انا مجرد عابر سبيل فى الدنيا

[طارق طروق]

والقلب مليان حكايات مستحيل
تحكيها الكلمات

[طارق طروق]

اسلوبى الجديد اللى بتبعه دلوقتى
الثرثره الصامته مع نفسى
والحديث المختصر مع الناس
وده مش من فراغ اكيد بسبب
ومش ضرورى تعرفوا السبب دلوقتى
هتعرفوه بعدين بعدين

[طارق طروق]

امبارح
ابو النهارده
وجد بكره
وال3 اللى فاتوا يبقوا ولاد قبل امبارح
حد فيكم فهم حاجه؟
بصراحه ولا انا

[طارق طروق]

سعات لما اجى اكتب هنا
احس ان جزء من المخ مفقود
بصراحه مش عارف ليه او من ايه

[طارق طروق]

النهارده دار حوار بينى وبين بنت زبونه للكافتريا
اللى انا شغال فيها ابوها عنده شركه كبيره
قالتلى على اسمها لما عرفت المؤهل بتاعى
والتخصص بتاعى فى مجال الكمبيوتر
قالتلى انا ممكن اكلم بابا يعينك فى الشركه بتاعته
افتكرت انى هفرح واقولها ياريت الله يخليكى
لكن اتصدمت لما قولتلها انا متشكر جدا
ياريت تكلمى باباكى على شباب مش لاقى شغل

[طارق طروق]

صدقونى السعاده عمرها ما كانت بكتر المال
ناس كتير اوى معاها فلوس ملهاش عدد
ورغم كدا مش مرتاحين البال
رغم كدا يتمنوا انهم ياكلوا من اكل الفقير
عارفين ليه؟
عشان متحرم عليهم بناء على تعليمات
الدكاتره انهم ميكلوش غير سلق فى سلق
يعنى كل اكلهم مسلوقات
اهم حاجه الصحه وراحه البال صدقونى

[طارق طروق]

انا اعرف ناس مليونيرات بس ربنا حرمهم من خلفه الولاد والبنات
يتمنوا ان ربنا ياخد منهم كل اموالهم بس يراضيهم بحتت عيل او عيله
لكن اكيد ربنا له حكمه فى ذلك
ومحدش فى الدنيا راضى بنصيبه

[طارق طروق]

واصعب حاجه بقى لما تكون دكتوره
امراض نساء وتوليد وربنا حارمها من الخلفه
انا اعرف دكتوره كدا فعلا
يااااااااااااااااااااااه صعبه جدا جدا
وخصوصا بقى انها يوميا بيتولد على ايدها
اطفال بجد بجد صعبه وكان الله فى عونها
ونرجع ونقول حكمه ربنا

[طارق طروق]

واللى بيشوف بلوه غيره بتهون عليه بلوته
لكى الله يا سوريا سفاح سوريا وسفاح روسيا
معندهمش دين ولا ضمير وسفاح سوريا اتساوا
مع سفاح روسيا فى الدين واللى اتساوا معاهم اكتر
حكام وملوك ورؤساء الدول العربيه قاعدين يتفرجوا
لأن كل واحد منهم خايف على الكرسى
يخربيت ام الكراسى
بس عايز اقولهم حاجه
لو دامت لغيركم مكنتش وصلت ليكم

[طارق طروق]

وربنا سبحانه وتعالى بيمهل ولا يهمل
وحسبنا الله ونعم الوكيل