انا مجرد عابر سبيل فى الدنيا

[طارق طروق]

على فكره كتر الغضب والزعل والعصبيه
بتقربنا اوى اوى من الشيخوخه
زمبلوكم كدا

[طارق طروق]

ولما سألتها وقولتلها
لو خيروكى بين انك تكونى جميله
او تكونى ذكيه هتختارى ايه فيهم
قالت اختار انى اكون جميله
قولتلها الجمال مصيره يزول والجمال هو جمال الروح مش الجسد
قالت انا معاك وموافقه على كلامك
انا اخترت الجمال عشان الرجال عموما بيشوفوا بعيونهم
ومش بيفكروا بعقلهم فاهم كلامى يا طارق
قولتلها فاهم طبعا هو انتى بتكلمى صومالى مثلا مثلا

[طارق طروق]

الجو برد مع انى والله عندى 3 دفايات
والتكييف عندى سخن وبارد
بس ولا بحب اشغل التكييف السخن ولا الدفايات
يس تعالوا شوفوا بقى انا لابس ايه عشان اكون دفيان بعيدا عن البطاطين طبعا
لابس كذا حاجه واساسى اساسى لابس شراب فى رجلى
الشراب بيدفينى عشان لو رجلى سقعانه بحس ان جسمى سعقان
بالرغم من اللى انا لابسه

[طارق طروق]

انا فى نظرى لما الراجل والست او البنت و الولد
بيكونوا فى مكان لوحدهم
امممممممممممممم
الراجل هو النار والست هى الجطب
اما المنيل على عينه اللى ربنا يكفينا شره ابليس
هو بقى الهواء شوفوا بقى الهواء بيعمل ايه
لما النار والحطب بيبقوا مع بعض ولوحدهم بقى

[طارق طروق]

وكان فيه مره 2 ديوك عايشين مع بعض فى سلام ووئام
لحد ما ظهرت دجاجه فى حياتهم
يالهوى بقى على اللى حصل بين ال2 ديوك
انا هسيبكم تسرحوا بخيالكم

[طارق طروق]

فيه ناس زى حالاتى كدا اقل حاجه تزعلهم
واقل حاجه تفرحهم الناس دى فهموا الدنيا كويس
وعرفوا ان مافيش حاجه تستاهل وان بياض القلوب
هو اللى بيكسر العتمه او الظلام

[طارق طروق]

سعات كدا بنعمل مغامره وبتكون خطر
لكن فى نظرى انا شخصيا الروتين بيكون قاتل
يعنى الروتين على كدا بيكون اخطر من المغامره

[طارق طروق]

انا مرهق جدا جدا
وهحاول انام شويه
برغم انى مش رايح الشغل النهارده
الموافق الخميس وعندى فرح بالليل زى ما قولتلكم
وكفايه كدا النهارده
مع السلامه بقى

[طارق طروق]

انا دخلت من شويه وخرجت
عشان جالى تليفونات كتيره بخصوص الفرح
اللى هروحه بالليل بتاع اخت صديقى
الكل عرف انى رايح الفرح ولما اروح فرح
ببهدل الدنيا بالمقالب بتاعتى وصديقى اخو العروسه
خلا اخته العروسه تكلمنى وتقولى عشان خاطرى يا طارق
بلاش المقالب اللى بتعملها بشقاوتك دى قولتلها عيب عليكى
هو انا وش ذلك ضحكت وقالت طيب لو عملت مقالب اعملها بعيد عنى انا وخطيبى
قولتلها اطمنى اطمنى وخلصت المكالمه وهى متعرفش انها هى وخطيبها اول الضحايا

[طارق طروق]

لو اسمى فى يوم غاب عن هنا
اكيد طبعا هينسانى البعض
لكن كلماتى اللى كتبتها هنا
ربما تخلى البعض يفتكرنى تانى