انا مش من الاخوان بس مينفعش الى بيحصل

[اميرة الحب الضائع]

بسم الله الرحمن الرحيم

بصو يا جماعة الموضوع الى هتكلم فية استفزنى جدا جدا

اولا انا مش اخوانية ولا بابا ولا ماما يعنى مليش اى علاقة با الاخوان

انا كنت ضد الثورة بس مش معا حسنى مبارك

انا كنت ضد الطريقة الى مشى بيها معا انو يستاهل

خلص موضوع مبارك جلنا مرسى اصدى الرئيس مرسى

اولا فى المرحلة الاولة بابا وماما انتخبو عبد المنعم ابو الفوح

وفى المرحلة التنية مكنش فى خيار اختارو مرسى

الامر فى الاول مشى تمام بس بعد كدا العصر الى كنا رسمينو انو هيبقى عصر النهضة

اتئلبت النهضة لكبوس وكل الاحلام اتئلبت

مرسى مينفعش رئيس بس المفروض نقول الكلام دة بحترام وبكل ادب

انا منكرش انو برضو يستاهل لانو مئخدش قرار حاسم ضدهم

بس انا لما بفكر بقول معاة حق انو لو اخد قرار حازم ضدهم هيتهمو بكبت الحرية

طيب هية الحرية اننا نغلط فى شخص حتى لو بختلف معاه فى الرئى او فى القرارات

انا عندى تشبية بسيط
اعتبر ان مرسى دة واحد اريبك وانت متخانق معاة وانا جيت وشتمت فية

رد فعلك هيبقى اية هدافع عنو ولا

انا بتغاظ جدا لما شوف حد بيشتم فى الريس
انا مش معاة بس مينفعش اشتم لانو انا بحط نفسى مكانو
بشوف لو حد اتريء عليا انا هعمل اية

لا ومش بس تريئة على الريس كمان فى الشيخ محمد حسان

كان فى موضوع بيتريء على الشيخ محمد

الصراحة انا اتنرفزت جدا وكان ردى مش لطيف انا بعتزر للعضو الى نزل الموضوع

بس الصراحة انا عمرى مشفت خطء من الشيخ محمد ابدا با العكس انا مبسمعش اى برا مج دينية بس لما بيجى برنمجو لا زم اسمعو

يا جماعة مينفعش نغلط فى حد مسئلناش بشء

حط نفسك مكانو شوف هتعمل اية

النقاش مفتوح عيزة اعرف ارء الجميعوبكل صراحة فى الى التو

واركم هى الرئيس مرسى لو كنتو مكانو

[شاعرة الرومانسيه]

حبيبة قلبى انتى ليه متنرفزه انتظرى شويه

وان شاء الله لا هتلاقى كهربا ولا ميه ولا حاجه خالص

انتى مش مدركه بالكارئه الى احنا فيها ولا ايه

شوفى حبيبتى نهر النيل بتاعنا والى جرالنا

نهر النيل من عند السودان المياه البيضاء مثل الرجل الهرم الكبير بالسن

يصل الينا تاتا ضغيف جدااااااااااااااااااااااا

لولا مياه البحر الازرق وهى التى تدفع المياه بسرعه رهيبه

ولولاها ما وصلتنا حصتنا من نهر النيل ولا اشتغل السد العالى ولا زرعنا اراضينا

اوعى تنسى ياقمر اننا بلد زراعى

ولما السد يفام بأثيوبيا ان شاء الله مصر هاتتشل

ولا كهربا ولا ميه ولا زرع

احنا فى كارثه ياقمر فوووووووووووووووقى ولسه بتقولى مورسى

ياااااااااااااااااااااارب يكشف عنا الغمه من مرسى ومن الأخونه الى شيعتنا

سورى ياقمر دى وجهة نظرى وملاييييييييين من الناس الى بتحب مصر

[حلم عمري]

استوقفتني بعض النقط في موضوعك واسمحيلي ارد عليها وارجو احترام وجهات نظر

بشوف لو حد اتريء عليا انا هعمل اية

انا معاكي ان الحكاية زادت عن حدها شوية بس يعني اسمعي خطاباته وقوليلي ردة فعلك انا اسفة بس دا شخص مش مؤهل انه يقف يتكلم ويمثل بلد كفاية الفضيحة اللي حصلت في الحوار الوطني

