التبرع بالاعضاء حرام ؟

[Lost Pearl]

السلام عليكم

زي العنوان كدة ،، انا عايزة اعرف هو التبرع بالاعضاء ده يدخل في منطلق الحرمانية ؟

و لو اه يدخل ليه اساسا ،، ده انقاذ حياة بني آدم

انا واحدة وصيتي انه اما اموت اعضائي كلها يتم التبرع بيها >> فيها ايه دي جسمي و براحتي هههههه

فـ قولت الكلام ده من فترة لسارة اختي و هي جابت الموضوع قدام ماما النهاردة

لقيت ماما بتقولي حرام

و انا صعقت

علي اساس بتقولي ان جسمك أمانة لازم تحافظي عليها

يعني احافظ عليها في مقابل حياة حد تاني مثلا

ما يوم القيامة هبعث كاملة مش هنقص حاجة

ايه اللي حرام فـ اني ادي حياة لانسان ،، ما انا كدة كدة مت

يعني لو هيحصل حاجة فـ هتكون اني هادي حد فرصة جديدة فـ الحياة

عايزة آراءكو في هذا الموضوع مع اني شايفاه مش شائك يعني

[أمواج الرحيل]

هيا حرام فى حاله وحده ودى بتكون فى حاله التجاره الطبيه

والاهيا طبعا يسرقو منك اعضائك باسم التبرع وبيستفيدو منها فى شئ تانى كعمل التجارب لكن لما يكون تبرع مثلا بالدم التبرع بكليه ولحد يستاهل فعلا المساعده دى بقى حسب نيتك بس مينفعش اصلا انكك تتبرعى لحد بعد ماتموتى لانو اعضاء جسمك مش هتكون شغاله هما بس ممكن يخدو عيونك ^_^ والدكتره عرفه شغلها بقى بس مش من حقك انتى نفسك تهدرى اى عضو من جسمك لانو مش ملكك وملك لربنا

موضوع رائع

[شموع الروح]

بعد الشر عليكى
انا مش شيفاه حرام انتى بتعملى عمل خير يعشلك بعد مماتك
زي اى حاجه تانيه
انا فعلا بسمع امر ان جسمنا امانه
اوك هو امانه واحنا والحمدالله محافظين عليها
بس كمان احنا امرنا بعمل الخير
والتبرع دا زي الصدقه
انتى بدل ما تتبرعي بمال
انتى بتتبرعي بشئ هيكون لا يساوى شئ بعد وفاتك
بعد عمرا طويل ان شاء الله
وفي ناس بتتحط فى الموقف دا وهم احياء بيضروا انهم يتبرعوا بجزء منهم لحد من اهله
معتقدش ان الامر حرام
بس انا كمان الصراحه معرفش رائ اهل الدين
انا قولت وجهه نظري
وتسلمى يا قمر ع التوبيك
تحياتى

[عاشق متيم]

التبرع بالاعضاء ليس حرااااام
بس بشرط انى لا اؤذى نفسى ؛ يعنى مجيش زى الفيلم
واتبرع بقرنيه العين وابقى بعين واحده ده حرام
اما انك بعد ما تموتى وصيتك ان يتم التبرع بأعضائك
ده مينفعش هو مش بوتيك ولا سوبر ماركت بتبيعى بمزاجك
الاعضاء ليست ملك للانسان والا للورثه
يتصرفوا فيها بمزاجهم

[ᗩ ᕼ ᗰ ᕮ ᗪ]

انا حاولت ابحث عن رأي العلماء فى النقطة دى ولقيت فيها اختلاف

منهم من حرمه واستدل بحديث الرسول صلي الله عليه وسلم
"كسر عظم الميت كَكَسْرِه حيا"
وفصل بين التبرع بالدم والتبرع بالاعضاء
لان الدم يتجدد لكن الاعضاء لا تتجدد
كما ان الجسم ليس ملكاً لصاحبه

ومنهم من آجَازه لانقاذ حياة الغير بشرط الا يكون تجاره
وان يكون التبرع فى حياة الشخص "أى ينقل منه وهو حي"
او يتبرع به حياً ولكن لا ينقل الا بعد موته

ومن وجهة نظري بقى افضل الرأي التانى

طرح مميز
تحياتي

[big bốss]

المتأجره بالاعضاء هى الى حرام

اما علماء الدين أجازوا التبرع بأعضاء الجسم بعد الموت لاى حد محتاج

و معتقدش مساعدة الناس و انت هتموت مش محرمه

و الله اعلم

[الآمير العآشق]

موضوعك كتير حلوو لوست بيرل
ومفيد لناس كتير نفسها فعلا تعرف ان كان حلال ام حرام

وقبل ماافيد بما اعلم
الاول نحاول نفرق بين كلمة بيع او كلمة تبرع
بمعني...
حرام شرعا بيع اي جزء من اعضاء جسدي
ف الاصل ف البيع هو مااملك انا ليكون بيعا شرعيا
ومالااملك لايحق لي بيعه لانو سيكون بيعا باطلا
وجسد اي انسان ليس ملكه هو / لكن هو ملك من خلقه
ولااريد ان ادخل في ايات قرانيه و امور شرعيه تثبت ذلك
حتي لااطيل في كلامي

