رأيك فى خطاب الرئيس مرسى

[ᗩ ᕼ ᗰ ᕮ ᗪ]

أسيل

عايزة تعرفى رأيى دلوقتى بإختصار شديد

شوفى اللى بيحصل حالاً لمقرات الاخوان المسلمين

يعنى بالتأكيد رسائل الرئيس وصلت لأصحابها

وانتظرى منى التفاصيل مرة اخرى

وانتظرى القادم من تغيير اوضاع على الساحة

تحياتى

[βỊиŢ ξŁMĄŊŞΘЦЯĄ]

رأي انه راجل بيحب الرغي وهو ده ال هو فالح فيه
من اول الخطاب لاخره مشفتش حاجه مفيده
فعلا كل ال هامه هو شفيق من الثوار طب مش عارفه مين كدا من الثوار
ولا قال اي حل ف ازمه السد ولا البترول ولا اي حاجه خالص وبعدين قاعد 3 ساعات ف خطاب يعني مش ده اهدار للكهربا يعني ولا احنا بس ال يقولولنا وفروا ف الكهربا :d والنهارده النور قطع 6 مرات
وعمال بيتكلم وبيلقح بالكلام في رئيس بيلقح بالكلام ده خطاب مسخرة والله
يااااااااااااااااااااااااااااااااااااااااااااااارب ارحمنا برحمتك يارب

[بلدنا في القلوب متشاله]

هو احنا مجرد اننا بنفش غلنا ونشتم وخلاص في مرسي

المفروض برضو مننساش انه رئيس زي ما عمو مبارك كان رئيس وكان مستحيل اننا ننطق بكلمه عليه

ورأيي بقا في الخطاب انه كان خطاب جميل وكان خطاب جرئ وسمعت بعض كلامه وريحنا وشوفوا المؤيدين في التليفيزيون اد ايه بعد الخطاب كمان
واكيد طبــــــــــــــــــــعا فيه معارضين

ربنا يسترها ياارب

شكــررا

[حَرفُُ هجآءّ]

اقتباس المشاركة الأصلية كتبت بواسطة سـsasoـاسـو صراحة حوار فظيع جدا وينرفز مفيشوش اي جديد او تقدم بالعكس كان خطاب يخنق وبما انكـ فتحتي الموضوع في سؤال هيموتني من سعت ما بقي رئيس هو لية دايما بيكلم باللغة العامية وبالبلدي غير كدة انتوا بيتلغبط كتير في الكلام هو يعني محدش بيحضر لية الخطاب ولا اية اصل دا مش منظر خطاب رئيس دا منظر خطاب علي القهوة

على فكرة احنا كده الشعب المصرى مش بيعجبنا حاجه
الشعب المصرى مش كلهم فئه متعلمه وتعى العربية الفصحى
واذا كان تكلم بالطريقه دى ده لتوصيل كلامه للغالبية بالطريقه اللى يفهموها

نورتى

[رووكه]

اقتباس المشاركة الأصلية كتبت بواسطة بلدنا في القلوب متشاله هو احنا مجرد اننا بنفش غلنا ونشتم وخلاص في مرسي المفروض برضو مننساش انه رئيس زي ما عمو مبارك كان رئيس وكان مستحيل اننا ننطق بكلمه عليه ورأيي بقا في الخطاب انه كان خطاب جميل وكان خطاب جرئ وسمعت بعض كلامه وريحنا وشوفوا المؤيدين في التليفيزيون اد ايه بعد الخطاب كمان واكيد طبــــــــــــــــــــعا فيه معارضين ربنا يسترها ياارب شكــررا

اكيد انتى مش بيقطعو عليكى النور

احنا مش بندافع لا على مبارك ولا مرسى

احنا بندور على بلد بتوقع وبالفعل ابتدى الخراب

ربنا يهدى الجميع

[حَرفُُ هجآءّ]