يا جماعة مينفعش نغلط فى حد مسئلناش بشء

ازاي مسئلناش وسد النهضة دا ايه دي كارثة بكل المقاييس دا السادات اما حصل الموضوع دا علي طول دمر المعات قبل ما تبدا في حاجة انتي مش مدركة يعني ايه حصة النيل من المياه تقل 60% يعني ممكن نموت من العطش دا غير الكهربا اللي بتقطع الناس اللي بتموت وبعدين انا لو مش بعمل حاجة غلط وحد اتريق عليا هتضايق لكن لو انا بعمل حاجة غلط وعارفة دا والناس اتريقت عليا اتضايق ليه طب ما ابطل الغلط اللي انا بعمله
لذلك انا شايفة انه لو قعد الاربع سنين ممكن البلد تضيع وهو لو بيحبها فعلا يسيبها
وومكن اسال سؤال انتي لو ماجرة اوضة في شقتك لشخص لمدة سنة وبعد شهر اكتشفتي ان الشخص دا مش كويس ووجوده غلط علي اهل البيت هل هتمشيه ولا هتسيبيه يكمل السنة؟
اسفة اني طولت بس انا الصراحة قلت حاجات كتير كان نفسي اقولها
عشان كدة بشكرك جدااا علي التوبيك الرائع دا

[big bốss]

مفيش رد اضيفه اكتر من الى قلوه حنين و وفاء

ازى مش اساء امال مستنيه يعمل أيه فينا اكتر من كدا

و بعدين من حق اى حد يقول رؤيه فى قائد بلده

هو القائد لازم يتقبل كدا مش عجبه يسيب الحكم

و بعدين هو يعنى حاسس بكر الشعب له ولا بحاجه خالص

مفيش فايده صدقينى

[اميرة الحب الضائع]

يا جماعة انا مقلتش ان مرسى ملاك نازل من السمة

انا عرفة ان الى عملو دة غلط ون هيودينا فدهية من الى بيعملو وهو اصلا مينفعش يشتغل فى السياسة

مش يبقى ريس بس انا بتكلم على التريئة الى بتحصل والسخرية

انا مش بقول نسكت ومنعملش حاجة لا طبعا ناخد موقف لا زم نتحرك حركة ايجابية

بس من غير سخرية انا مئلتش ان السد دة مفيد ولا الت ان انا مويداه ولو انا كان هينفع اخرج يوم 30/6 كنت خرجت ومترددتش

لان كونو يكمل 4 سنين دا شىء مستحيل

بس انا بتكلم عن مسئلة السخرية مش اكتر بتكلم عشان واحد من الاخوان تافة معندوش مسؤلية يغلط

يبقى كل الشيوخ والعلماء الاسلاميين

مينفعش انا اخد الكل بزنب واحد صح ولا كلامى فى غلط

[خارج عن القانون]

ده التوبيك معمول ليا انا مخصوص

بصى يا ستى

فى البداية كده الحوار ماكنش محتاج اى اعتذار


انا اساسا مكنتش فاكر اى حاجه الا لما قريت التوبيك كويس

ودخلت ع التوبيك اللى انتى رديتى فيه علشان اشوف ردك وردى عليكى

وردك كان عادى جدا ومفهوش اى حاجه ومش لطيفة

وانا لما بكلم عن مرسى او عن محمد حسان او عن اى شخص ماسك منصب شرفى او تنفيذى

فانا بتكلم لمنصبه وليس لشخصه

وعن قريب هنزل موضوع اوضح فيه الفرق بين الاتنين

وعن قريب كمان انتى هتيجى وتقولى كان معاكو حق وربنا ياخد الاخوان

[سيناا]

اختي اذا بدك رأي بكل صراحة




انا ما بعرف كتير بالسياسات الى ع تصير في مصر لكن بسمع وبتابع وبصدق ومرات ما بصدق




بقلك وبكل صراحة اختي ما بينفع ابدا ابدا بلد عظيمة زي مصر يحكمها حد من الشعب يعني بين قوسين ( مدني )




بعترف ان مبارك سوى وعمل ويمكن اساء والله اعلم طبعا وهذا الشي الى بقولوا مش مثلا حبا فيه او كره ايضا لا لا




بشوف ان رئيس خدم بلد مثلا 30 او 40 سنه مش حلوة بحق شعب عظيم زي مصر هيك ينهان رئيسهم السابق




مستحيل اوكي لنفرض حكم 30 سنه طيب مافي ولا 10 سنين منهم كان كويس وكانت قونينه ترضى فئة كبيرة من الناس




الشعب لما يدلع وتصير الكلمة بأيده صدقيني البلد ما راح تستقر ابدا




انا مع حقوق الشعب اكيد لاني منه ولكن انا مش مع همجيته




مصـــر بدها رئيس اول ما يطلع يلقي خطاب الناس كلها تجلس وتسمع وتفهم زي السادات الله يرحمه