يبئه احنا هوووناا بين امرين
البيع والتبرع / وكما قلت البيع حرام شرعا
فليس لنا في هذا الامر من شي
او نحاول ان نتحايل لــ تحليل ما حرمه الله
يبئه يفضل لنا التبرع
بردو التبرع له اكتر من طريقه
واختلاف في اجتهادات العلماء
منهم من اجاز ومنهم من حرم
لكن هبسط الكم الامر في موضوع التبرع
باسلوب بسيط يفهمه الجميع
عشان لاندخل في مواضيع شرعيه كتير منا قد لايفهمها
/
انا او انت من حقي اتبرع عااادي
حتي في حياتي وليس في مماتي فقط
بس في شروط للتبرع.
في حاجات باجسامنا بتجدد طبيعي وهذا من فضل الخالق علينا
زي مثلا: الدم وجلد الانسان
وهووناا التبرع حلال سواء في حياتي او ف مماتي
لانو لن يعود بالضرر عليا في اعضاء جسدي
لكن هوونااك اعضاء ليس لها بديل
مثل الكليه وهي اكتر شي الناس بتبرع به او تبيعه
او مثل قرنية العين ... والي غيره
تيب قلنا ف الاصل الحاجات دي موش ملكي
يبئه بيعها او حتي التبرع بها سواء انا عايش او ميت ! حرااااااااااام شرعا
لسببين / اولهم انهم ليس ملكي / والامر التاني
ممكن ان يعود عليا بالضرر لجسدي بعد التبرع بهم
وهووناا هيكووون حرم عليا بيعهم

تيب ممكن نقول تيب بعد موتي موش هيضروني / يبئه ليه حرام ؟؟
يبئئه هنعود للامر الاخر انهم ليس ملكي / الاااا !!!
الا في حالة الضروره / ودي بتكون من رحمة ربنا علينا
بمعني / لو انا عايش او حتي ميت
وهوونااك شخص ااخر حياته تتوقف علي مااتبرع به
هووونا يجوز التبرع في حالة تاكيد الاطباء
انه لن يضرني او يضر جسدي هذا التبرع
وكوومان حتي لايختلط الامر عند بعض الناس
ويبع جزء من جسده علي انو متبرع بس مقابل مبلغ مالي !

ودا نقول في حياتي
تيب ف مماتي: لايجوز ان اترك وصيه للتبرع بـ اجزاء من جسدي
لانها كما قلت ليست ملكي لاترك عليها وصيه !

ولكن اهل الميت اذا اقتضت الضروره لانقاذ حياة شخص اخر
وكان لهم انقاذه بعضو من اعضاء الميت
هووناا يجوز لهم ذلك / فهذا مايسمي بالضروريات
وحتي لايختلط الامر وتصبح تجاره / هوونا يكون تبرعا
وليس مقابل له اي نفع مالي

اتمني تكون اجاباتي مفيده للجميع

يسلمووو لوست بيرل
موضوع جميل للنقاش
دمتي متالقهـ

[Lost Pearl]

اقتباس المشاركة الأصلية كتبت بواسطة أمواج الرحيل هيا حرام فى حاله وحده ودى بتكون فى حاله التجاره الطبيه والاهيا طبعا يسرقو منك اعضائك باسم التبرع وبيستفيدو منها فى شئ تانى كعمل التجارب لكن لما يكون تبرع مثلا بالدم التبرع بكليه ولحد يستاهل فعلا المساعده دى بقى حسب نيتك بس مينفعش اصلا انكك تتبرعى لحد بعد ماتموتى لانو اعضاء جسمك مش هتكون شغاله هما بس ممكن يخدو عيونك ^_^ والدكتره عرفه شغلها بقى بس مش من حقك انتى نفسك تهدرى اى عضو من جسمك لانو مش ملكك وملك لربنا موضوع رائع

لأ انا مش هبيع هي مش بلطجة هههههههه

ما هو في حفظ اعضاء بعد الموت لفترة كويسة يعني

و اكيد ممكن حد يستفاد بيها ،، هي دي الفكرة

نورتي ،،

[Lost Pearl]

اقتباس المشاركة الأصلية كتبت بواسطة شموع الروح بعد الشر عليكى انا مش شيفاه حرام انتى بتعملى عمل خير يعشلك بعد مماتك زي اى حاجه تانيه انا فعلا بسمع امر ان جسمنا امانه اوك هو امانه واحنا والحمدالله محافظين عليها بس كمان احنا امرنا بعمل الخير والتبرع دا زي الصدقه انتى بدل ما تتبرعي بمال انتى بتتبرعي بشئ هيكون لا يساوى شئ بعد وفاتك بعد عمرا طويل ان شاء الله وفي ناس بتتحط فى الموقف دا وهم احياء بيضروا انهم يتبرعوا بجزء منهم لحد من اهله معتقدش ان الامر حرام بس انا كمان الصراحه معرفش رائ اهل الدين انا قولت وجهه نظري وتسلمى يا قمر ع التوبيك تحياتى

اها ،، هو ده اللي بتكلم عليه انتي فهمتي قصدي

نورتي

[العاشق الذى لم يتب]

ومثل من قال قبلى
أن العلماء منهم من أجازه
ومنهم من حرمه
ولكن حجة من حرمه هى الأقوى لدى الفقهاء
حيث أن الأنسان هو مللك لله
ولايجوز المملوك أن يتصرف فى ملك المالك
وأما حجة من أجازوه تستند على
من أحيا نفس كمن أحيا الناس جميعا
ومن أراد أن يتبرع عليه
شيئان ضروريان
هو ألا يأذى نفسه وألا يبتاعها
هذا والله أعلى وأعلم
شكلرا آلاء
لطرح عظيم
دمت بخير
تحياتى