يوميات مواطن مطحون

[ابو نصير]

فى الفجر بدرى والدنيا مشبره ومغبره
وعلى كتفى شنطه فيها باجور الجاز
بمكرفون ونادى بأعلى صوتى فى الشارع
فى الأتوبيس والمكروباص
بصلح بابور الجاز وبلحم الفنطاس
وببيع ابره وفنيه وبدى فلتر هوا وكباس
ومحدش ينسى أهم حاجه الطربوش ياناس
وأنا شب جامعى خريج ميزان حساس
وكل يوم من كتر المشى بينقطع المداس
وامشى زى المجنون وزى المحتاس
وأخر اليوم اشتغل ببلاش
قعدت على القهوه قابلت اخويه
وحبيب قلبى الواد السباك عباس
طلع العده من الشنطه وسلك ودانى
وحط فيها طبه من كتر رغى الناس
وربنا يحفظنا من شر الوسواس
وأكل المش فى البلاص
وباين عليها خلصت خلاص
وانحنى ضهرى وبمشى على عكاز
ويغور التعليم على الورق وفى الكراس
وهى ديه اخرتها ياوطن تبيع وتشترى فى الناس
ومازلت بحبك وبوس ترابك اللى متعاص ومغرقنا جاز
وااه على الشباب اللى مات من الحسره وانداس
ابو نصير

[ساحر الأحزان]

حلو اسلوب الطحن دة اخ ابونصير

خزعبلاتك جميلة

واسلوبك جميل فيها

منتظرين جديد خزعبلاتك

[جنون قلب]

بـآبور جـآز ايه بس يا ابو نصير
ما تحلم توزع انـآبيب على الاقل تمشى فى الـآيـــآم دى



تسلم ايدكـ
بجد حـآولت انى امشى على نفس طريقتكـ
بس ملاقتش القــآفيه اللى تنــآسب الموضوع
الف شكر وتتعوض فى موضوع تانى
بالتوفيق لكـ أخوى الفــآضل

[العاشق الذى لم يتب]

نقد بناء
وشرح لأحوال معظم المصريين
باسلوب ساخرراقى
سلمت يمناك
ومنورالخزعبلات

[.Lamar]

ليه كدة كانت ماشية ضحك يا استاذنا
بس معاك حق
مهما ضحكنا ضحك متطعم بمرارة
احنا احسن ناس تضحك على اوجاعها
ربنا يصلح الحال و يصبرنا على اللى بنشوفه

شكرا ليك و لقلمك المبدع اخى

[ايمان طلعت]

ياااه استاذ ابو نصير
حال بلد وشبابها
والتعليم والبطاله
كل دة لخصته فى كلمتين باسلوب ساخر جميل
اضحكتنا على اوجعنا
تحياتي

[ابو نصير]

اقتباس المشاركة الأصلية كتبت بواسطة جنون قلب بـآبور جـآز ايه بس يا ابو نصير ما تحلم توزع انـآبيب على الاقل تمشى فى الـآيـــآم دى تسلم ايدكـ بجد حـآولت انى امشى على نفس طريقتكـ بس ملاقتش القــآفيه اللى تنــآسب الموضوع الف شكر وتتعوض فى موضوع تانى بالتوفيق لكـ أخوى الفــآضل

سيدى ..
جنون القلب..
أجمل شىء فى أسلوبك خفت دمك وانفعلاتك فى نفس الوقت وروح المداعبه وبتفكرنى بحبيب قلبى كريم ومفيش حاجه هتعدى بالسهل
عليك وهذا من دواعى سروري..
جنون ..
الانبوبه اصلا انا موش لائيها وبعدين العضمه كبرت ويصباح الأنابيب
لا تحرمننا من تواجدك وعمال أدور ليك على اسم موش حاضر
أبو نصير

[SaMa.]

كلام جميل وواقعى كتير بيضطرو يشتغلوا اى حاجه
رغم انهم معاهم شهادات عاليه

[ابو نصير]

اقتباس المشاركة الأصلية كتبت بواسطة ساحر الأحزان حلو اسلوب الطحن دة اخ ابونصير خزعبلاتك جميلة واسلوبك جميل فيها منتظرين جديد خزعبلاتك

سيدى ..ساحر الأحزان
منورنى ومنور صفحتى
نعمل أيه يا أستذنا ده طحن وفحت وردم وكحرته ومئمطه وربنا يصلح الحال ويغير النفوس الى الأحسن
تحياتى وتقديرى يامنورنى
أبو نصير

[ابو نصير]

اقتباس المشاركة الأصلية كتبت بواسطة العاشق الذى لم يتب نقد بناء وشرح لأحوال معظم المصريين باسلوب ساخرراقى سلمت يمناك ومنورالخزعبلات

انتى اللى على طول راقى ومنورنى ومنور صفحتى
وربنا يصلح لنا الحل ويفك عنا الكرب والكربته
والكحر والكحرته
كلمتين لسه منزلوش فى الكتب طازه من أخوك ابو نصير
تحياتى يامنورنى
ابو نصير