همس القلم بــ "العاميه" متجدد

[ويبقى الأثر]

مخنوقه بجد وبعاند
اخرج م الخنقه واشارك
الحزن جوايا فارد
ومع عندى عمال يتعارك

[فتحى عيسى]

كل مبص في ناحية ألاقي
شمعة بتطفي
ودمعة تنادي
وصرخة تهز كيان الروح
وفرحة تهد
ولوعة تخض
الواد والبت
وسفاين نوح
محملة جروح
ماشية في ضل
الجدع والست

[فتحى عيسى]

آه من الحب وسنينه
من يوم مالمس قلبي
والصبر الله يعينه
واخدني عرض وطول
يضحك أنسي الفصول
وأعيش العمر ليلة
يبكي تدبل غصون
ألف ليلة وليلة

[فتحى عيسى]

تعرفني منين عشان تحكم عليا
كلمات رايحة وكلمات جاية
مش يمكن بكدب
يمكن بتلون
برسم بريشة ناعمة
وبجرح بقلب ميت
تعرفني منين عشان تحكم عليا
عاشرتني
شفتني
سكنتني يمكن آه
من برايا جايز
من جوايا لاااااااااااا
ياساكن قلب الفضا
صورة الغلاف
غشاشة متصدقش الهوا

[ويبقى الأثر]

الخطوه تاهت ف بلد مفيهاش امان
والقمر من حزنه خبى نوره عن المكان
بتموت شباب وبتتسجن من غير دليل
طيب قولولنا الصادق فين فى ده الزمان

[فتحى عيسى]

الله عليه الله
لما تحلي دنياه
سكرها بيدوب
في كل لحظة معاه
بينور القلوب
وبيشرح صدر الحياه
الله عليه الله

[فتحى عيسى]

بيني وبينكم سد منيع
طول ماللمة فينا بتبيع
مش مشكلة
حلوة ولا منيلة
مدام عالخط
يبقي فزيع

[فتحى عيسى]

هنتقابل يعني هنتقابل
طول ما انت زمار وانا طبال
هيجمعنا اكيد فرح
في ميتم عبعال

[فتحى عيسى]

لسا ايه متقلش كل الكلام قولناه
خلصناه لت وعجن ووجع راس
ع الفاضي وع المليان
بس الحق
فيه ناس بتحب البلد بجد
وناس كارهاها بجد
ربنا يعوضك يا مصر
وينصفك وينصرك
كل من عداكي

[ويبقى الأثر]

اهى يلا عيشه والسلام
شبه بعضها عندى الايام
الحزن ساعاته مبتخلصش
هونها يالى لابتغفل ولابتنام