ظاهرة الالحاد في مصر (الاديني)

[Mahmoud Kamel]

الالحـاد

الفتـره الاخيـره ظهـرت حاجات كتيـره ع الشبكات الاجتماعيـه وأكترهـم تويتـر ..

منهم الملحـدين

تعريف الملحديين :

جماعه لا تعتقد بوجود الله الواحد الاحد ولا يؤمنون بقيام الساعه والبعث ..

يعتقدون ان الكون وجد صدفه بالضربه الكبري The Big Bang

وان الاديـان السماويه فِ معتقدهم أساطير خرافيه توارثهـا الاجيـال

دا غيـر حاجات كتيـر من المخجـل انـي اقـول عنهـا ..

تنبيه:
ده فيديو يؤكـد كلامـي لوجود الظاهـره فِ مصـر يرجـي مراعاه مشاهدته لـوجود كلمـات تخدش الحيــاء

تنبيه:

ســؤالي :

هـل من الممـكـن التعـايش مع اللادينين (الملحديين) فِ وطـن واحـد واحترام عقيـده كـل شخـص ؟

ماهــو رائيـك ؟

منتظـر اراء الاخــوان

[ساحر الأحزان]

الفيديو ألى أنت حطيتة وبيمزق كتاب الله

هل دة شكل واحد عندة ثقافة ومعرفة ,فى حرية التعيش وهو بيمزق كتاب الله من غير مراعاة لشعورنا ولأ أى أحترام

وبعدين أزاى مفيش ألهة ولا ايمان بيها وأى حرية تعايش بتسمح لناس زى كدة أنها تعيش وسط مجتمع بيؤمن بالديانات

يمكن أفتكرت بموضوعك الدكتور نصر أبوزيد

ألى ألحد وتم التفريق بينة وبين زوجتة لأنة كدة بيدخل فى نطاق الكفر والعياذ بالله

طالما مفيش عندة أيمان وأعتقادة بقدر الله عزوجل

يبقى ميعشى على ارضة

انت فكرتنا بعبدة الشيطان من تانى مع الهوجة الى جاية دى


جميل يا حودة

موفق

[نجم وزهره ومسافات فراق]

اخي الكريم
اسعد الله كل حياتك
قريت موضوعك وبدون ما اشوف الفيديو
مش بحب اشوف النوعيات دي مع الاحترام لكلامك

تعليقي
ظاهرة الالحاد مش بمصر وبس اخي الكريم
انما اصبحت بكل الدول العربيه
حتى الاكثر تشدد بالاسلام اصبحت الظاهره فيها
عوامل كتير مع العلم ان اليقين في مبدء الدين شيئ
والربط بعوامل شيئ تاني خالص
انما مؤكد في عوامل ساعدت ده
في خلل وقصور واهمال بطرق مختلفه ومتنوعه

