انا مجرد عابر سبيل فى الدنيا

[طارق طروق]

يعنى انا اكون سهران للصبح
وعندى شغل كمان شويه
ومنمتش من امبارح
وانتم كلكم نايمين
يا جبروتكم
مضطر بقى اغرقكم ميه عشان اصحيكم
بالعافيه عشان معدتش لوحدى

[طارق طروق]

الذين يشاهدون محتوى الموضوع الآن : 4 ( الأعضاء 1 والزوار 3)
اهلا بالزوار
انتم اكيد لسه صاحين دلوقتى
طب انا بقى هعاندكم وهخرج
عشان اتفرج على فيلم اجنبى لحد ما يجى ميعاد الشغل
كنتم فين وانا سهران طول الليل لحد دلوقتى هههههه
بااااااااااى بقى

[طارق طروق]

تخيلوا انى منمتش من امبارح لحد دلوقتى
وروحت الشغل عادى اى نعم كنت مرهق جامد
بس الحمدلله سديت فى الشغل وجيت على نفسى
عموما اليوم عدا على خير الحمدلله

[طارق طروق]

بعتذر عن الكتابه اليوم
معلش عشان مرهق جدا جدا
ومنمتش من امبارح
مع السلامه بقى

[طارق طروق]

ورجعتلكم تانى
ويا غلبى منكم يااااااااااااانى
بصوا بقى انت وهى وهو وهى وهو
نستونى انا كنت عايز اقول ايه
يا مرارى منكم يا مرارى

[طارق طروق]

ومن اجمل ذكريات الطفوله وانا صغير
فى المدرسه لما حد كان يجى ينادى على اسمى
ويقولى هات شنطتك وتعالى ياياك جه عشان ياخدك
احساس جميل كنت بحس كدا كأنى اخدت اعفاء من الجيش

[طارق طروق]

انا كان من عادتى انى مش بفطر الصبح
قبل ما نزل من البيت لكن الصدفه اليومين اللى فاتوا
خلتنى افطر ومش هقولكم بفطر فى مطعم محترم لا
عارفين بفطر فين دلوقتى؟
بفطر على عربيه فول يعنى قريبه شويه من الكافتريا
اللى انا شغال فيها بالصدفه شوفت بتاع الفول
واللى لفت نظرى له انه كاتب على عربيه الفول
(مخطرتش على بالك يوم تفطر عندى)
واغنيه ام كلثوم بتقول
(مخطرتش على بالك يوم تسأل عنى)

[طارق طروق]

ونرجع تانى لعربيه الفول
المهم بتاع الفول نظيف جدا ومنظم ومغطى كل شىء كويس
والعيش طازه وجميل حكم انا احب النظافه جدا
النهارده وانا بفطر الصبح عنده لقيت واحده بنت
هى جميله جدا ومعاها صاحبتها جايين ياخدوا ساندوتشات فول
اول ما شفتنى قالت وااااااااااااااااو الشيف طارق بيفطر هنا؟
مش معقول انت متواضع جدا
قولتلها متواضع على ايه حضرتك هو انتى شيفانى جاى
من مدينه البندقيه بأيطاليا؟

[طارق طروق]

رساله هامه الى الاستاذه الفاضله/ توحد ارواح
انا عارف انك مش متابعه مدونتى
لكن ممكن حد من الاخوه او الاخوات الافاضل
يوصلك رسالتى ورسالتى ليكى هى:
كل سنه وانتى طيبه احنا داخلين على الصيف
والمنتدى فى الصيف بيكون شديد الحراره
ياريت تركبى فى المنتدى خمس ست سبع تمن تسع عشر
تكيفاااااااااااااااااااااااااااااااااااااااااااات
ولو مش معاكى فلوس تكفى التكيفات
ركبى مراوح
وعلى رأى المثل
الباب اللى يجيلك منه الريح
افتحه عشان الواحد من حر المنتدى ممكن يسيح

مع انى مش عارف ايه مناسبه المثل ده دلوقتى
بس مشيها مشيها

[طارق طروق]

ولو حد فيكم فاشل فى حياته عندى الحل
بسيطه جدا جدا جدا
اى حد فاشل فى حياته يدور على حد غيره
يكون فاشل اكتر منه فى حياته
وبكدا هتحس انك ناجح فى حياتك
حد فيكم فاهم حاجه؟
بتقولوا ايوه فاهمين؟
امال انا مش فاهم ليه
حاجه غريبه اوى