رأيك فى خطاب الرئيس مرسى

[morshooo]

طيب اتتا طلعت واكلمت
وحللت الكلام الى بتقوله
وواقف على رجلك بقالك ساعتين ونص
وعمال تكلم عن انجازاتك الوهميه
طيب انا كنت عايز اعرف حاجا
فين قطار الصعيد الى مات فيه اكتر من 50 طفل
فين مقتل الجنود المصريين الى بيحمو حدودك
الى اضربو بالنار وقت الفطار وفى شهر رمضان
فين الجنود الى اتخطفت وقعدت 4 ايام
وعملتو علينا فيلم هندى انكم لقتوهم فى الصحراء
شاطر انتا بس تقولى ( معرفش مين من الدقهليه
ومين من الزقازيق والواد بتاع المعادى والى بياخد
20ج عشان ينزل السكينه بتاعت الكهرباء )
يعنى عرفت البلطجى بتاع الزقازيق ومعرفتش
الى قتل جنودك ^_^
خطاب ايه الى اكلم فيه امبارح اول مرة اشوف رئيس
طالع يقول فى اسماء ناس ويقولك هو دا كان ثورى
( مكرم محمد احمد ) ^^
الى كل الى بيملكه كام سطر فى الاهرام كل يوم
حطه من ضمن اعدائك ياخى حرام عليك والله ههههههه
وعلى الى كاتبلك الخطاب وانا متاكد ان الخطاب جايله
فى ظرف من مكتب الارشاد كالعادة ^_^

[كوين ميرو]

اقتباس المشاركة الأصلية كتبت بواسطة a h m e d تقصدى النائب العام السابق عبد المجيد محمود اللى دافعتوا عنه وانتقدتوا الرئيس لما اقاله

بلاش اسلوب قلب الحقايق ده يااحمد محدش دافع عن عبد المجيد محمود

بالعكس كانت اقالته من طلبات الثوار بس مش هنشيل نائب خاص مبارك

ونجيب نائب خاص مرسى مش هنجيب ....... جديد للسلطان

الطريقه اللى تم تعين بيها النائب العام هى اللى اعترضنا عليها علشان تخوفنا انه يكون مجرد اداه فى ايد السلطه

وده اللى اثبته النائب العام بجداره من ساعه تعينه بدايه من الاتحاديه لحد يومنا الحالى

وشوفنا انه مجرد اداه ودرع حمايه للسطه مش اكتر

[toty tota]

ممل ومافيش فيه جديد وفاشل حتى فى الاقناع
وكتر الكلام مابيجبش نتيجه اهو اتكلم كتير ومحصدش غير الفشل والاخطاء فى كلامه وبس
واموت واعرف باه فين حصاد السنه الى كان جاى بيبشرنا بيه انا كنت حاسه انى اعده اسمع قصص وحوارات واعداء مش موجوده الا فى دماغه هو وحزبه بس كلنا عاوزين الخير لبلدنا بس هما بتهيألى من كتر شكهم فى الناس عشان يبرارو فشلهم انهم ياحرام متحاطين باعداء عاوزينهم يفشلوا
ربــــــــــــــنا يسترها من الجاى يـــــــــــــــــارب

[واد حبيب]

عيب يا جماعه عمو مرسي اللي ربنا ينتقم منه ده زي العسل محدش يقول عليه وحش
اصل اللي هيقول غعليه وحش يكون بيكرمه اصل هوه اوحش من الوحش
الخطاب بتاع امس ده كان كله تهديد للي هيحصل في 30 \6
طول الحوار عمال يقول البنزين خلاص مفيش في اي مشكله والمشكله زادت عن الاول
بيقول شوفو اول سياره صنع في مصر طيب يا عم مرسي احنا هنصنع سيارات وباقي الشعب يموت من الجوع
بيقولو دكتور مرسي وحافظ القراءن وهوه مش حافظ الايات اللي قالهم حتي جابهم من الورقه وبرده مش عارف يقولهم بيقولك بقايا نظام مبارك علي كده بقايا نظام مبارك احلي من امثالك يا عم الامور
ربنا يريحنا منك ومن الاخوان ومن المرشد بتاعكم ومن بقايا مبارك يا شيخ

[Mo chahin]

الحوار كالعاده كله وعود كاذبه .. وتهديدات سخيفه ..

منتظرين ايه من واحد بياخد اوامره من الشاطر .. اللى بياخد اوامره بدوره من امريكا !!

ودلوقتى امريكا هتتخلى عنهم وهتضحى بيهم زى ما الاخوان هيضحوا بمرسى ان اضطروا ..

منتظرين ايه من واحد سلبى كل اللى بيهمه اهله وعشيرته ؟

كالعاده حوار اهبل وعبيط ومفيهوش جديد بالمره ..

والادهى بقى انه يقول ان موضوع الـ ( بنزيم ) شائعه .. لا والنبى ؟

دا على اساس انك بتنزل كل يوم وتقف فى طابور البنزينه اربع خمس ساعات ؟؟

ولا على اى اساس دى اشاعات ؟؟

اشمعنى دلوقتى بيدعو للحوار الجماعى ؟؟ .. ما كان عندك سنه بحالها تقدر تشتغل فيها كويس ..

