التبرع بالاعضاء حرام ؟

[Lost Pearl]

اقتباس المشاركة الأصلية كتبت بواسطة عاشق متيم التبرع بالاعضاء ليس حرااااام بس بشرط انى لا اؤذى نفسى ؛ يعنى مجيش زى الفيلم واتبرع بقرنيه العين وابقى بعين واحده ده حرام اما انك بعد ما تموتى وصيتك ان يتم التبرع بأعضائك ده مينفعش هو مش بوتيك ولا سوبر ماركت بتبيعى بمزاجك الاعضاء ليست ملك للانسان والا للورثه يتصرفوا فيها بمزاجهم

هههههه ايه هو اللي بوتيك و مزاجي ما بالراحة

هتفرق فـ ايه انا عايشة و لا ميتة يعني ،، و ازاي يعني حلال و انا عايشة و حرام لما اموت

ما هو فـ كل الاحوال الاعضاء دي هتحيي حد تاني ابخل انا بيها ليه

ثم اني مش شايفة اني كدة هكون استخدمت جسمي (الامانة) فـ حاجة وحشة

بالعكس انا هعمل خير يفضلي لحد يوم القيامة

نورت يا عاشق ،،

[دمعه حائره]

ربنا يحميكى ويديكى طوله العمر
بصراحه موضوع صعب افتى فيه
لان كتير نزلت فتاوى فى الحكايه دى
منها حرم ومنها اباح بعد الوفاه
اعتقد لو حياه انسان هاتستمر بجزء من حد اتوفى
دى هاتبقى ليها ثواب كبيربدلا ماتفنى فى التراب
محتاجين فتوى مؤكده فعلا
تسلمى لوجى

[Lost Pearl]

اقتباس المشاركة الأصلية كتبت بواسطة ᗩ ᕼ ᗰ ᕮ ᗪ انا حاولت ابحث عن رأي العلماء فى النقطة دى ولقيت فيها اختلاف منهم من حرمه واستدل بحديث الرسول صلي الله عليه وسلم "كسر عظم الميت كَكَسْرِه حيا" وفصل بين التبرع بالدم والتبرع بالاعضاء لان الدم يتجدد لكن الاعضاء لا تتجدد كما ان الجسم ليس ملكاً لصاحبه ومنهم من آجَازه لانقاذ حياة الغير بشرط الا يكون تجاره وان يكون التبرع فى حياة الشخص "أى ينقل منه وهو حي" او يتبرع به حياً ولكن لا ينقل الا بعد موته ومن وجهة نظري بقى افضل الرأي التانى طرح مميز تحياتي

خليني اقولك ،، بالعقل كدة

هو الاعضاء دي هتتاخد مني غصب او تعذيب ،، او هتتاخد لغرض سيئ او كدة ؟

لأ طبعا الغرض اللي انا هتبرع بيها ليه هو غرض شريف و علي اعلي المستويات كمان هههههه

متقوليش حرام اني اساعد بني آدم

بالعقل كدة متنفعش مش راكبة

و ايوة انا مقتنعة انه سواءا اتبرعت بيه عايشة او ميتة يبقي مافهوش مشكلة

و اكيد ظروف التبرع و الحرص اللي بيكون موجود فـ النوع ده من العمليات مش هتسمح لحد يموت نفسه عشان حد العملية مش سايبة

نورت يا احمد ،،

[Lost Pearl]

اقتباس المشاركة الأصلية كتبت بواسطة big bốss المتأجره بالاعضاء هى الى حرام اما علماء الدين أجازوا التبرع بأعضاء الجسم بعد الموت لاى حد محتاج و معتقدش مساعدة الناس و انت هتموت مش محرمه و الله اعلم

لأ انا هنا مش بتكلم ع المتاجرة خالص

انا بقول حد يتبرع باعضاءه لما يموت

تمام يا نور فهمت قصدك ،، نورت

[حالمة باميرى]

انتى بتقرى افكارى
بصى مادام بموافقتك مش حرام على فكرة دة راى

[Lost Pearl]