اقتباس المشاركة الأصلية كتبت بواسطة رووكه ديه ربنا كرمها انها مش لحقت الحوار بجد مش لقيت اى حاجه مفيده البلد بتولع بره وده كل همه مين خرج من السجن شفيق عمل ايه واللى ينرفز انه كان عاوز ينزل فى طابو العربيات علشان البنزين والله وجع قلبى ههههههه والمصيبه الاكبر انه عمال يمدج فى وزرته والبلد وقفه على رجل بسببهم اقول ايه الله المستعان خلى اللى مش هينزل اليوم ده بعد خطابه هنزل واحنا منهم أأن شاء الله

صح ان الخطاب منفصل عن الواقع فى الشارع
لكنه كان ضرورى
عشان نعرف فلوس البلد راحت فين
وادام تم نبش قبر السرقه اكيد اكيد هيتم تصحيح وضع كل مؤسسه
وهو مستحيل يطلع فى الخطاب ويتكلم عن 30/6
او ان فى مخاوف من اليوم ده
والخطاب مش هرجع حد عن اللى فى دماغه
او انه مش هينزل
لا اللى عايز ينزل ينزل بس يحط فى دماغه ان دى بلده
واى تخريب هيعود عليه اولا
نورتى

[بلدنا في القلوب متشاله]

لا ان شاء الله بس الناس تهدى ونتفرج على اللي بيتعمل على رواقه

مش كل لما يصلح حاجه الناس تخربها وهو ملحقش يشم نفسه

والنور انهارده قطع مكملش عشر دقايق ومره واحده

شكــراا

[عذب المعانى]

ولسة يا امة تشوف يا شعب مصر



لم الشعب يعامل الضمير ربنا سعتة يعنطى حاكم عادل


مال مرسى حتى لو رجع مبارك مفيش جديد غير لم نتغير

مفيش تغير من غير سلاح الايمان

عدم التقليل من شان الاخيرين

انا لالا اتمنى لاى فصيل

لكن صعيدى حر

اللى يكلم لازم من اداب الحوار الاحترام المتبادل


من اصغر كلمة لالا اقصد احدى بشى

الله ربى ونعمة الوكيل

[حَرفُُ هجآءّ]

اقتباس المشاركة الأصلية كتبت بواسطة ۩۩ elMagic ۩۩ شوفتوا صباعه وبيهدد الفاسدين إن مكانهم فى السجن لا حمش ي برنس خطاااب مفهمتش منه اى حاجه جابلي الضغط وخلاص بقآ عمل زي اللى جيه يكحلها عماها اسمعوا بقآ الانجاز الجديد لـ مرسـي أول رئيس منتخب عمل خطاب يوم الاربعاء خلص يوم الخميس ربنا يستر والله ,,

شوف صح ان الخطاب مش فى وقته الصحيح
وكان حصاد الانجازات للعام السابق اكثره سلبى
وصحيح انه اعترف انه فشل
لكن
وضحلنا بعض الاشخاص من النظام السابق الحرامية
واللى هما حاليا بيجمعوا الشعب وراهم
واتمنى تنفيذ قراره بتكليفه للمحافظين والوزراء
باقاله الفاسدين
بجد الفساد موجود فى كل مؤسسه فى الدوله
لو قولنا روؤساء الاحياء معظمهم فاسدين
وتحت منهم مهندسون فى الادارات الهندسية
المسئوله عن كل الابنيه المخالفه من بعد الثورة
البلد محتاجه تطهير
سواء مع مرسى او مع غيرة
نورت احمد

[حَرفُُ هجآءّ]

اقتباس المشاركة الأصلية كتبت بواسطة A H M E D أسيل عايزة تعرفى رأيى دلوقتى بإختصار شديد شوفى اللى بيحصل حالاً لمقرات الاخوان المسلمين يعنى بالتأكيد رسائل الرئيس وصلت لأصحابها وانتظرى منى التفاصيل مرة اخرى وانتظرى القادم من تغيير اوضاع على الساحة تحياتى

ربنا يستر على البلد وفى انتظارك