هيبة وشجاع



مش لما يطلع مرسي الناس كلها تطلع وتسمعه علشان تضحك ع كلامه




هاي بلد كبيرة




بدها قبل اي شيئ رئيس له هيبة وحنكة وشخصية



ومستحيل نلاقي هل الأوصاف في الشعب




راح نلاقي في الجيش العسكري وبس





مهما صار حتى لو راح مرسي وجاء بعده مدني نفس الشي راح تولع




بس لما يمسكها شخص لما يقول بس يعني بس




مش بس حبابين مشان الله كرمالي



هـاي مصر واجهة الوطن العربي

[أحمد الخزرجى]

مبدأيا عاوز ااقول ان التريقة على اى حد عموما حاجة ما تصحش ومش اخلاقنا ..
والرئيس حتى لو كانت صورتة مهزوزة الا انه بيمثل مصر " رئيس جمهوربة مصر العربية "
وقلة الادب والشتيمة والتريقة عليه متنفعش .. العرب والخلايجة بيمسخرونا وبيقولو شوفو بتقولو ايه على ريسكم .. مع ان حكامهم نافخينهم فى الغالب .. ومعندهمش المساحة دى فى دولهم .. اللى عنده عيب فى الذات الاميريه .. واللى عنده عيب فى الذات الملكية .. واللى عندى عيب فى نظام الامارة .. واللى واللى واللى .. واللى بيفتح بقه .. بيروح ورا الشمس ..
وبعدين مش دا اختيار الناس .. مش دا الرئيس الشرعى .. حتى وان كان ضعيف او او او او .. الا انه جه بشكل شرعى ورئيس البلد الشرعى .. ونبينا الكريم صلى الله عليه وسلم قال " كما تكونو يولى عليكم " فببساطة اذا كان الراجل اختيارنا وبنهينه .. فإحنا بنهين انفسنا وبلدنا احنا ..
ثانيا : حكاية سد النهضة دى مش اكتر من عمليه سياسية بحتة للضغط علينا عشان ما نعدلش اتفاقية السلام بينا وبين اليهود .. والدليل ان الممول الاكبر اسرائيلى .. وان العلما الاثيوبين قالو ان مكان السد ما ينفعش ومش هيصمد لأكتر من 15 سنة وهينهار ..
الحكاية بكل بساطة .. ضغط على مصر لاخضاعها .. والسد دا بأى شكل من الاشكال مش هيكمل وفى يوم هتقولو الفقير الى الله قال ..
حد فيكم سمع عن مشروع جونجلى .. والمهندس ماجد مسعود ؟؟ !!
يا اخوانا عشان ابنى مصنع اشفل فيه 1000 عامل عاوز سنتين تلاتة على ما المصنع يشتغل ..
الثورة الفرنسيو فضلت 70 سنة .. ليبيا لسة بيدبحو فى بعض .. تونس لسة بيدبحو فى بعض .. اليمن نفس الحكاية ..
الرسول صلى الله عليه وسلم بشرنا : ان الامم ستتداعى علينا كما تتداعى الاكلة على قصعتها ..
كل الدول عاوزة تمص خيرنا وتاكل بلادنا وفى سبيل ده بيسخرو فلوسهم واعوانهم اللى للأسف مننا عشان يساعدوهم على ده ..
وللأسف احنا عملنا فى نفسما اللى ماكنش يخطر فى اكبر احلام اعداء بلدنا ..
ربنا يسهلنا كل خير لبلادنا ولكل المسلمين فى الارض ..
الخزرجى

[نجم وزهره ومسافات فراق]

طيب وايه اللي ينفع يا اميره !
الناس تموت بعض دون رادع !
انتشار البلطجه بابشع الصور واكتر من ايام الحكم السابق !
انتشار قوانين غبيه وساذجه وهدامه !
تكفير البعض واسلمة البعض بالمزاج !
من ليس معنا فواجب اقامة الحد عليه !
ايه يا اميره ينفع
زيادة اسعار واصبحت نار
فساد بصور اقوى وافظع
انقطاع عن قصد للنور والمياه بحجج ساذجه وعبيطه وغير مقنعه
ايه ينفع يا اميره
انا اصلا مش فاهم الناس دي اسلاميين ووعاظ ولا سياسيين ولا ايه نظامهم
وربنا حيرونا بجد
والموضوع اصبح بارد وممل وخنيق

طيب السؤال يا اميره
ايه الخير اللي تم عملوا من الجماعه دي للبلد ؟
بجد يا اميره
لا تعليق عشان انا خلاص فاض بيا كمواطن مصري شايف البلد امنيا واقتصاديا وسياسيا بتنهار
شكرا اميره