بليز عاوزة رأيكم انا بجد تعبت اوى

السلام عليكم

معلش يا جماعة هطول عليكوا شوية بس بجد محتاجة رأيكوا

أنا ليا وحدة صحبتى الى هى تانى صديقة ليا بجد من اول ما كنت فى حضانة
هى حاليا حصل معاه موقف حبت واحد وحبها بجد من زمان واحنا عارفين بس عمرهم ما كلموا بعض وكدا
جه الوقت الى اتكلموا فيه وفى مرة كان لازم يقالبلها لسبب معين ضرورى
ولما جم يتقابلوا قابلها فى البيت بتاعها تحت على الباب وبعدين فى ولد جيرنها شافهم وكدا
فراح قال لابن عمتها ابن عمتها دا راح مسك الولد الى بيحبها ومسكوا ضربوا جامد لدرجة انه كان بينزف دم
وكان الموضوع هيوصل لمحضر وكدا المشكلة بقا ان البلد كلها عرفت هوا ضربه ليه وطبعا الى هيسمع
كلمه قابلها وكدا تفكيرهم متخلف وهيفكروا فى حاجت افظ من كدا وطبعا هى سيرتها دلوقتى على كل لسان
والولد مازال متمسك بيها حتى عمتها اتأسفتله على الى عمله ابنها وكدا وهوا كلمها وقالها بحبها وعاوز اخطبها وكدا
ودا قدام اهله بس هما طالبة ثانوية حتى مينفعش كل دا دا كله مراهقة بس هى تقريبا سمعتها بازت
واهلها لحد الان ميعرفوش لانى عارفة بابها كويس وعارفة ممكن يعمل ايه فى موقف زى دا
مع انها مكنش تستاهل كل دا ما علينا انا عاوزة دلوقتى اعرف هى ايه تصرفها ايه الى ممكن هى تعمله
وهل هتعرف تنهى موضوعها دا ولا لاء

دلوقتى بقا انا عندى خطيبى عرف الموضوع وكدا فى البداية كان كل اما اقوزل انا هروح معاها كذا او كدا تلاقيه اضايق ومش عاوزنى امشى معاها وطبعا دى صحبتى واكتر من كدا عمرى مهقدر اتخلى عنها او اسيبها
وخصوصا فى وقت زى دا وكمان هوا قدر موقفى عشان صحوبيتنا بس برضوا بحس انه مضايق وخصوصا ان
هى اول مرة خرجت معايا بعد انتشار الموضوع فى ولاد لأحوا عليها بالكلام وطبعا خطيبى لما عرف كدا
قالى دا الى كنت عامل حشابه وحسيته مضايق وبرضوا مرداش يقول متمشيش معاها او كدا بس زى ما قلتلكوا
انا عارفة كويس اوى انه مضايق من كدا

كمان انا خايفة من ان اهلى او اهل صحبتنا التالتة يوصلهم الكلام لانهم ممكن فى الوقت دا يرفضوا
اننا نمشى معاها ودى مش اى واحدة بالنسبة لينا عادية دى انتيمتنا يا جماعة ياريت تساعونى هى تعمل ايه فى موضوعها واحنا نعمل ايه انا هتجنن وحتى مش مصدقة ان سمعتها يحصل فيها كدا رغم انها متستاهلش كدا
ومعملتش جريمة يعنى

وسورى انى طولت عليكوا اوى

[طمطم]

صحبتك غلطت بصراحة ,,مكنش ينفع تسمحله انه يجيلها لحد البيت ,, احنا ف مصر
يعنى الف مين هيفهمها غلط !


موقف خطيبك انا شايفاه طبيعى لانه خايف ع سمعتك ,,


بصى ,, مدام الولد ده بيحبها ,, يتكل ع الله ويروح مع اهله يخطبها علشان يخلصوا م المشكلة دى,,
وطبيعى لما تنتهى خطيبك هينسى الحوار ده وشوية ف شوية مش هيتدايق من كلامك ليها ,,
..

[♥SaRa]

ـبصي يا قمر صحبتك غلطانة من الاول ازاي تروح لولد لحد البيت ودماغ المصريين اصلا متركبة شمال
ودة اكيد خطيبك بيخاف عليكي لان السمعة بتعم مع كل الي هيمشوا معاها
ولو هو بيحبها يروح لبباها ويطلب ايدها
مهما كان سنهم

[jasmean]

بصي هيآ غلطت من الاول انها قبلته
وملقتش كمان الا تحت بيتها !!
لو هوآ بيحبها فعلا يروح يخطبهآ
وخطيبك ليه حق يقولك كده هوآ خايف عليكي
لان الناس بتقول مادام انتي ماشيه معاها تبقي زيها
ربنا معاها بقآ ...