ما هو لما تشوف مدرسه مش فيها مادة القرآن مثلا ولا الدين متخيل الناتج ايه ؟
والغريب بردوا لما تشوف مدرسه مدرسين الدين فيها اصلا غير مؤهلين
تفتكر الناتج بردوا ايه ؟
الفكره مش فكرة رأي اخوان او غيره زي ما حضرتك تكرمت
مع احترامي للجميع ومع تأكيدي العلني والمنتهي لكرهي لكل ما هو اخواني
واعتقد الغالبيه هنا عارفين عني ده
الالحاد متنوع المصادر ومتعدد الجبهات وفيه انواع كتير من الالحاد دلوقتي
جيل بالكامل افتقد الانتماء للبلد وده جزء من خطه لتخريب البلد وبعتبر ده الحاد غير صريح ولا مباشر
ولما تشوف بردوا في شغلك ناس نايمين في عز عز العسل وبيترقوا ويحصلوا على كل المنح والهبات وانت مموت روحك وبكل ضمير !
ما انت لازم تلحد بالمبادئ وتلحد بكل شيئ حواليك
ولما تشوف فوق عالم النت
الالحاد والعنصريه بعينها والتفرقه علنيه والمجاملات شغاله الله ينور
المحصله كلها تتوقعها ايه يا اخي الكريم ؟
في قصور وخلل وامور مستفزه حوالينا
محتاجه تصحيح وتصليح وهيكله
محتاجه ناس عندهم ضمير وبيراعوا ربنا
محتاجه ناس بتدي كل مخلوق حقوا
عارف ان يمكن اكون خرجت شويه عن الموضوع
انما لو حضرتك وباقي الاخوه تعمقوا
هيعرفوا ويحسوا ان اغلب كلامي منطقي مش فلسفي
الغريب والمحزن
اللوم على الناس !
بكرر اخي الكريم
محتاجين عشرين الف ثوره جوانا
ثورة ضماير
ثورة قيم
ثورة تصحيح مسار
وللعلم
وبرغم كرهي للاخوان وبقولها علني
انما فرحان بيهم
تعرف ليه ؟
أكدوا لي فكره
اننا مهما عملنا ثوره
مسيرنا الرجوع للخلف
ربنا يحفظ كل الاحوال
وشاكر كرمك وفضلك وموضوعك اللي خلاني اطلع شيئ من كتييييييييير جوايا واتمنى منك كانسان قبل ما تكون صاحب منتدى تحس بيه
واعتبر ردي على حضرتك
جزء من كتيييييييير
اشكرك كل الشكر
ومؤكد الموضوع لازم يستحق خمس نجوم
مش لان حضرتك مدير مع الاحترام عشان عارف ان ردودي بتتحاسب بالشوكه والسكينه
انما عشان موضوعك قوي وواقعي ومؤثر
ربنا يحفظك ويحفظ الكل اخي
احترامي

[Mahmoud Kamel]

اقتباس المشاركة الأصلية كتبت بواسطة ساحر الأحزان الفيديو ألى أنت حطيتة وبيمزق كتاب الله هل دة شكل واحد عندة ثقافة ومعرفة ,فى حرية التعيش وهو بيمزق كتاب الله من غير مراعاة لشعورنا ولأ أى أحترام وبعدين أزاى مفيش ألهة ولا ايمان بيها وأى حرية تعايش بتسمح لناس زى كدة أنها تعيش وسط مجتمع بيؤمن بالديانات يمكن أفتكرت بموضوعك الدكتور نصر أبوزيد ألى ألحد وتم التفريق بينة وبين زوجتة لأنة كدة بيدخل فى نطاق الكفر والعياذ بالله طالما مفيش عندة أيمان وأعتقادة بقدر الله عزوجل يبقى ميعشى على ارضة انت فكرتنا بعبدة الشيطان من تانى مع الهوجة الى جاية دى جميل يا حودة موفق

اولا سعـدنـي مرورك يا أمجـد وبرائيك المميز ,

احـب اقولك دا جزء من فيديو كبير الجزء دا اقـل شويه فِ الاساءه وقله الادب اللي بتحصـل منه
الشخص دا مسمي نفسه ع اليوتيوب محارب الله ورسوله (استغفر الله العظيم)

الاشخـاص اللي زي دي بتكـون ياما ملقتـش طريق الصح والناس اللي ترشدهم
ياما مشـاكل دنيويه ودا احنا بنسميه مرض نفسي ربنـا يشفيهم ..

[Mahmoud Kamel]