اقتباس المشاركة الأصلية كتبت بواسطة من غير ميعاد موضوعك كتير حلوو لوست بيرل ومفيد لناس كتير نفسها فعلا تعرف ان كان حلال ام حرام وقبل ماافيد بما اعلم الاول نحاول نفرق بين كلمة بيع او كلمة تبرع بمعني... حرام شرعا بيع اي جزء من اعضاء جسدي ف الاصل ف البيع هو مااملك انا ليكون بيعا شرعيا ومالااملك لايحق لي بيعه لانو سيكون بيعا باطلا وجسد اي انسان ليس ملكه هو / لكن هو ملك من خلقه ولااريد ان ادخل في ايات قرانيه و امور شرعيه تثبت ذلك حتي لااطيل في كلامي يبئه احنا هوووناا بين امرين البيع والتبرع / وكما قلت البيع حرام شرعا فليس لنا في هذا الامر من شي او نحاول ان نتحايل لــ تحليل ما حرمه الله يبئه يفضل لنا التبرع بردو التبرع له اكتر من طريقه واختلاف في اجتهادات العلماء منهم من اجاز ومنهم من حرم لكن هبسط الكم الامر في موضوع التبرع باسلوب بسيط يفهمه الجميع عشان لاندخل في مواضيع شرعيه كتير منا قد لايفهمها / انا او انت من حقي اتبرع عااادي حتي في حياتي وليس في مماتي فقط بس في شروط للتبرع. في حاجات باجسامنا بتجدد طبيعي وهذا من فضل الخالق علينا زي مثلا: الدم وجلد الانسان وهووناا التبرع حلال سواء في حياتي او ف مماتي لانو لن يعود بالضرر عليا في اعضاء جسدي لكن هوونااك اعضاء ليس لها بديل مثل الكليه وهي اكتر شي الناس بتبرع به او تبيعه او مثل قرنية العين ... والي غيره تيب قلنا ف الاصل الحاجات دي موش ملكي يبئه بيعها او حتي التبرع بها سواء انا عايش او ميت ! حرااااااااااام شرعا لسببين / اولهم انهم ليس ملكي / والامر التاني ممكن ان يعود عليا بالضرر لجسدي بعد التبرع بهم وهووناا هيكووون حرم عليا بيعهم تيب ممكن نقول تيب بعد موتي موش هيضروني / يبئه ليه حرام ؟؟ يبئئه هنعود للامر الاخر انهم ليس ملكي / الاااا !!! الا في حالة الضروره / ودي بتكون من رحمة ربنا علينا بمعني / لو انا عايش او حتي ميت وهوونااك شخص ااخر حياته تتوقف علي مااتبرع به هووونا يجوز التبرع في حالة تاكيد الاطباء انه لن يضرني او يضر جسدي هذا التبرع وكوومان حتي لايختلط الامر عند بعض الناس ويبع جزء من جسده علي انو متبرع بس مقابل مبلغ مالي ! ودا نقول في حياتي تيب ف مماتي: لايجوز ان اترك وصيه للتبرع بـ اجزاء من جسدي لانها كما قلت ليست ملكي لاترك عليها وصيه ! ولكن اهل الميت اذا اقتضت الضروره لانقاذ حياة شخص اخر وكان لهم انقاذه بعضو من اعضاء الميت هووناا يجوز لهم ذلك / فهذا مايسمي بالضروريات وحتي لايختلط الامر وتصبح تجاره / هوونا يكون تبرعا وليس مقابل له اي نفع مالي اتمني تكون اجاباتي مفيده للجميع يسلمووو لوست بيرل موضوع جميل للنقاش دمتي متالقهـ

تمام و انا متكلمتش عن البيع

نيجي لتاني نقطة انت قسمت علي اي اساس يعني ،، يعني واحد عنده فشل كلوي و هيموت و انسجتي و كل حاجة متطابقة معاه و اقوله لأ اصل الكلية مش بتتعوض

ما هو ربنا خالق 2 يعني

و القدر واحد ،، ما هو ممكن واحد يبقي بيتبرع بالدم يجيله هبوط حاد فـ الدورة الدموية و يموت عادي

فـ التبرع كله فـ نظري واحد ،، بس الانسان لازم يكون علي علم بالمخاطر اللي ممكن تحصل و بناءا عليه يقرر اذا عنده الشجاعة يعمل كدة او لأ ،، و كله بثوابه فـ كل الاحوال

يعني ايه ليس ملكي و مينفعش ادي عليه وصية ؟؟

يعني الدم اللي بنتبرع بيه ده بتاعنا ،، شعرنا اللي بنقصه او بنحلقه ده بتاعنا ،، و لا ضوافرك بقي اللي بتقصها دي بتاعتك ههههههه