[miss esraa]

هى غلطانه لانها قبلته وكمان عن بيتهم

[Sea Pearl]

شوفى هيه غلطت فعلا لأن مجرد وجود الولد ده تحت البيت حتى
لو كانوا بيحبوا بعض لازم كان هيعملها سمعة مش كويسة
وكمان ابن عمتها ضرب الولد واكيد قدام ناس كتير وكمان ابن عمتها فضحها اكتر
وده طبعا اختلاف تفكير والمفروض ابن عمتها مش كان يعمل كده وهوه فاكر انه كده هيحل المشكلة
شوفى ما دام البنت مش بتعمل حاجة غلط والناس اول مرة يجيبوا سيرتها
هيه هتعرف تثبتلهم عكس ده عشان هيه اصلا مش وحشة او مش كويسة
ولو الاب وصله اللى حصل لبنته والسمعة بتاعتها ومدام الولد مستعد انه يجى يخطبها
عادى بقى باباها يوافق ان هيه تتخطب عشان كلام الناس وكمان هما كده كده بيحبوا بعض
اما بالنسبة ليكى دى حاجة طبيعية ان خطيبك يقولك كده عشان خايف عليكى
واكيد مع الوقت هيفهم انك مش ينفع تتخلى عنها

بالتوفيق
وان شاء الله المشكلة تتحل

[زهرة الياسمين]

لو بيحبها بجد يروح يتقدم لها على طول وخصوصا بعد اللي حصل
ده الحل الوحيد عشان النلس تتخرس
وبسم الله ماشاء الله الناس في المصايب ايه يقفوا وقفة رجالة
وخطيبك حاولي تريحيه طالما شايفاه قلقان كدة فهمي صاحبتك قوليلها يعني انا بس هاضطر ما اكلمكيش اليومين دول بس عشان خطيبي ميزعلش
هاتقولي ايه العبيطة دي لا ما صاحبتي هاتزعل اقولك بالعكس هيا اكيد فاهمة الموقف واكيد طالما انتوا صحاب اوي هتخاف عليكي انتي كمان تخسري انسان بتحبيه وبكدة مش هاتخسري خطيبك وهاتراضيه وهايحس انك فعلا بتحترميه وكمان صاحبتك هاتفضلي معاها لغاية ما مشكلتها تتحل
دا رايي يارب تقبليه

[!¤!:..؛~^"دلــوعــة"^~؛..]

انا صاحبة التوبيك دا وحبيت ادخل وكدا

[انتقام الورد]

اولا اشكرك اختى العزيزة على القصة
بس انا من وجهة نظرى ان الموضوع يجب ان يتفهمه الجميع
بان البنت تعتبر صغيرة وهى فى اخطر المراحل
وهو سن المراهقة
وما اقدر اعتبر اللى بين الشاب والبنت حب ممكن يكون مجرد اعجاب او طيشان
اللى صار صار
بس لازم البنت تفهم ان الواد اللى كان سبب المشكلة ما يحبها
لان لو كان يحبها كان يخاف على سمعتها هذا اولا
انت اختى العزيزة يا كاتبة الموضوع من كلامك اتفهم انك انت من المقربين
لهذه البنت يجب عليك ان تجعليها تحس بالغلط لكى يكون درس لها بدون ما تتركيه
وان تفهم انها
يجب عليها الابتعاد عن هذا الشخص وتخلى بالها من دروسها وتحكى لوالدتها بما حصل
واكيد والدتها راح تتفهم الموضوع
وانت اختى العزيزة من حق خطيبك يخاف عليك
يعنى يجب ان تراعى ظروفه
تحياتى للجميع
واتمنى كلامى ما يكون فى ازعاج
اخوكم انتقام الورد

[!¤!:..؛~^"دلــوعــة"^~؛..]

اقتباس المشاركة الأصلية كتبت بواسطة طمطم صحبتك غلطت بصراحة ,,مكنش ينفع تسمحله انه يجيلها لحد البيت ,, احنا ف مصر يعنى الف مين هيفهمها غلط ! موقف خطيبك انا شايفاه طبيعى لانه خايف ع سمعتك ,, بصى ,, مدام الولد ده بيحبها ,, يتكل ع الله ويروح مع اهله يخطبها علشان يخلصوا م المشكلة دى,, وطبيعى لما تنتهى خطيبك هينسى الحوار ده وشوية ف شوية مش هيتدايق من كلامك ليها ,, ..

انا عارفة انها غلطانة وكمان غلطت انها مقالتش لينا اى حاجة لان احنا كنا هننصحها ونعملها كنترول
قبل ما تفكر تعمل حاجة انما الموضوع خد شكل اكبر من حجمبه بكتير
بس موضوع يخطبها دا هما صغيييرين ثانوية ولو اتخطبوا دلوقتى الناس هيفكروا ان فى حاجة غلط حصلت وهيزيد الشك
لان الولد مش فى سن خطوبة وشكرا على رأيك