ربع كفته و كانز تيتا والسجاره آحلآ عندى من عماره

[big bốss]

" ربع كفته و كانز تيتا والسجاره آحلآ عندى من عماره " " هاتى بوسه يا بنت هاتى حته يا بنت " " اطفى النور يا بهيه " - هذه الأغانى تسمى " مهرجانات " - و هناك من يسميها فن شعبي الاكثر روجآ هذه الايام - و انا اسميها " أنحطاط فنى و كتابي و أخلاقى " - لا أعلم ما مفهوم الاغانى و فن الغناء فى عقول هؤلاء الذين ينتجون مثل هذه الاغانى التى دائمآ ما تحتوى كلماتها على الفاظ خارجه و خادشه للحياء و آحيانآ تكون مثيره للغرائز المستمع و بمعنى أدق لا تمت للفن الصحيح بأى صله من قريب او من بعيد ، فالمهرجانات ظهرت من فتره قريبه و قد ذاع صيتها كلون جديد من الفن الشعبي ، ليعلن عن مرحله ثانيه من هبوط الفن الشعبي الذى أحييه و صنعه امثال محمد طه و محمد رشدى و فاطمه عيد ...الخ هؤلاء هم العمالقه ، و الذى هبط به امثال سعد الصغير و جيله ، و الذى هبط به مستوى ثانى اورتيجا و عمالقة المهرجانات ، لا أتذكر اسمائهم و لا أريد أن اعرفها ، و لكن الذى ساعد على انتشار مثل هذا الفن الهابط هو المستمعين لان مثل هذا الفن لو لم يجد مؤيد له بين شباب المجتمع ما كان استمر و أعلن نجاحه و سقوط الاخلاق و كل معانى القيم الذى تعودنا ان نسمعها فى الاغانى - قديمآ او كما كان يقولون زمن الفن الجميل كانت الاغانى تعبر عن اسمى معانى الحب و الغرام و فى وقت الشده و الحرو تعبر عن اسمى معانى الوطنيه و التضحيه اما الان فهى تعبر عن اسمى معانى الهبوط الاخلاقى و اللفظى . - كنت فى رحله نيليه فى أيام الكليه و كان فى العباره شباب و بنات فقط و حوالى 2 دكتور من الكليه و قام مشغل ال دى جى بتشغيل اغنية هاتى بوسه يا بنت هاتى حته يا بنت - فكيف ذالك ؟ هل نحن نضع الكبريت بجانب البنزين و نظبت لهم الجو حتى نقيم حفلة تحرش جماعى و نتساءل بعد ذالك عن السبب ؟ و تم ما تمت و لن اقص ماذا حدث بعد ذالك نحن بحاجه الى تصليح و أعادة هيكله لكل الوان الفن الغنائى الحالى و اعادة احياء ما مات منها . و لو ظل الهبوط كما هو الآن سنهبط بالتدريج حتى نتخطىء القاع بمراحل .

[ملك جبال الاحزان]

لا وكمان حاطط الاغنيه شعبى فى الموضوع هههههههه

بص انا عن نفسى واله مش بعرف اسمع الاغانى ديه نهائى
فى الافراح حتى دلوقتى بقا لازم تشتغل الاغانى ديه
والمصيبة انى مش بفهم اى جملة من الاغنية كلها
ولو فهمت بتبقا اهيف من الهيافة
بس هرجع واقول الدنيا بايظة كدة كدة
هى جت على الاغانى خليهم ياكلو عيش ويضيعونا :d

[شاعر الحب الحزين]

بيني وبينك عندك حق الفن الشعبي دلوقتي بيعتمد

على المهرجانات دي لا وكمان الافلام كتير بيعتمدوا فيها

على المهرجانات دي بصراحة مهرجانات هابطة جدا جدا

بس برده لو جينا للصح هنلاقي ان جيل النهارده مختلف تماما

عن الأجيال اللي كانت قبلنا وعلى حسب أخلاقنا بيغنوا الشباب دول

تسلم جدا يا نور على موضوعك الجميل واتمنى ان الأغاني تكون احسن من كده

ويكون فيها معاني طيبة وجميلة عشان اللي بيسمعها يحس بمعانيها مش يسمعها

وتثير جواه الغريزة والرغبة اتمنى بجد يتحسن وضع الغنا الشعبي عن كده

تسلم يا نور يا جميل موضوع له هدف سامي

احترامي الكبير لك

[Lamees]

المشكلة يا نور أن الأغاني دي ليها قاعدة عريضة جداً في الأستماع
كمان الافلام كلها دلوقت لازم يكون فيها اغنية شعبية
وبيروجوا ليها كمان قبل نزول الفيلم زي فيلم وش سجون
واغنية يابا يابا احنا اللي صنعنا الانحطاط ده واحنا اللي عايزينه
عمرك يا نور حضرت دي جي من غير ما تسمع المهرجانات دي
دي بقت قاعدة وضرورة للجنان في الرقص الشبابي
هو ده الذوق دلوقت والمهرجانات دي ضرورة لارضاء الذوق ده
الخوف يا نور يجي علينا زمن نعتبر فيه اورتيجا ده قمة الفن
وربنا يهدي
تسلم للموضوع نور بس كنت كملت الاغنية ههههههههه