وتتحاور وترفع من شأننا بدل مانت عمال تنزل فينا لسابع ارض ..

ومحدش يقولى ان الشعب مش سايبه يشتغل او المعارضه .. دى كلها حجج فارغه ..

مستنيين ايه من رئيس كل ما ياخد قرار يرجع فيه ..

مستنيين ايه من واحد سمح لشيوخه انهم يكفروا كل من يخرج على الريس فى 30 يونيو ؟

مستنيين ايه من واحد سمح بادخال الجنود الامريكيين فى سيناء ؟

مستنيين ايه من جماعه ما صدقوا انهم يوصلوا للسلطه ؟؟ .. اعذروهم ماهم محاريم !!

وبالتأكيد مش هيتخلوا عن السلطه الا بالدم .. وبالنسبالهم عادى انهم يقتلوا الشعب كله ..

ماهم شويه بلطجيه بيتاجروا باسم الدين ..

واحد يقولك حلمت بالريس مرسى بيصلى بالنبى صلى الله عليه وسلم .. امام !!!!!!!!

وواحد يقولك معرفش ايه !!

يا عم مرسى اتقى الله بقى واخلع عننا الله يكرمك .. دا لو عندك كرامه وعزه نفس ..

شويه مفاجيع بيحرموا ويحللوا على مزاجهم ويكفروا على مزاجهم .. !!


خلاصه الكلام ..

خطاب فاشل كلياً .. مفيهوش جديد اطلاقا .. طويل وممل ومكرر ..

[رووكه]

اقتباس المشاركة الأصلية كتبت بواسطة Ļẻtסĩ√ صح ان الخطاب منفصل عن الواقع فى الشارع لكنه كان ضرورى عشان نعرف فلوس البلد راحت فين وادام تم نبش قبر السرقه اكيد اكيد هيتم تصحيح وضع كل مؤسسه وهو مستحيل يطلع فى الخطاب ويتكلم عن 30/6 او ان فى مخاوف من اليوم ده والخطاب مش هرجع حد عن اللى فى دماغه او انه مش هينزل لا اللى عايز ينزل ينزل بس يحط فى دماغه ان دى بلده واى تخريب هيعود عليه اولا نورتى

المفروض انى كنت ارد وقتها بس النت فصل عندى

بصى يا اسيل

اللى نزلو يوم 25 مش خربو ولا دمور بلدهم

وبكل تاكيد اللى هينزلو دلوقتى نفس الفئه بتوع 25 ناس متعلمه بدرجات مختلفه

ويمكن فيهم الامى بس فاهم وعارف ان ليه حق يطالب بيه بكل ادب وحريه

يعنى التخريب صفه الطرف التالت اللى لحد الانهارده مش عارفنهم

واللى الاخوان قالو عليهم دلوقتى ان الطرف التانى هم الفلول

حاجه حلوه والله والشعب ضايع وسط طرفين عاوزين مصلحتهم ليس الا


تانى حاجه بتقولى مش ينفع انه يتكلم عن يوم 30

بالعكس المفروض ان خطابه يكون فيه تهدئه للموقف


مش يهدد الشعب هو انت كنت عملت ايه فى الثوره اساسا علشان يتكلم

ده كده يبعيد كاره مبارك اللى مطلعش فى خطاب واحتوى شعبه وقت غضبه

وتقولى مينفعش

طول ما هو باصص تحت رجليه عمره ما هيطلع بينا لفوق هنفضل الاربع سنين

نقول النظام القديم ومش عارفه ايه صلح يا حج وعمر وبلاش تبص تحت رجلك كتير احنا بنضيع

من الاخر اللى بيعقد على كرسى الرئاسه بيمرض

بمرض غبى مش بيشوف الا نفسه واللى معاه وبس

الله المستعان

[فرانكو.هدوء ملك]

بصراحه ي جماعه

هو حاول يشد انتباهنا بدون ما يخسر

بس الواضح انه هيخسر اكتر

راجل فمكانته رئيس للدوله

كان من المفترض انه مقولش اي اسامي

لان ده غلط جدا

العالم كله كان مستمع

وهو لم يجيد فن الحوار

هو حب يلعب لعبه كبيره

بس للأسف معرفش يوصلها صح

وهو طلع استاذ مصطفي بكري وشكك ف الارقام الي حضرته ذكرها

كمان يتهم القضاء بالتزوير ههه

هو ناسي ان الشرعيه الي متمسك بيها دي كان المشرف عليها القضاء المزور ( علي حد قوله )

وازاي يتكلم عن شفيق وهو بينهم اصلا قضيه مطروحه ف المحاكم

يعني هو كده بيستخدم سلطته كـ رئيس للاطاحه بشخص معين

كون انه يذكر حد بعينه فده غباء سياسي واخلاقي

ي دوك مرسي كلامك كان عيب جدا وكدب جدا جدا

اي نجاح انت ذكرته كان كلام علي ورق

لان الشعب لم يستنبض لك اي نجاح

انتم فقط من تذوقتم طعم هذا الحلو

اما المر فيبقي في حلقوم الشعب للابد طالما انت علي كرسيك

انا لست معارض ولا مؤيد

ولاكني اتمني ان ياتي يوم 1/7

ومصر كما هي لم تتغير للأسوأ

تحيتي لكم