انا مجرد عابر سبيل فى الدنيا

[طارق طروق]

البت الذكيه ال ولد كان بيعاكسها
على الموبايل تقوم ايه تغير رقمها
وتبعتله رساله وتقوله غيرت رقمى يا حقير
هشوف بقى هتعاكسنى ازاى
يقوم الولد الغبى زيها يقولها
هجيب رقمك حتى لو روحتى المريخ وهاعكسك

[طارق طروق]

وفيه ناس كتير ساعات بتعمل نفسها
مقتنعه بكلام اللى قدامها عشان يتنيل
على عينه ويسكت بقى
بصراحه نفسى اعمل زيهم لكن مقدرش

[طارق طروق]

محكمه امريكيه حكمت على شاب بالغرامه 50 الف دولار
عشان خلف وعده بالزواج من فتاه
المحكمه دى لو عندنا وطبقت الكلام ده
كانت هتبقى مصدر الدخل الاول قبل قناه السويس

[طارق طروق]

وعلى رأى الشاعر لما قال
ركبونى مرجحتى
انا عايز اركبها لوحدى
مش فاكر الشاعر يبقى مين
ولا هفتكره اصلا عشان
بصراحه هو مش شاعر

[طارق طروق]

الصيف داخل ونيجى بقى للبنات على الفيس
مع انى والله عملت فيس جديد من فتره
ولسه بحاله ولا انضفت ولا ضفت حد
زى ما هو وفين وفين لما ادخل ابص بصه
نيجى بقى لكذب البنات على الفيس
البنت: اووف على الحر ثوانى يا قلبى اشغل التكييف
تقوم تلف المروحه بأيدها عشان تشتغل

[طارق طروق]

والبت من دول تبقى سارقه شويه لب
قاعده تأزأز فيهم وهى قاعده على الفيس
وتقولك انا باكلك شيكولاته تاكل معايا؟

[طارق طروق]

والبت من دول تبقى قاعده على الفيس
وتقولك ثوانى هرد على الفون عشان بقاله مده
بيرن وانا منفضه
ال يعنى البت الناس مترميين عليها ال

[طارق طروق]

والبت من دول تقولك ثوانى انا داخله
اخد شاور فى البانيو عشان اريح اعصابى
وهى اخرها تستحمى بصابونه جود مورننج
تحت الدوش واحتمال الميه تكون مش بتطلع عندها

[طارق طروق]

والمصرى هو الوحيد اللى يقول فى السلام

صمو عليقو

لا واللى يرد عليه يقوله
سمحتر كاتو

ايوه زمبؤلكو كده

[طارق طروق]

الزوجه لزوجها
مبروك خلاص هنبقى تلاته
الزوج وهو فرحان جدا
الحمدلله سواء ولد ولا بنت
اخيرا حبيبتى بقيتى حامل؟
قالتله لا ياروح امك دى ماما جايه تقعد معانا فى البيت