[big bốss]

اقتباس المشاركة الأصلية كتبت بواسطة ملك جبال الاحزان لا وكمان حاطط الاغنيه شعبى فى الموضوع هههههههه بص انا عن نفسى واله مش بعرف اسمع الاغانى ديه نهائى فى الافراح حتى دلوقتى بقا لازم تشتغل الاغانى ديه والمصيبة انى مش بفهم اى جملة من الاغنية كلها ولو فهمت بتبقا اهيف من الهيافة بس هرجع واقول الدنيا بايظة كدة كدة هى جت على الاغانى خليهم ياكلو عيش ويضيعونا :d

احنا الى بنضيع يا ميدو فى الاخر

كل الافراح دلوقتى و الافلام مش خاليه من المهرجانات

[ساحر الأحزان]

دة بيسبب صداع

وهو الكلام عارفين بيقول أية؟


كلام وفن هابط

وبيقلك فن شعبى

هو فين الفن بقى؟

دة اسمة تلوث سمعى

[აα∂ Ԑγεა]

النوع دا من الاغاني مظنش في درجة اقل منه في سلم هبوط الفن

وللاسف له شعبيه كبيرة والناس كلها بتسمعها وبقيت عنصر اساسي ف الافراح !
وفي كل الشوارع وكل المواصلات تلاقيهم مشغلينها

انا مش فاهم ايه المعني ف الاغاني دي اساسا
ولا كلام ولا صوت خالص , الموسيقي ممكن !
تلاقي كلام غريب يا جدع ملهوش اي معني

في اغنية واحد صاحبي فالقني بيها مكرهاني في اللاب بتاعه كله
بتاعت مهرجان احمر شفايف
" انا اصلا واد حريف باكل حلاوة في رغيف "
- ام الابداع يا اخي في ام اكلك ابو شكلك

ولا اللي انت مشغلها دي اني افهم اي كلام في الجزئية دي
ولا اي حاجة خالص ,
مفيش غير اما يقول وانا نازل واحده عملتلي عمل دي اللي مفهومة


المشكلة الاكبر بقي انهم بيعيدوا توزيع وكلام اغاني قديمة ملهاش حل
وبيخلوها زباله اصلا والناس بتسمعها


ارمي ودنك لاي اسفاف و اقلبها خرابه شوية وهتلاقيها حمام عمومي
بيقضو حاجتهم فيه

[ايمان طلعت]

مبقاش فيه اصلا حاجه اسمها فن دلوقتى
كلمتين هايفين على لحن واحد بقت اغنيه
اغنيه زى دى على شويه نكت وكلام فارغ بقى فيلم
هو دة الفن
حتى الاعلانات بقت كلها كدة
بجد حاجه تقرف مبقتش عارفه افرج العيال على ايه
كل حاجه وفى كل قناه انحدار اخلاقى
وايه الاغنيه اللى حاطتها دة مش فاهمه منها حاجه
هى الترجمه هتنزل امتى بقى

[فتحى عيسى]

شوف هنبص للموضوع من ناحية تانية المستمع للألوان دية نسبة كبيرة مليانة بيها شوارعنا وحوارينا وعشوائياتنا المنتشرة في قلب مصر اللي بتلاقي إقبال عليها بشكل كبير جدا لدرجة أفسدت الذوق العام بمزاجنا وغصب عنا لدرجة ممكن تلاقي مستوي معين حاطط الأغاني دية في أفراحهم وجايب نفس النوعية من الرقاصين والمطبلاتية بأسم الفن المنحط
بصراحة هي موجه رغم إنها طولت أوي لكن إن شاء الله هتتحجم هي والأخلاق اللي بئت
ألعن منها وربنا المعين
طرح قيم أحييك عليه
سلمت والنبض
مودتي وإحترامي

[محمود الصاروخ]

المهرجانات بقت أمر واقع يانور والى مش بيسمع دلوقتى بكره هيسمع
أنا واحد م الناس بعشق حاجه اسمها مهرجانات و عاوز أعرفك
حاجه .. أنا بكتب مهرجانات أصلا و راب هنا ف المنصوره

ومش كل المهرجانات كلام هابط .. زى ما فيه الوحش برده فيه الحلو
وفى كلام يتسمع .. في مهرجانات بتوصل رساله

وطول مافي ناس بتحب .. بعد كده الكل هيحب

إحنـا بتووع المهرجانات
و المهرجانات بترقصنا


تسلم ي نور