بتكلم بجد الحجة دي مش مقنعة ،، هو اها طبعا جسمي امانة ،، بس انا مش شايفة انه استهلاك للأمانة فـ غير محلها

كمان لما اموت انا ايه فايدتي ؟

ليه متكونش زي صدقة جارية تفضل تديني ثواب ،، يعني هو الواحد هيستخسر فـ نفسه حسنات ؟

نورت يا من غير معاد ،،

[Lost Pearl]

اقتباس المشاركة الأصلية كتبت بواسطة العاشق الذى لم يتب ومثل من قال قبلى أن العلماء منهم من أجازه ومنهم من حرمه ولكن حجة من حرمه هى الأقوى لدى الفقهاء حيث أن الأنسان هو مللك لله ولايجوز المملوك أن يتصرف فى ملك المالك وأما حجة من أجازوه تستند على من أحيا نفس كمن أحيا الناس جميعا ومن أراد أن يتبرع عليه شيئان ضروريان هو ألا يأذى نفسه وألا يبتاعها هذا والله أعلى وأعلم شكلرا آلاء لطرح عظيم دمت بخير تحياتى

يعني اسيب حد يموت عشان انا انانية مش عايزة اتبرعلو

حط حد من اهلك في مكان المثل ده ،، بعد الشر عنهم كلهم

و شوف هل انت هترفض التبرع ده ؟؟

لأ طبعا

و طالما الاطراف كلها موافقة و ده تبرع مش بيع او تجارة يبقي فيها ايه مش فاهمة

طبعا الله اعلم

نورت يا رفعت ،،

[Lost Pearl]

اقتباس المشاركة الأصلية كتبت بواسطة دمعه حائره ربنا يحميكى ويديكى طوله العمر بصراحه موضوع صعب افتى فيه لان كتير نزلت فتاوى فى الحكايه دى منها حرم ومنها اباح بعد الوفاه اعتقد لو حياه انسان هاتستمر بجزء من حد اتوفى دى هاتبقى ليها ثواب كبيربدلا ماتفنى فى التراب محتاجين فتوى مؤكده فعلا تسلمى لوجى

و يخليكي

ايوووون هذا ما اقوله

نورتي يا فتاتي ،،

[Lost Pearl]

اقتباس المشاركة الأصلية كتبت بواسطة prinses sahar انتى بتقرى افكارى بصى مادام بموافقتك مش حرام على فكرة دة راى

ههههه اي خدمة

اها ده رأيي باردو

نورتي يا سهر ،،

[SiLver Spectra]

سؤالي للي بيقول ان لا يجوز انك تكتب وصية تتبرع فيها بأعضاءك بعد موتك
هو انت اصلا بعد موتك جسمك هيتعفن و هيتحلل !
ايه المشكلة انك تتبرع باعضاءك قبل فسادها بعد موتك مباشرة ؟
دي فيها انقاذ لناس كتير بتعاني من امراض و مش بتلاقي اللي يتبرعلها
و شايف ان دي انسب فرصة بعد الموت . دا حتى يبقى موتك جه بفايده لغيرك !
يعني بدل ما تسيبها للبكتيريا تنهش فيها . اديها ياعم لحاد محتاج
و دا هنا بشرط مهم و هو موافقة من الميت قبل وفاته . كنوع من احترام انسانيته

و دا بيحصل فعلا في دول كتير
و في ناس بتكتب في وصيتها التبرع بالجسم في الابحاث العلمية
زي مثلا الأناتومي (علم التشريح) اي حد بيدرس طب هيلاقي (جارات) و هي اجزاء من أجسام ناس متحنطه
بتستخدم للطلبة لشرح تفاصيل المكونات من اعصاب و شرايين و اورده و عضلات و عظم.. شخصيا معرفش بيجيبوا الجارات دي منين . مين بيتبرع مثلا براسه! ..و أظن انها اما جثث مالهاش صاحب و بياخدوها أو ان اقاربه بايعينها .. لا ادري
لكن هنا في حاجه للعلم ليها ..و لو وجد متبرعين (بالوصايا بعد الموت) الموضوع هيبقى سهل و أفضل
زي كدا مثلا




كانت مادة بنت تيت

الموضوع مش محتاج تفكير كتير يا لوجي ..
عقلك لواحده هيوزنها