اقتباس المشاركة الأصلية كتبت بواسطة نجم وزهره ومسافات فراق اخي الكريم اسعد الله كل حياتك قريت موضوعك وبدون ما اشوف الفيديو مش بحب اشوف النوعيات دي مع الاحترام لكلامك تعليقي ظاهرة الالحاد مش بمصر وبس اخي الكريم انما اصبحت بكل الدول العربيه حتى الاكثر تشدد بالاسلام اصبحت الظاهره فيها عوامل كتير مع العلم ان اليقين في مبدء الدين شيئ والربط بعوامل شيئ تاني خالص انما مؤكد في عوامل ساعدت ده في خلل وقصور واهمال بطرق مختلفه ومتنوعه ما هو لما تشوف مدرسه مش فيها مادة القرآن مثلا ولا الدين متخيل الناتج ايه ؟ والغريب بردوا لما تشوف مدرسه مدرسين الدين فيها اصلا غير مؤهلين تفتكر الناتج بردوا ايه ؟ الفكره مش فكرة رأي اخوان او غيره زي ما حضرتك تكرمت مع احترامي للجميع ومع تأكيدي العلني والمنتهي لكرهي لكل ما هو اخواني واعتقد الغالبيه هنا عارفين عني ده الالحاد متنوع المصادر ومتعدد الجبهات وفيه انواع كتير من الالحاد دلوقتي جيل بالكامل افتقد الانتماء للبلد وده جزء من خطه لتخريب البلد وبعتبر ده الحاد غير صريح ولا مباشر ولما تشوف بردوا في شغلك ناس نايمين في عز عز العسل وبيترقوا ويحصلوا على كل المنح والهبات وانت مموت روحك وبكل ضمير ! ما انت لازم تلحد بالمبادئ وتلحد بكل شيئ حواليك ولما تشوف فوق عالم النت الالحاد والعنصريه بعينها والتفرقه علنيه والمجاملات شغاله الله ينور المحصله كلها تتوقعها ايه يا اخي الكريم ؟ في قصور وخلل وامور مستفزه حوالينا محتاجه تصحيح وتصليح وهيكله محتاجه ناس عندهم ضمير وبيراعوا ربنا محتاجه ناس بتدي كل مخلوق حقوا عارف ان يمكن اكون خرجت شويه عن الموضوع انما لو حضرتك وباقي الاخوه تعمقوا هيعرفوا ويحسوا ان اغلب كلامي منطقي مش فلسفي الغريب والمحزن اللوم على الناس ! بكرر اخي الكريم محتاجين عشرين الف ثوره جوانا ثورة ضماير ثورة قيم ثورة تصحيح مسار وللعلم وبرغم كرهي للاخوان وبقولها علني انما فرحان بيهم تعرف ليه ؟ أكدوا لي فكره اننا مهما عملنا ثوره مسيرنا الرجوع للخلف ربنا يحفظ كل الاحوال وشاكر كرمك وفضلك وموضوعك اللي خلاني اطلع شيئ من كتييييييييير جوايا واتمنى منك كانسان قبل ما تكون صاحب منتدى تحس بيه واعتبر ردي على حضرتك جزء من كتيييييييير اشكرك كل الشكر ومؤكد الموضوع لازم يستحق خمس نجوم مش لان حضرتك مدير مع الاحترام عشان عارف ان ردودي بتتحاسب بالشوكه والسكينه انما عشان موضوعك قوي وواقعي ومؤثر ربنا يحفظك ويحفظ الكل اخي احترامي

بص يا نجم هو الموضوع ملوش دخـل بالالحـاد ولا خروج عن الموضوع المحدد
لكن خلاصـه كلامك عن الاشخـاص اللي مش بتراعي ضميرهـا ممكن تتلخصـه فِ " عدم الانتماء " وهو لامبالاه فِ العمل وواجبـات مطلوبه منهم ودا بيعود من تـاثيـر اسباب منهـا عدم الاكتفاء الذاتي منها الدخل المعيشي والـخ

احنـا مش بنهاجم جماعه الاخوان فِ عقيدتهـا لكن بنهاجم حكـومـه مش عارفه تديـر بلد واعتقـد خروج الحكـومـه الحاليـه هيكون بـ ثوره اصعـب من اللي عدت واعتقـد برضه هيبقي فِ خسائر كتيرة بس ربنـا رحيم

اشكرك ع رائيك ومرورك الكريم اخي نجم

أحترامى

[حنـــــون]

الانسان فطرته اصلا فى الحياه
انو مهما عاش ومهما وصل لاسرار الكون
بيدور ع الدين كل محاولاته بتكون للوصل
لمعتقد يقدر يعيش بيه ويحس انو بيحكمه
حتى الملحد بيعيش بمعتقد ولكنه معتقد متطرف يعنى
فكره مش مفهومه لعجز عقله على استعاب وجود الله
اما وجوده فى الحياه فاطلما مش بيسئ ليا ولا لدينى
مااقدرش اتبع معاه غير الى دينا امرنا بيه
<<فذكر انما انت مذكر لست عليهم بمسيطر >>
شكرا لموضوعك ياحودا

[۩۩ elMagic ۩۩]

انت مستني راى الاخوان
وانا مش منهم اكييد ..
بس هأقولكـ إن الدين الاسلامي مش بيجبر حد ع إنه يقتنع به
وطالما مفيش اى تعدي ع الحدود يبقى كل شخص بيمشي حسب دماغه
لكن بالنسبه للشخص الملحد داا
داا متخلف أصلا ودماغه تعبااانه
ربنا يهديه ويهدي كل اللى زيه ..

