لله كلمه بتريح ولما تقولها كتير لدرجة انك ترضى
تكون راضى ومقتنع بحياتك مهما كانت
شعور الرضى بيخليك هادى
اوعى تشتكى لحد لانك ياهتسمع معلش
او هايشتكى هو كمان وهيقولك انت احسن منى
يبقى الحمد لله على كل حال
وندعى كتير انه يصلح حالنا

دمعه حائره · منذ /05-08-2017, 03:02 PM

حال المنتدى اكيد مزعلنا كلنا
وخصوصا صندوق الإبداعات
انا اقترحت ان المواضيع الحصرية يتعملها تنبيه مجانا
لحد ماالصندوق يرجع لو الادارة وافقت
ممكن اللى ينزل توبيك يبعتلهم
ان شاء الله يتصلح بسرعه

دمعه حائره · منذ /05-10-2017, 01:08 PM

كان ذنبه إيه
قلبى اللى حبك تجرحه
معرفتش فى يوم تفرحه
وقسيت عليه

عايش معاك مش حاسس بالامان
قلبك كمان ميعرفش معنى الحنان
كان يعمل ايه

سابك وضحى بحب عمره ماتخيله
وشايفك بعيد مستحيل هاتعوضه
صعبان عليه

ليالى يستناك ويبكى
مش قادر حتى لحد يشكى
هيقوله ايه

هايقوله خان وباع فى ثانيه
وراح وعاش فى دنيا تانيه
هتديله ايه

هتديله حب زى اللى كان
او حتى هتنسيه الزمان
ويهون عليه
خليه يهون ماهو ياما هان
والماضى يشهد إنه خان
وهابكى ليه
الجرح صعب لكنه لازم يتنسي
وهافتكرله بس انه عليا قسي
mena_hassan
4-5-2017

دمعه حائره · منذ /05-12-2017, 10:29 PM

‏لا تؤذي أحد ولا تجرح أحد كن شيئاً جميلاً لاينساه أحد
اللهم لاتجعلني وجعاً لأحد بل إجعلني جميل القلب لاينساه أحد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الذهب-الذهب الأن - الذهب اليوم- شركة ايزي فوركس 6-7-2012	ايزي فوركس	الفوركس - الاوراق الماليه - تجاره الاسهم - forex	2	03-20-2014 12:46 PM
الذهب-الذهب الأن - الذهب اليوم- شركة ايزي فوركس 9-7-2012	ايزي فوركس	الفوركس - الاوراق الماليه - تجاره الاسهم - forex	2	03-20-2014 12:12 PM
تداول الذهب في السعودية -تجارة الذهب في السعودية - الذهب من شركة ايزي فوركس‎2012-7-4	ايزي فوركس	الفوركس - الاوراق الماليه - تجاره الاسهم - forex	1	07-21-2012 11:01 AM
تداول الذهب في السعودية -تجارة الذهب في السعودية - الذهب من شركة ايزي فوركس‎2012-7-2	ايزي فوركس	الفوركس - الاوراق الماليه - تجاره الاسهم - forex	1	07-20-2012 06:51 PM
ايزى فوركس \| تداول \| الذهب \| الفضة \| تجارة الذهب \| تداول الذهب \| ذهب \| معادن \|easy-fo	bursanews	الفوركس - الاوراق الماليه - تجاره الاسهم - forex	1	04-21-2011 03:24 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

حائره..على جسر من الذهب

صفحات مكشوفة