الحاجات

[ahmed 22]

في ناس تآمن بالحاجات
وناس تتاجر بالحاجات
وناس تقول ان الحاجات متغيرات
تسعد قلوب متحيرات
تعمل صداع من حب فات

دايما تناقض في الحالات ..

وناس تقول ان الحاجات نزلت مزاد
مين قال مزاد .. ادفع يا واد
لاء مش موساد ..
أصل الخواجة من بيت ذوات
طاهر شريف .. صاحب مزاج
صاحب ظهور ..لاء مش طهور
اصله هناك .. عايش هناك .. قاعد هناك
ماضي العقود .. ومعاه الشهود
صاحب بلادنا .. من غير ولادنا
دول مش بتوعنا .. أصلا خنوعنا
واجب علينا .. إحنا اللي لازم .. نقطع وريدنا
ونقول حاجتنا أولي بطاهرنا
هو اللي حامي .. اصلا محامي ..
ولمين نحامي غير لابن بيتنا ..

ولكن سنظل أوفياء ..
ايش فهمك انت ؟

وفي ناس تدرج الحاجات
أصل الحاجات دي معضلات
اولها ساعي في الدواهي
وثانيها قاتل في المحافل
وثالتها قابض بس ظابط
ورابعها .. لاء ده حالة
ده شريكنا بس مخبر
بينا بس مفلس
بس خد شقة في حارة
واحتمال يبني العمارة
بس دايما عينه منه
وتلاقيه لابس ستارة ..

والله ما قصر ..

وفي حاجات بين الخلايجة متحكمات
لاء مش سكات ....
بس الصوات يلزم عياط
هل فيه سياط ؟؟
مش شرط يمكن ...
بس التمكن فيك ده يمكن ..
انك تكمن أو تستكمن ..
او تأمن علي كل ممكن ...
بس الشروط أنك تموت
يعيش ولادك ولود ملوك

يا عم اوهم ...

انا الضلال اللي انت صانعه
ومين ده قال أن الظروف تمنع حاجات
أنا الحاجات .. عايش حاجات ..
بعمل حاجات .. بقتل حاجات ..
بس دايما مني احذر
عشان ساعات بفهم حاجات ...

[YOo YA]

جميله اوووي
ورغم تكرار اللفظ الاانه بيعمل نغمه حلوة
وليه معني كمان
مبدع من وقت دخولك منتدانا اخي
دوام اللابداع يا رب

[حـيـــــآة ❤]

معناها وصلي صح
احسنت والله مبدع
استمر ماشاء الله
في حفظ الله

[العاشق الذى لم يتب]

ربناينتقم من كل ظالم
منور ابوحميد
جميل الكلام

[Aya 7ekaya]

ايه الابداع ده
حقيقى جميله رغم ان الكلمه اتكررت كتير لكن وصلت نغمه حلوة للكلام
دام ابداعك

[بنت خديجة]

الله عليك
ابدعت احمد

[ahmed 22]

اشكر لكم جميعا بهاء حضوركم وطيب كلامكم
كل التقدير والاحترام للجميع

والعذر ان لم اتمكن من الرد كل تعليق علي حدا ..