[Words Whisper]

الإنسان بدون توجه ديني أيا كان
بيكون في حالة صراع ذاتي
لأنه بيفتقد لسمو الروحانيات ..


أنه شخص يقرر أنه يكفر بكل الأديان
يبئا دا بردو إنذار خطر
أنه لغة الخطاب الديني عامة غلط
ومش بتعرف تُخاطب عقول الناس
ولا تعطيهم انتماء لدينهم
وأننا بنفتقد لعلماء دين بحق
أصل لما واحد يروح يسأل شيخ عن مسألة فقهية ويقولوا اعطيني رد
ويلئا الشيخ مش لاقي رد ويقوله طيب اقنعني بالدين ويلئا الشيخ مش عارف يخاطب عقله
يبئا دا مش عالم دين ويبئا هو طرف في اللي وصل شخص انه يكفر بالأديان
منطقيا الكون مش ينفع ييجي صدفة
كل حاجة منطقيا بتُثبت أنه فيه إله أعظم بيُصرف الكون
طيب أنا واحدة الله كرمني وعارفة أتفكر في الكون بشكل أثبت لي وجود الله
فيه واحد تاني عقله مش هيفكر فيها كدا وعايز اللي يرشده
ولما يفتقد اللي يرشده ؟؟؟
الإنسان بفطرته لايتقبل كونه بلا حياة روحانية
قبل مايوصل لمرحلة الإلحاد بيمر بصراع نفسي يُخالِف فطرته
المشكلة انه مش يكون موجود اللي يجعل حالة الصراع دي تستقر بشكل صح ..


بعيدا بئا عن كل دا والأسباب وماإلى ذلك
عقيدة الشخص من حقه تماما سواء كافر مشرك دا حقه
والله كفل للإنسان حرية اختيار عقيدته في الحياة
وأنا مش عندي مشكلة مع التوجه العقدي لأي شخص
لكــــــــن احترام دين الآخر زي ماهو واجب عليّ واجب عليه
مش عايز تؤمن بإله انت حر لكن مش أخلاق ولا حرية أنك تُسيء لعقيدة غيرك
أيا كان السبب ثم أن الأديان مش أشخاص فيما عدا الأنبياء هم من يُقاس الدين بهم
فـ الإسلام مش الإخوان ولا السلفيين ولا الشيخ فلان ولا أسماء ولا أحمد ..


موضوع قيم
شكراً ..
دوام التوفيق ..

[تيتشر نفشه ツ]

الي ف الفيديو دا استفزني جدااااااااااا
ولاء طبعا احنا مانتحمل نعيش مع ملحدين بالشكل دا
المفروض الي زي دا
واللي زي الاشكال دي يحرقوهم ويمحوهم من وش الدنيا

ايه الغباااااااااء دا .. !!

[عاشقة ذكر الله]

أكيد الشعب المصرى متدين بطبعه
بيفضل يحاول إنه يلاقى اله يعبده طوال حياته
بتختلف من تفكير و إيمان شخص لآخر
كان الملحدين قبل الثوره محدش يعرف عنهم حاجه خالص و كلن بعد الثوره
ظهروا و بطريقه كبيره أعدادهم تزايدت جامد
أكيد انهم ليهم حريه العقيده على الرغم من انهم هيمثلو خطر على المسلمين
لقول الله ( لا اكراه في الدين )
ولكن لابُد من الإلتزام بمبدأ حريتك تنتهى عندما تبدأ حريتى
يعنى احنا نحترمهم و نحترم ديانتهم و هم فى المقابل يحترمو ديننا
و كل واحد له حريه الديانه
،،
يسلمووو لموضوعك القيِم